Gẹnẹsis 41:56 - Edo Bible (E Baibol Ẹdo) Version 1996

⁵⁶ Ugbẹn vbe ukhunmwu ghi gba ẹvbo nii hia nẹ, e Josẹf keghi kie avbe aza ọka hia, ọ na gha khiẹn ọka ne ivbi Igipt dẹ rhunmwuda te obọ ukhunmwu ghi dotọ vbe Igipt.

Gẹnẹsis 41:56 ပူးပေါင်းရင်းမြစ်များ

Gẹnẹsis 12:10

Sokpan ukhunmwu kegha fi vbe Kenan, ọ keghi tua sẹrriọ wẹ, Ebram keghi ye khian sikẹ odẹ okuọ, yasẹ Igipt ne ọ ya yin evba vbe omwa ẹghẹ eso.

Gẹnẹsis 41:30

vbe iyeke ọnii, ukpo ihinrọn ọghe ukhunmwu ghi do rre, ẹghẹ nii, avbe ukpo esiesi nii ghi khian ne a mianmiaẹn vbe Igipt. Ukhunmwu nii gha mu otọ na hia rhia.

Gẹnẹsis 41:35

Tama iran ne iran gha viọ avbe evbare hia la ukpo ni maa nii rre, iran ghi gha winna vbe asẹ ruẹ ne iran si ọka gbo hinrre zẹ vbe evbare vbe ẹvbo hia, ne emwa vbe gha bodẹ gbearoghe ẹre.

Gẹnẹsis 41:55

Ugbẹn vbe ohanmwẹ ghi suẹn gha gbe ivbi Igipt hia, emwa nii hia keghi tu bu ọba ne ọ rhie evbare ne iran. Ọ ke tama emwa Igipt wẹẹ, “Wa bu e Josẹf gha khian ne u wa vbe ru vbe ne ọ ghi kha.”

Gẹnẹsis 41:57

Emwa kegha ke otọ agbọn hia rrie Igipt ne iran do gha gu e Josẹf dẹ ọka, rhunmwuda obọ ukhunmwu nii keghi wa vbe dotọ vbe otọ agbọn hia.

Gẹnẹsis 42:6

Zẹvbe enọkhaemwisẹ yan Igipt, e Josẹf ghi rre, iran keghi viọ ẹko rhu otọ vbe odaro ẹre.

Gẹnẹsis 43:1

Ukhunmwu keghi dọlegbe tua vbe Kenan.

Aizaia 23:17

Ukpoekigbe-siyenẹ ni ghẹ ghi gberra nẹ, e Nọyaẹnmwa gha gie Taia ya dọlegbe suẹn ẹki ẹre nẹdẹ, ọ ghi gie agbọn ẹvbo ni rre otọe agbọn hia do gha rhie ẹre vbe iwinna.

Zẹkaraia 5:3

Rẹn keghi tama mwẹ wẹẹ, “Emwi ne a gbẹn ye uwu ẹre ọrọre ihen ne a ra tie ne uhunmwu otọe hia. Vbe obọkpa vbe ebe nii, a gbẹn ọẹn yọ wẹ a gha hẹ avbe oyi hia kua vbe otọe nii; a keghi gbẹn ye obọ nọkpa wẹ emwa ni ye ta ohoghe vbe iran a vbe vẹn ihen nẹ, a gha vbe hẹ iran kua.

Iyẹn ne ọ Maan Ọghe Luk 21:35

Rhunmwuda te ọ ra siẹn rhu emwa ni rre agbọn na hia zẹ vbe ọguagha.

Iwinna 17:26

Ke uwu ọmwa ọkpa rre, ọre ọ na yi emwi otọ ughughan ne iran gha rre otọ agbọn hia. ke odaro emwi hia, rẹn ọre ọ tobọ ẹre mwa ẹghẹ ne iran gha ya gha rrọ, ọ keghi ye uwu yi ehe ne iran gha ye vbọ.