Gẹnẹsis 41:8 - Edo Bible (E Baibol Ẹdo) Version 1996

⁸ Owiẹ ghi rre, ekhọe ẹre hia keghi rhia, ẹre ọ na gie ne a tie avbe ọbo edunna kevbe umẹwaẹn ni rre Igipt hia. Ọ keghi ta imina rẹn ma iran, sokpan a ma miẹn ne ọ sẹtin rhan otọ ẹre na ẹn.

Gẹnẹsis 41:8 ပူးပေါင်းရင်းမြစ်များ

Gẹnẹsis 40:6

Ugbẹn vbe Josẹf ghi sẹ ehe ne iran ye vbe owiẹwiẹmwọkpa, ọ keghi miẹn wẹ aro iran i ma vbe uhunmwu.

Gẹnẹsis 40:8

Iran keghi wanniẹn wẹẹ, “Ma eveva ọre ọ wa mina, ma ma miẹn ọmwa ne ọ gha rhan otọ iran ma ima.” E Josẹf keghi wanniẹn wẹẹ, “Osanobua ọ re ọ rhie ẹtin ne a ya rhan imina ne ọmwa, wa tama mwẹ vbene uwa mina hẹ.”

Gẹnẹsis 41:15

Ọba keghi tama e Josẹf wẹẹ, “I minaẹn, I ma miẹn ọmwa ne ọ sẹtin rhan otọ ẹre ma mwẹ. A khama mwẹ wẹ u gha họn vbene a mina hẹ, u sẹtin rhan otọ ẹre.”

Gẹnẹsis 41:24

Avbe osuọka ne hiahiahia nii keghi minọ avbe ne dẹudẹu re. I ta imina na ma avbe ọbo edunna, sokpan, a ma miẹn ne ọ sẹtin rhan otọ ẹnrẹn ma mwẹ.”

Gẹnẹsis 41:7

Avbe ọka ne hiahiahia nii keghi minọ avbe ọka dẹudẹu nii re. Ọba keghi rhiọrre, ọna miẹn wẹ te irẹn mina.

Psalm 25:14

Ọse iran ni họn ẹmwẹ ne ẹẹn, ọ re Nọyaẹnmwa khin. Ọ ghi gha so igie ye ile ne ọ gu iran ta.

Ẹksọdọs 7:11

Ẹre ọba na tie avbe umẹwaẹn kevbe ọbo edunna rẹn hia, iran keghi vbe ya ọbo edunna iran ru vberriọ.

Ẹksọdọs 7:22

Ẹre ọbo edunna ọghe ọba na vbe ya ẹbo edunna ru ẹe, ọba keghi dọlegbe yin ehọ sayọ. Ọ ma zẹdẹ zẹye Mosis kevbe Errọn re zẹ vbe ne Nọyaẹnmwa kha re

Ẹksọdọs 8:7

Sokpan, avbe ọbo edunna keghi vbe ya ọbo edunna iran viọ ẹkirẹ ladian.

Ẹksọdọs 9:11

Avbe ọbo edunna ma ghi sẹtin rre do miẹn e Mosis rhunmwuda, uruvba gba iran egbe hia zẹvbe ne ivbi Igipt nekpa vbe ye.

Aizaia 19:3

I gha rhia uma ne ivbi Igipt si, I ghi vbe duẹ ẹtin ne ọ te rre iran iwu rua. Iran gha rinmwian wẹ ne amazẹ iran yi iran obọ, iran gha vbe yo ya gha gualotọ emwi vbe obọ iran ni miẹn aro, iran ghi vbe gha nọ ibude vbe obọ orhiọn emwa ni wulo nẹ.

Aizaia 29:14

Rhunmwuda ọnii, I gha runran iran, vbe ne I gha na kinmwi iran yan egbe yan egbe vbe a ma ro a ma kọ. Iran ni te wan gha khian akpa, ẹwaẹn ne iran wẹ iran wan hia ghi do khian ekẹkan.”

Aizaia 8:19

Sokpan, emwa gha tama ruẹn ne u ya gualọ otọ emwi vbe obọ avbe ọbiro kevbe ọfiakpẹlẹ ni kpe ihue, kevbe ni vbe zuyọn. Iran gha kha wẹẹ, “A rẹnrẹn wẹ ọ kere ne emwa gha gualotọ emwi gie emwa ni rre agbọn vbe obọ avbe ẹrinmwi kevbe emwa ni wulo nẹ.”

Daniẹl 1:20

Ẹmwẹkẹmwẹ ne ọba a rhirhi nọ, ra ọlọghọmwa ne ọ rhirhi a gha rrọ, emọ na keghi ya ukhukhu igbe rẹn sẹ avbe ebo edunna kevbe avbe ọbiro ni rre otọe arriọba nii hia.

Daniẹl 4:18

E Nebukiadneza ne, ọba keghi kha wẹẹ, “Imina ne I minaẹn ọnii khin o Bẹtẹsiaza, banbanna nian, tama mwẹ emwi ne a ya ẹe kha. Ọkpa i rrọ ne ọ sẹtin ta ẹe ma mwẹ vbe uwu iran ni gunmwẹ ziro, sokpan wẹ gha sẹtin, rhunmwuda orhiọn avbe ẹbọ nihuanrẹn rre uwu uwẹ.”

Daniẹl 4:19

E Daniẹl ne a vbe tie ẹre Bẹtẹsiaza ghi họọn ẹmwẹ na, afianma keghi fian ẹn sẹ vberriọ wẹ ọ ma sẹtin ta ẹmwẹ rhọkpa. Ọba keghi tama rẹn wẹẹ, “Bẹtẹsiaza ghẹ gie imina na kevbe emwi ne a ya ẹe kha fian an afianma hiehiere.” E Bẹtẹsiaza keghi wanniẹn wẹẹ, “Umogun, ọ gha te yẹ mwẹ akpawẹ, imina na kevbe emwi ne a ya ẹe kha, eghian ruẹn ọ re a taa ẹe gie ighe ẹ i re uwẹ.

Daniẹl 4:5

Sokpan, mẹ keghi mina imina ne ọ mu ohan, I keghi vbe miẹn umian ni kpan ọmwa udu vbe I vbiẹ.

Daniẹl 4:6

I keghi gie ne a tie avbe iguọbaziro ni rre Babilọn hia ne iran do rhan otọ imina ne I minaẹn ma mwẹ.

Daniẹl 4:7

Ẹre avbe ọbo hia, avbe ebo edunna hia, avbe azẹn kevbe avbe iwe uki, a na viọ ehia bu mwẹ gha dee, I na ta imina mwẹ ma iran; sokpan iran ma sẹtin rhan otọe ẹre.

Daniẹl 5:11

Arhiọnkpa rre otọe arriọba ruẹ na ne orhiọn avbe ẹrinmwi nihuanrẹn rre uwu ẹre. Ẹghẹ ne erha a na gha rre agbọn, okpia na wa rhie ma ighe rẹn mwẹ ẹwaẹn, irẹnmwi kevbe ẹdẹ ne ọ gbe vbe ẹko, zẹ vbene avbe ẹbọ ye. Erha a ighe Nebukiadneza ne ọba keghi maa ẹre ọkaolotu avbe ọbiro, ebo edunna, avbe azẹn keghi avbe iweuki.

Daniẹl 7:28

Ọna ọrọre ufomwẹ emwi ne I gbẹnnẹ yotọ. Ohan mu mwẹ sẹrriọ wẹ, I na wa luẹluẹ, I ma vbe tama ọmwarhọkpa.

Daniẹl 8:27

Egbe hia keghi guọghọ mwẹ yotọ, I na ya ikpẹdẹ ihinrọn khuọnmwi. Ẹre I na kpaegbe, I na gha rrie ehe ne iwinna ne ọba mu mẹ ye. Sokpan, umian nii sunsun yọmwẹ aro, I ma vbe rẹn emwi ne a yae kha.

Levitikọs 19:31

“Wa ghẹ yo ọghe iran ni gu avbe emwa ni wu nẹ guan. Wa gha ru ẹe. wa gha mu awua. Mẹ ọ re Nọyaẹnmwa Osanobua rua.

Levitikọs 20:6

“De ghẹ ọmwaikọmwa yo ọghe iran ni gu avbe eniwu nẹ guan, I gha mu aro da ẹre, mẹ i ghi ra vbe ka ẹe ba emwa mwẹ.

Habakọk 3:16

I họn emwi na hia I kegha guọ, aranmwẹ mwẹ kegha guọ ne ohan. I zegbe zẹ mwẹ ye otọ owẹ mwẹ kegha mian gbẹghẹgbẹghẹ. I gha hẹko ziengbe khẹ ẹghẹ ne Ọ dee, ne Osanobua gha na rri iran oya ighe iran ni gunmwa gbinna.

Matiu 2:1

Ẹvbo Bẹtlẹhẹm ọghe Judia ọre a na biẹ Jesu vbe ẹghẹ ọba Hẹrọd. Vbe ọ ma ghi he kpẹe, avbe emwa eso ni ghe umian vbe orhọnmwẹ, keghi ke odẹ ahọ gha die Jerusalẹm.

Iwinna 17:18

Avbe ọmamwaemwi Epikurian kevbe Stoik eso keghi vbe guee gha muan ẹmwẹ. Eso vbọ kegha kha wẹ, “De emwi ne ole unu na vbe miẹn gha ta yi?” Eso vbọ keghi vbe kha wẹ, “Ọ ye vbe ẹmwẹ ẹbọ ne ima mannọẹn ọre ọ ta.” Emwi ne ọ ye iran ta ẹmwẹ na ọrọre wẹ te Pọl gha kpe orhu Jesu kevbe arhiọkpaegbe.

Iwinna 7:22

A keghi vbe ma ẹre irẹnmwi Igipt hia. Rẹn keghi khian ọkpọmwa vbe ẹmwẹ kevbe emwi ne a ru.

I Kọrinti 1:19

Rhunmwuda, Ebe ne ọ huanrẹn tae wẹẹ, “I gha fuẹn ọnrẹn uan ighẹ ẹwaẹn iran ni waan, I ghi bi irẹnmwi iran ni waan kọ ye efẹn ọkpa.”

I Samuẹl 6:2

avbe ọkaolotu iran keghi tie avbe ohẹn kevbe ọbo edunna, iran keghi nọ iran wẹẹ, “Vbe ima gha ru Ẹkpẹti Ile ọghe Nọyaẹnmwa hẹ? A deghẹ ma mu ẹẹn werriegbe gha rrie ehe ne ọ ke rre, de emwi ne ima gha rhie lele ẹe gha khian?”