Gẹnẹsis 41:30 - Edo Bible (E Baibol Ẹdo) Version 1996

³⁰ vbe iyeke ọnii, ukpo ihinrọn ọghe ukhunmwu ghi do rre, ẹghẹ nii, avbe ukpo esiesi nii ghi khian ne a mianmiaẹn vbe Igipt. Ukhunmwu nii gha mu otọ na hia rhia.

Gẹnẹsis 41:30 ပူးပေါင်းရင်းမြစ်များ

Gẹnẹsis 41:21

sokpan egbe ne iran ya rhie iran re, orhiọn ọkpa ne ọ gha rẹn i rrọọ rhunmwuda vbene iran ka kulo yi ọ re iran ye ye. Ọ re I na rhiọrre.

Gẹnẹsis 41:27

Ẹmila ne kangunkangun ihinrọn, ni do ladian vbe okiekie kevbe osuọka ọka ne hiahiahia ihinrọn, ne ẹhoho ato bọnmwuan, kegha re ukpo ihinrọn ọghe ukhunmwu.

Gẹnẹsis 41:31

A ghi wa mianmian ẹghẹ ne emwi na te kpọ fẹẹrẹ, rhunmwuda ukhunmwu ne ọ ra fi gha mu ohan gbe.

Gẹnẹsis 41:51

E Josẹf keghi kha wẹẹ, “Osanobua gunmwe mianmian oya ne I re hia kevbe ẹgbẹe erha mwẹ.” Ọ na he ovbi ẹre nọdiọn Manasẹ.

Gẹnẹsis 41:54

Ukpo ihinrọn ọghe ukhunmwu keghi suẹn vbene Josẹf wa tae zẹẹ. Ukhunmwu kegha fi vbe ẹvbo nekpa hia, sokpan evbare kegha rre Igipt la ehe ne ọ sẹe ehe ne ọ rhanmwẹ.

Gẹnẹsis 41:56

Ugbẹn vbe ukhunmwu ghi gba ẹvbo nii hia nẹ, e Josẹf keghi kie avbe aza ọka hia, ọ na gha khiẹn ọka ne ivbi Igipt dẹ rhunmwuda te obọ ukhunmwu ghi dotọ vbe Igipt.

Gẹnẹsis 47:13

Ukhunmwu na keghi fi sẹrriọ wẹ, evbare i ghi rre uhunmwu otọ agbọn hia hiehiere. Ohanmwẹ keghi ye emwa Igipt kevbe Kenan khian ene mitan mitan.

II Samuẹl 24:13

e Gad keghi bu ẹre gha khian, ọ na ya tama rẹn vbene Nọyaẹnmwa kha hẹẹ, ọ keghi nọ rẹn wẹẹ, “De ne u ho vbọ? Ne ukhunmwu fi la ikpiia vbe otọe ruẹ? Ne avbe eghian ruẹn gha khuẹ khian la uki eha? Ra ne egboghogbogho ya ikpẹdẹ eha lomi vbe otọe ruẹ? Banbanna nian, rorẹe ne u rhie ewanniẹn mẹ rhie gie Nọyaẹnmwa.”

I Ọba 17:1

Akhasẹ ọkpa ne a tie ẹre Elaija ne ovbi e Tisbi ne Giliad ke tama Ehab wẹẹ, “Vbe eni e Nọyaẹnmwa ne Osanobua Izrẹl ne imẹ ga, I tama ruẹn nian wẹ amẹ i ghi ra rhọ, evbu i ra ghi vbe tuo ọ te ya sẹ ukpo eha vbe ẹ i re te I fi ẹmwẹ na werriẹ ta.”

II Ọba 8:1

Elaisia keghi tama okhuo nii ne ọ rre Siunẹm, ne irẹn huẹn ovbi ẹre kpaegbe vbe ẹrinmwi wẹ e Nọyaẹnmwa ra ru ẹe ne ohanmwẹ fi la ukpo ihinrọn, kevbe wẹ ne ọ kpao ya di ẹvbo ọvbehe ya la ukpo ihinrọn ke ẹe kevbe ẹgbẹe ẹre.

Psalm 105:16

E Nọyaẹnmwa keghi gie ukhunmwu gha rre ẹvbo iran, ọ keghi viọ evbare iran hia kpao.

Itan 31:7

Gie iran da ayọn ne iran ta mianmian ogue kevbe usẹ ne iran ye.

Aizaia 65:16

Ọmwaikọmwa ne ọ ghi nọ afiangbe vbe otọe nii, Osanobua ẹmwata ọ re ọ ra wẹ, ne ọ fiangbe irẹn. Ọmwaikọmwa ne ọ vbe vẹn ihẹn eni Osanobua ẹmwata nii ọ re ọ ra vbe ya vẹn ọẹn. Orueghe ọghe ẹghẹ ne ọ gberra gha fo, a ghi vbe mianmian ẹn.”

Iyẹn ne ọ Maan Ọghe Luk 4:25

Wa danmwehọ mwẹ, wa rẹnrẹn wẹ avbe ẹgbẹ wa bu vbe Izrẹl vbe ẹghẹ Elaija, ẹkpo ne amẹ ma na rhọ vbe ukpo eha vbe ukhiọnmwẹ, ne ukhunmwu nọkhua na vbe gha fi vbe otọe nii hia.

Jems 5:17

Egbe ọmwa vbene ima ye, ọre Elaija vbe gha khin. Ọ keghi na erhunmwu wẹ ne amẹ ghẹ rhọ, amẹ ma ghi gele rhọ vbe otọe nii vbe ukpo eha vbe ukhiọnmwẹ.