Gẹnẹsis 41:49 - Edo Bible (E Baibol Ẹdo) Version 1996

⁴⁹ Ọka ne ọ viọ hin rre ke bun sẹrriọ wẹẹ ọ keghi yevbe ikpekhae ni rre okun. Ọka bun sẹrriọ ne ọ na ma ghi zẹdẹ gha mwa rẹn rhunmwuda a i sẹtin mwa rẹn.

Gẹnẹsis 41:49 ပူးပေါင်းရင်းမြစ်များ

Gẹnẹsis 22:17

I yanrẹn wẹẹ I gha viọ uniẹn nibun zẹ vbe orhọnmwẹ ne aro iso ra ikpekhae ni rre ọkpẹn okun nuẹn. Uniẹn ruẹn gha khọn eghian iran muotọ.

Gẹnẹsis 41:48

E Josẹf keghi viọ evbare hia vbe ukpo ihinrọn nii ne emwi na kpọ vbe otọ Igipt, ọ keghi siẹe gboo ye ọ re ẹvbo. Ọ ke ghi si evbare ni rre iwewe ni lẹga dọmwadẹ okpẹvbo nii rre.

Gẹnẹsis 41:50

Ukpo ne ukhunmwu na fi ghi te do suẹn, Asẹnat keghi biẹlẹ emọ ikpia eva ne Josẹf.

Job 1:3

Ọ kegha mwẹ ohuan arriaisẹn ihinrọn (7,000), e kamẹl arriaisẹn eha (3,000), oghẹn ẹmila arriaisẹn (1,000) kevbe ekẹtẹkẹtẹ iyisẹn isẹn (500). Ọ kevbe gha mwẹ eguọmwadia ni bun ẹsẹse. Rẹn ọ re ọ wa gha re ọmwa ne ọ fe sẹẹ vbe odẹ Owẹn owiẹ.

Psalm 78:27

Ọ keghi viọ ahianmwẹ gie emwa rẹn ubunmwẹ ọnrẹn keghi yevbe ikpekhae ni rre ikpogho okun.

Jerimaia 33:22

I gha muan ivbi uniẹn e Devid ne ọguọmwadia mwẹ, kevbe avbe ohẹn ne ivbi uniẹn e Livai sẹrriọ wẹ a i ra sẹtin ka iran zẹ vbene a i sẹtin ka avbe orhọnmwẹ ni rre aro iso ra ikpẹkhae ni rre ọkpẹn okun.”

Giọgis 6:5

Iran ghi viọ ẹmila iran kevbe owa ukpọn iran ni bun vbe irhiso gha dee. A i sẹtin ka iran kevbe ogologo iran vbene iran ghi bun sẹ. Iran kegha rhia otọe nii uan.

Giọgis 7:12

Ivbi e Midian, Amẹlẹk kevbe iran ne ẹwae ni rre uwu ato keghi wa gba iya nii zẹ vbe irhiso, iran keghi vbe mwẹ ekẹtẹkẹtẹ ni bun zẹ vbe ekhae ni rre ọkpẹn okun.

I Samuẹl 13:5

Ivbi e Filistin keghi tie otiegba ne iran do gu ivbi Izrẹl gbinna. Iran kegha mwẹ ikẹkẹ ematọn ọghe okuo arriaisẹn ọgban (30,000) deba emwa ni hin ẹsin arriaisẹn ehan (6,000) kevbe ivbi iyokuo ni bun zẹ vbe ikpekhae ni rre ọkpẹn okun. Iran kegha rrie Mikmas ne ọ rre odẹ ahọ ọghe Betavin, iran keghi bu agọ ye evba.