Gẹnẹsis 41:57 - Edo Bible (E Baibol Ẹdo) Version 1996

⁵⁷ Emwa kegha ke otọ agbọn hia rrie Igipt ne iran do gha gu e Josẹf dẹ ọka, rhunmwuda obọ ukhunmwu nii keghi wa vbe dotọ vbe otọ agbọn hia.

Gẹnẹsis 41:57 ပူးပေါင်းရင်းမြစ်များ

Gẹnẹsis 12:10

Sokpan ukhunmwu kegha fi vbe Kenan, ọ keghi tua sẹrriọ wẹ, Ebram keghi ye khian sikẹ odẹ okuọ, yasẹ Igipt ne ọ ya yin evba vbe omwa ẹghẹ eso.

Gẹnẹsis 41:54

Ukpo ihinrọn ọghe ukhunmwu keghi suẹn vbene Josẹf wa tae zẹẹ. Ukhunmwu kegha fi vbe ẹvbo nekpa hia, sokpan evbare kegha rre Igipt la ehe ne ọ sẹe ehe ne ọ rhanmwẹ.

Gẹnẹsis 41:56

Ugbẹn vbe ukhunmwu ghi gba ẹvbo nii hia nẹ, e Josẹf keghi kie avbe aza ọka hia, ọ na gha khiẹn ọka ne ivbi Igipt dẹ rhunmwuda te obọ ukhunmwu ghi dotọ vbe Igipt.

Gẹnẹsis 42:1

Ugbẹn vbe Jekọb ghi họn ighẹ ọka rre otọ Igipt, ọ keghi tama ivbi ẹre nikpia wẹẹ, “Vbe uwa na bu aroa hẹ mwa na yi?

Gẹnẹsis 42:5

Ivbi Izrẹl keghi deba emwa ọvbehe vbe gha de ne iran do dẹ ọka rhunmwuda ukhunmwu wa gha fi vbe otọ e Kenan.

Gẹnẹsis 42:6

Zẹvbe enọkhaemwisẹ yan Igipt, e Josẹf ghi rre, iran keghi viọ ẹko rhu otọ vbe odaro ẹre.

Gẹnẹsis 43:1

Ukhunmwu keghi dọlegbe tua vbe Kenan.

Gẹnẹsis 47:14

E Josẹf keghi si igho ne emwa Igipt kevbe Kenan ya dẹlẹ ọka koko. Ọ na mu igho ni gha die ẹguae ọba.

Gẹnẹsis 50:20

Te uwa te si uma ne uwa ru mwẹ emwi dan, sokpan Osanobua keghi fiẹe werriẹ yae khian emwi esi, ne ọ miẹn ehe na sinmwi emwa nibun ye agbọn, emwa na miẹn wẹ, ọnii ọ zẹe ne iran na rre agbọn ẹre na.

Diuteronomi 9:28

Ne a ghẹ miẹn wẹ te ivbi Igipt ghi kha wẹ u ma sẹtin viọ emwa ruẹn gha rrie otọe ne u ve iran re. Ivbi Igipt ghi kha wẹ te u viọ emwa la uwu ato ne u ya gbele iran an rhunmwuda ighẹ u mu ohu iran.