Gẹnẹsis 42:19 - Edo Bible (E Baibol Ẹdo) Version 1996

¹⁹ A deghẹ emwa esi wa gele khin, ọkpa kẹkan vbe uwu uwa gha mudia vbe uwu ẹwẹdọ vbe owa ne a viọ uwa yi, wa nekpa ghi gha rrie owa ne u wa viọ evbare ne uwa dẹlẹe gie ẹgbẹe uwa ne ohanmwẹ ghẹ gbe le iran an.

Gẹnẹsis 42:19 ပူးပေါင်းရင်းမြစ်များ

Gẹnẹsis 40:3

Ọ na rhunmwuda ọnii hẹ iran ku ẹwẹdọ ne ọ rre uwu owa ọkaolotu avbe abodẹ, vbe ehe ọkpa ni ne a mu e Josẹf khui yi.

Gẹnẹsis 41:56

Ugbẹn vbe ukhunmwu ghi gba ẹvbo nii hia nẹ, e Josẹf keghi kie avbe aza ọka hia, ọ na gha khiẹn ọka ne ivbi Igipt dẹ rhunmwuda te obọ ukhunmwu ghi dotọ vbe Igipt.

Gẹnẹsis 42:11

Etẹn ọkpa ma hia khin. Ma i re ọrhẹ, emwa ẹmwata ma khin.”

Gẹnẹsis 42:18

Ọ ghi sẹ ikpẹdẹ ne ogieha e Josẹf keghi tama iran wẹẹ, “Osanobua ọ re I ga, wa gha miẹn uhunmwu a deghẹ wa ru vbenian.

Gẹnẹsis 42:20

Wa ghẹ mwẹ wa ma rhie ọtẹn uwa nekherhe gunmwẹ ne I miẹn ehe na rẹn wẹ, ẹmwata wa tae ne a ghẹ gbele uwa a.” Iran ke ya obọ yọ vberriọ.

Gẹnẹsis 42:26

Etiọnrẹn nii keghi kun emwi ne iran dẹlẹe yan ekẹtẹkẹtẹ iran, iran na kpao.

Gẹnẹsis 42:33

Okpia nii keghi wanniẹn wẹẹ, ‘Vbene I gha ya rẹn ighẹ emwa ẹmwata ọre uwa gele khin ọre ọna khin, ọkpa vbe uwu uwa gha tota ke mwẹ, nekpa ghi viọ ọka gha rrie owa bu emwa uwa ne ẹ i mwẹ evbare.

Gẹnẹsis 45:23

Ọ keghi viọ ekẹtẹkẹtẹ igbe, ọ ke kun emwi ne ọmaa sẹẹ ne a miẹn vbe Igipt yan iran viọ gie erha ẹe, deba ekẹtẹkẹtẹ igbe ne a kun ebrẹd yan deba avbe evbare ọvbehe ne erha ẹe gha re vbe okhian nii, gie erha ẹe.

Aizaia 42:22

Sokpan, banbanna nian, iran hẹ rhu emwa rẹn; a viọ ehia khui ye uvun uwu otọ a keghi vbe viọ iran lẹre ye uwu ẹwẹdọ a do iran emwi hẹ, a hẹ rhu iran vbene ai na miẹn ne ọ gha miẹn iran fan.

Aizaia 42:7

U gha rhan aro avbe arhuaro, u ghi fannọ iran ni tota ye ẹwẹdọ ne ọ so ebiebi kua.

Jerimaia 37:15

Ohu mwẹ keghi wa mu iran hia ẹsẹse, iran na giee ne a gbe mwẹ, iran na ya mu mwẹ khui ye owa e Jonatan ne ọgbenbe ẹguae, ne a ghi ya owa ẹre ru ẹwẹdọ.