Gẹnẹsis 41:42 - Edo Bible (E Baibol Ẹdo) Version 1996

⁴² Ọba keghi yuo oroka asẹ ne ọ ya ye ẹmwẹ okhi, hin ikpinhianbọ ẹre rre, ọ keghi rhie ẹre ye ikpinhianbọ ọghe Josẹf, ọ keghi ye ukpọn etianran yiẹe, ọ keghi mu emwi urhu ọghe igoru ye ọre urhu.

Gẹnẹsis 41:42 ပူးပေါင်းရင်းမြစ်များ

Gẹnẹsis 38:18

Rẹn keghi nọ rẹn wẹẹ, “De emwi ne I gha rhie nuẹn dayi yi?” Okhuo nii wanniẹn wẹẹ, “Ẹgba iyama ruẹn kevbe okun ne a de ẹre yi, kevbe ọkpọ ne u rhie mwẹ.” Rẹn keghi viọ iran ne okhuo nii. Iran keghi miẹn egbe, okhuo nii na gha hanmwa.

Gẹnẹsis 41:43

Ọ ke wẹ ne ọ hin ikẹkẹ okhuae nogieva ọghe ọba, iran ni wan ẹvbo hin odẹ rre ke odaro nẹẹn gha go wẹẹ, “Wa wan ruan.” Erriọ ọre a ya ye Josẹf ru enọkhaemwisẹ yan Igipt.

Ẹsta 10:3

E Modekai kegha re ne ọ zẹ diake ọba Kzakzis tobọ ẹre vbe otọe nii. Avbe Ju ne ihua ẹre kegha ya ọghọ ne ẹẹn, iran kevbe gha ho ẹmwẹ ọnrẹn. Ọ keghi kakabọ gha winna ne umamwẹ ọghe emwa ẹnrẹn kevbe ẹkun ne ọ sotọ ọghe ivbi uniẹn iran vbe ẹdẹ ne ọ dee.

Ẹsta 3:10

Ọba keghi yuo oroka ne irẹn rhie ye obọ, ne a ya yi ama ye ẹmwẹ ne ọ tae, ne a miẹn ehe na tie ẹre ẹmwata, ọ na rhie ne eghian avbe Ju ighẹ Haman ne ovbi e Hamedata ne uniẹn Agag.

Ẹsta 3:12

Ọ ghi sẹ ikpẹdẹ ne ogiwera ọghe uki ne okaro, e Haman keghi tie avbe ọgbenbe ọba, ọ na gha guan ne iran wa gha gbẹn ọẹn vbene irẹn ya tae nii, ẹmwẹ ne ọba tae, ne a gha vbe zedu ẹre ye ẹvbo ne a zẹ ke odẹ ne a ya gbẹnnẹ emwi ni rre otọe arriọba nii hia ne a viọ gie avbe irriegie ni khaemwisẹ, kevbe ewọe ọba hia. Eni e Kzakzis ọ re a ya ta ẹmwẹ na, a na ya oroka ẹre yi ama asẹ yọ.

Ẹsta 8:10

E Modekai keghi ye ẹvbo ne iran zẹ gbẹnnẹ ọẹn gie dọmwadẹ iyaẹvbo, kevbe vbene iran ya gbẹn ebe iran. Ọ kevbe gbẹnnẹ gie avbe Ju vbe ẹvbo ne iran zẹ kevbe vbene iran ya gbẹnnẹ emwi yotọ hẹ, vbe eni Kzakzis ọ keghi vbe mu ama asẹ ọghe ọba gbe ẹe.

Ẹsta 8:15

Emwi ne Modekai hẹ ye egbe ladian vbe ẹguae kegha re ẹwu ọba ne a ya eto ovbiohuẹ ododo se, ọ kevbe mu ẹde igoru ne mose mose rhuẹ. Ọre Susa hia na gha we ne ẹẹn bọọ.

Ẹsta 8:2

Ọba keghi yuo oroka ne ama asẹ ọre ye hin obọ rre (ọ miẹn e Haman ẹre nẹ) ọ na rhie ne Modekai. Ẹsta na wẹ ne Modekai gha gbe aro ghe emwi ne Haman mwẹ.

Ẹsta 8:8

sokpan, ẹmwẹ ne a ya eni ọba wewe ladian nẹ, a na vbe mu ama asẹ ọghe ọba gbe ẹe nẹ, ẹ i gie a fiwerriẹ. Sokpan, u sẹtin ya eni mwẹ gbẹn emwi ne ọ khọn ruẹn gie avbe Ju ne u vbe mu ama ọghe ọba gbẹe.”

Psalm 73:6

Rhunmwuda ọnii, iran ghi ya itengbemu tee egbe, zẹ vbe emwiurhu, kevbe ọkpankpan, zẹvbe ẹwu.

Itan 1:9

Emwi ne iran ma ruẹn re gha dọlọ uyinmwẹ ruẹn yi zẹ vbene ọza uhunmwu ra ọghe ẹyaẹn ne ọ mose, dọlọ egbe ne u mu yi.

Itan 31:22

Ọ do ukpọn ne a ya wa ukpo, ukpọn ododo eto ovbiohuẹ ne a ma gua.

Itan 31:24

Ọ gha do avbe ukpọn kevbe ọza, ọ ghi khiẹnnẹ ọẹn ne avbe ekpatẹ.

Ihuan Ne Ọ Sọọ Ihuan Hia 1:10

Eto ruẹ mose vbe irho ruẹ ọ tuo sẹ ẹyaẹn ruẹn vbe emwi urhu.

Ihuan Ne Ọ Sọọ Ihuan Hia 4:9

Vbene u ya ghe ọmwa, ikpẹ amiẹnmiẹn mwẹ, kevbe ọha mwẹ, deba emwi urhu ne u mu ye urhu la mwẹ uhunmwu nẹ usin.

Aizaia 3:23

ẹwu iran ne a la bẹghe iran egbe, ukhiọnfọ eto ovbiohuẹ, ukpọn ne a rhie kinnọ urhu kevbe ukpọn ugbaleto ne wọọrọ.

Jerimaia 52:33

A keghi gie Jehoiakin bannọ ẹwu oleghan rẹn kua, kevbe ne ọ do gha rri evbare vbe eteburu ọghe ọba vbe ẹdagbọn rẹn ni ghi dekẹe hia.

Ezikiẹl 27:7

Ukpọn eto ovbiohuẹ ọ re a ya ru ukpọn ẹhoho okọ ruẹ, ukpọn eto ovbiohuẹ ne a do ke Igipt rre, ne a miẹn wẹ umọdia ọ re a na rẹn ọnrẹn. Ukpọn ne ọ maa fo ọ re a ya ru ekharha ne a fi gue ruẹ ododo ibakpa ne a miẹn vbe Saiprọs.

Daniẹl 5:16

Banbanna nian, a tama mwẹ ighe u sẹtin rẹn otọ emwi ni rhie egbe lẹre, u ghi vbe rhan otọ emwiọkpaodin, u gha sẹtin tie emwi ne a gbẹnnẹ na, u na vbe ta emwi ne a ya ẹe kha, a gha ya ukpọn ododo ne ọba ya kie ugie mu uẹn egbe, u ghi mu emwi urhu uyi ọghe igoru ye urhu, u ghi vbe gha re azukpogieha vbe otọe arriọba na.”

Daniẹl 5:29

Vbe ọwarọkpa nii, e Bẹlsiaza keghi wẹ ne a vbe eguọmwadia ẹre yọ e Daniẹl ẹwu ododo ne ọba ya kie ugie, ne a mu emwiurhu igoru ọghe uyi ye ọre urhu, ọ keghi ya ẹe ru ọzukpogieha vbe otọe arriọba ẹre.

Daniẹl 5:7

Ọ keghi datuu wẹ ne a bu avbe ebo edunna yo, avbe azẹn kevbe avbe iwe uki. Iran ghi rre nẹ, ọba tama iran wẹẹ, “Ọmwaikọmwa ne ọ sẹtin tie avbe emwi ne a gbẹnnẹ na, ọ na vbe tama mwẹ emwi ne a ya ẹe kha, a gha yọ ẹre ẹwu ododo ne ọba ya kie ugie, a gha mu igoru urhu ọghe uyi ye ọre urhu, ọ ghi gha re ọzukpogieha vbe otọe arriọba na.”

Iyẹn ne ọ Maan Ọghe Luk 15:22

Sokpan erha ẹe keghi datie avbe eguọmwadia ẹre, ọ keghi tama iran wẹẹ, ‘Wa zẹgiẹ viọ avbe ẹwu ne ọ maa sẹ rre ne a viọ ye ọe, wa rhie oroka ye ẹre obọ, wa viọ ibata ye ẹre owẹ.

I Samuẹl 18:4

Ọ keghi kie ẹwu ne irẹn te hẹ ye egbe, ọ na viọ ne Devid, ke ẹe kevbe ẹwu okuo ẹre kevbe uhanbọ ẹre, kevbe ugbẹkun ẹnrẹn.