Gẹnẹsis 41:43 - Edo Bible (E Baibol Ẹdo) Version 1996
43 Ọ ke wẹ ne ọ hin ikẹkẹ okhuae nogieva ọghe ọba, iran ni wan ẹvbo hin odẹ rre ke odaro nẹẹn gha go wẹẹ, “Wa wan ruan.” Erriọ ọre a ya ye Josẹf ru enọkhaemwisẹ yan Igipt.
Ọba keghi yuo oroka asẹ ne ọ ya ye ẹmwẹ okhi, hin ikpinhianbọ ẹre rre, ọ keghi rhie ẹre ye ikpinhianbọ ọghe Josẹf, ọ keghi ye ukpọn etianran yiẹe, ọ keghi mu emwi urhu ọghe igoru ye ọre urhu.
Okpia nii keghi wanniẹn wẹẹ, ‘Vbene I gha ya rẹn ighẹ emwa ẹmwata ọre uwa gele khin ọre ọna khin, ọkpa vbe uwu uwa gha tota ke mwẹ, nekpa ghi viọ ọka gha rrie owa bu emwa uwa ne ẹ i mwẹ evbare.
Rhunmwuda ọnii, ẹ i re uwa ọre ọ gie mwẹ gha die edinran sokpan Osanobua nọ. Ọ keghi ya mwẹ ru zẹ vbe ihe erha ne ọba, mẹ ọ re ọ gbearoghe ẹvbo ẹre hia kevbe ne ọ khaemwisẹ yan Igipt hia.”
E Modekai kegha re ne ọ zẹ diake ọba Kzakzis tobọ ẹre vbe otọe nii. Avbe Ju ne ihua ẹre kegha ya ọghọ ne ẹẹn, iran kevbe gha ho ẹmwẹ ọnrẹn. Ọ keghi kakabọ gha winna ne umamwẹ ọghe emwa ẹnrẹn kevbe ẹkun ne ọ sotọ ọghe ivbi uniẹn iran vbe ẹdẹ ne ọ dee.
Ọ keghi rhie Daniẹl ye ukpo ne ọ yo, ọ keghi ya emwi nibun hia zẹ ọhẹ ne ẹẹn, ọ mu otọe Babilọn ne ẹẹn gha gbearoghe, ọ keghi ya ẹe ru ọkaolotu avbe iguọbaziro hia.
Ọ keghi rhie ẹre la uwu ọlọghọmwa hia gberra vbe a i mwẹ ẹbe. E Josẹf ghi sẹ ehe ne Fero ne ọba Igipt ye, Osanobua keghi rhie uyinmwẹ ọmẹhẹ kevbe ọghe ẹwaẹn nẹẹn. E Fero keghi ya Josẹf ru nọ khaemwisẹ yan ẹvbo ẹre ke ẹguae ẹre.