Gẹnẹsis 41:16 - Edo Bible (E Baibol Ẹdo) Version 1996

¹⁶ E Josẹf keghi wanniẹn wẹẹ, “Ẹ i re imẹ Umogun, Osanobua gha rhie ewanniẹn esi ne ọba.”

Gẹnẹsis 41:16 ပူးပေါင်းရင်းမြစ်များ

Gẹnẹsis 37:14

Erha ẹe keghi tama rẹn wẹẹ, “Gha khian, ya ghe ẹre a deghẹ ọ ye avbe etuẹn kevbe avbe ohuan ẹse; u ghi dọlegbe gha de do tama mwẹ.” Ẹre erha ẹe na giẹe ke iya Hibrọn kpao. Ugbẹn vbe Josẹf ghi sẹ Siẹkẹm.

Gẹnẹsis 40:8

Iran keghi wanniẹn wẹẹ, “Ma eveva ọre ọ wa mina, ma ma miẹn ọmwa ne ọ gha rhan otọ iran ma ima.” E Josẹf keghi wanniẹn wẹẹ, “Osanobua ọ re ọ rhie ẹtin ne a ya rhan imina ne ọmwa, wa tama mwẹ vbene uwa mina hẹ.”

Gẹnẹsis 41:17

Ọba keghi kha wẹẹ, “I ghi rre imina, I keghi mudia ye ọkpẹn ẹzẹ Nail.

Gẹnẹsis 41:25

E Josẹf keghi tama ọba wẹẹ, “Emwiọkpa ọre a ya imina eveva na kha. Te Osanobua tama ruẹn emwi ne irẹn khian ru.

Gẹnẹsis 41:28

Vbene I ka tama ruẹn nọ. Te Osanobua tama ruẹn emwi ne irẹn khian ru.

II Ọba 6:27

Rẹn keghi wanniẹn wẹẹ, “A deghẹ e Nọyaẹnmwa, ma yọ uẹ obọ, de iyobọ ne imẹ gha sẹtin ru ne uẹn. I mwẹ ọka ra ayọn?

Daniẹl 2:47

Ọba keghi kha wẹẹ, “Osanobua ruẹ ọrọre ne ọ kpọlọ sẹ ẹbọ hia, e Nọyaẹnmwa avbe eniyaẹnmwa kevbe ne ọ we oro ua ma emwa.”

Daniẹl 4:2

Wa danmwehọ iyẹn ọghe ama kevbe iwinna ọyunnuan ne Osanobua ne ọ Sẹehia rhie ma mwẹ.

Zẹkaraia 4:6

Odibosa nii keghi tama mwẹ ne I ta uhunmwu ne Nọyaẹnmwa gie gie Zerubabẹl na ma rẹn wẹẹ, “U gha khọnmiotọ, sokpan, ẹ i re vbe ekpa ẹtin ivbiyokuo ra ẹtin ọghe obọ ruẹ sokpan, orhiọn mwẹ.

Nọmbas 12:6

E Nọyaẹnmwa keghi kha wẹẹ, “Banbanna nian, danmwehọ ẹmwẹ ne I ra ta. A gha miẹn ighẹ akhasẹ rre uwu uwa, mẹ ghi rhie egbe mwẹ ma rẹn vbe umian, I ghi vbe gu iran guan vbe imina.

Iyẹn ne ọ Maan Ọghe Luk 19:42

“Vbe ọ rrọọ nian wẹ te u rẹn emwi ne u gha ru yọ ẹrẹna, ne u miẹn ehe na gha rrọọ vbe ọfumwegbe. Sokpan ọ ma guẹ rẹn.

Iwinna 3:12

Ugbẹn vbe Pita ghi miẹn emwa nii hia, ọ tama iran wẹẹ, “Wa ne ivbi Izrẹl, vbọzẹ ne emwi na na yan uwa unu uan yi, vbe uwa ghi na tọn aro ye ima egbe hẹẹ? Te uwa ro ighe ẹtin obọ mwa ra umamwẹ mwa ọre ima ya ru ẹe ne okpia na na sẹtin ghe khian ra?

Iwinna 3:7

Rẹn keghi rhie ẹre obọ erha ọmwa, ọ keghi si ẹe kpaegbe, vbe ọwarọkpa nii, owẹ ọre kevbe akhuẹn egbe ẹre hia keghi de ziẹn.

I Kọrinti 15:10

Sokpan vbe ekpa ẹsọhẹ Osanobua ọre I na re emwi ne I khin na, ẹsọhẹ ne ọ rhie mẹ, a ma vbe muẹn rhia. Vbe ẹmwata, mẹ kakabọ winna sẹ avbe ukọ nekpa hia, a gha rhe miẹn wẹ ẹ i re ẹtin obọ mwẹ vbe ẹ i re ẹsọhẹ Osanobua ne ọ yaba mwẹ winna.

II Kọrinti 3:5

Rhunmwuda emwi rhọkpa i rre uwu ima ne ima gha sẹtin la ekpa ẹre kha wẹ ma sẹe ne ọ gha winna iwinna na. Ẹtin ne a ya sẹtin ruẹe ne ima mwẹ, obọ Osanobua ọre ọ ke rre.

Diuteronomi 29:29

“Oro eso rrọ ne Nọyaẹnmwa ma he rhie ladian, sokpan, ọ rhie uhi ẹre ladian nẹ, te ima kevbe emọ ne ima gha biẹlẹ, gha ya ẹe gha ru emwi ẹdẹdẹmwẹdẹ.