Gẹnẹsis 41:51 - Edo Bible (E Baibol Ẹdo) Version 1996

⁵¹ E Josẹf keghi kha wẹẹ, “Osanobua gunmwe mianmian oya ne I re hia kevbe ẹgbẹe erha mwẹ.” Ọ na he ovbi ẹre nọdiọn Manasẹ.

Gẹnẹsis 41:51 ပူးပေါင်းရင်းမြစ်များ

Gẹnẹsis 41:30

vbe iyeke ọnii, ukpo ihinrọn ọghe ukhunmwu ghi do rre, ẹghẹ nii, avbe ukpo esiesi nii ghi khian ne a mianmiaẹn vbe Igipt. Ukhunmwu nii gha mu otọ na hia rhia.

Gẹnẹsis 41:50

Ukpo ne ukhunmwu na fi ghi te do suẹn, Asẹnat keghi biẹlẹ emọ ikpia eva ne Josẹf.

Gẹnẹsis 41:52

Ọ keghi vbe kha wẹẹ, “Osanobua viọ emọ gunmwẹ vbe ẹvbo ne I na miẹn ọlọghọmwa.” Ọ keghi he ovbi ẹre ne ukpogieva Ifreim.

Gẹnẹsis 48:1

Ọ ghi kpẹe fua kherhe, a keghi do tama e Josẹf wẹẹ, “Egbe ma rran erha a.” Rẹn keghi viọ ivbi ẹre eveva Manasẹ kevbe Ifreim, ọ na ya miẹn e Jekọb.

Gẹnẹsis 48:5

E Josẹf, emọ ikpia eva ne iran biẹlẹ nuẹn vbe Igipt na vbe I te rre, ọghomwẹ iran vbe khin. Zẹ vbene Riubẹn kevbe Simiọn re ọghomwẹ, erriọ zẹ ọre Ifreim kevbe Manasẹ gha vbe re ọghomwẹ.

Job 11:16

Ẹghẹ nii, u ghi do mianmian ọlọghọmwa ruẹn hia. Zẹ vbe orogho ne ọ lẹ gberra, ne a ma ghi yerre ọvbehe.

Psalm 30:11

U ya eve mwẹ khian iku ọyẹnmwẹ nẹ. U mu akhiẹ hin mwẹ egbe rre u kevbe viọ oghọghọ lẹga mwẹ.

Psalm 30:5

Ovbi ẹghẹ kherhe ọre izohu ẹre ya umamwẹ ọnrẹn keghi re ọghe ẹdẹ agbọn hia. Ameve sẹtin gha rhọkua vbe, asọn sokpan oghọghọ dee vbe owiẹ.

Psalm 45:10

Ovbiọha ọba, danmwehọ ẹmwẹ ne I ra tama ruẹn rhie ekhọe hin ẹmwẹ emwa ruẹn kevbe avbe etuẹn rre.

Itan 31:7

Gie iran da ayọn ne iran ta mianmian ogue kevbe usẹ ne iran ye.

Aizaia 57:16

Mẹ ọ re ọ rhie arrọọ ne emwa mwẹ, rhunmwuda ọnii, mẹ i ra wa gha gu iran gui ra ne ohu iran gha mu mwẹ rhinrin ẹdẹ.

Aizaia 65:16

Ọmwaikọmwa ne ọ ghi nọ afiangbe vbe otọe nii, Osanobua ẹmwata ọ re ọ ra wẹ, ne ọ fiangbe irẹn. Ọmwaikọmwa ne ọ vbe vẹn ihẹn eni Osanobua ẹmwata nii ọ re ọ ra vbe ya vẹn ọẹn. Orueghe ọghe ẹghẹ ne ọ gberra gha fo, a ghi vbe mianmian ẹn.”

Nọmbas 26:28

Ẹwae ọghe Josẹf ne ọ gha re erha avbe emọ ikpia eva e Manasẹ kevbe Ifreim.

Diuteronomi 33:17

Ẹtin ekhuia ẹmila ọ re Josẹf ghaa mwẹ, ke igho ọghe ede. Avbe igho ẹre kegha re inu arriaisẹn ne ọ khin ọghe Manasẹ kevbe arriaisẹn igbe ọghe Ifreim, igho ni ọ re ọ ya solo avbe uhunmwu ẹvbo, ọ ghi sua iran gha rrie odẹ ufomwẹ agbọn.”

Jọsua 17:1

Rhunmwuda ighẹ Manasẹ ọrọre ovbi e Josẹf ne ọdiọn, a keghi fian vbe otọe ni mu ne ẹgbẹe Manasẹ, e Makiẹ ne erha Giliad ọ re ọ gha re ovbi e Manasẹ ne ọdiọn, ọ kevbe re ovbiyokuo, rhunmwuda ọnii, a keghi mu Giliad kevbe Basian ne ẹẹn.

I Samuẹl 1:20

Erriọ a miẹn ọẹn wẹ, ọ keghi hanmwa, ọ na biẹ ọmọ okpia. Ọ keghi he ẹre Samuẹl. Ọ wẹẹ, “Obọ e Nọyaẹnmwa ọre I na nọ rẹn.”