Gẹnẹsis 41:1 - Edo Bible (E Baibol Ẹdo) Version 1996

¹ Ukpo eva ghi gberra nẹ, ọba Igipt keghi mina wẹ, rẹn keghi mudia ye ọkpẹn Ẹzẹ Nail.

Gẹnẹsis 41:1 ပူးပေါင်းရင်းမြစ်များ

Gẹnẹsis 20:3

Vbe asọn ọkpa, Osanobua keghi rhie egbe ma rẹn vbe imina, ọ wẹẹ, “Odẹ uwu ọre u gbẹn na, rhunmwuda okhuo ne u rhie re owa ọdọ ọre ọ ye.”

Gẹnẹsis 28:12

Ọ keghi mina wẹ, rẹn miẹn ikpawẹ ọkpa ne ọ ke otọ ya sẹ iso, avbe odibo Osanobua kegha hin ẹnrẹn, iran na vbe gha tuorre.

Gẹnẹsis 29:14

E Leban keghi tama rẹn wẹẹ, “Erriọ nọ vbe ẹmwata ma i zẹdẹ re ehiyo.” E Jekọb keghi tota vbe evba la uki ọkpa.

Gẹnẹsis 31:21

Ọ keghi rhie emwi ni re ọghọe hia, ọ na kpao, ọ ghi kpao, ọ keghi fian ẹzẹ Yufretes rra, ọ na mu uhunmwu da oke Giliad.

Gẹnẹsis 40:23

Sokpan nọ siẹnro ayọn ma ghi mu ẹmwẹ Josẹf roro, ọ keghi mianmianẹn.

Gẹnẹsis 40:5

Ẹdẹ ọkpa ghi rre, ke ne ọsiẹnro ayọn kevbe olotu avbe iran ni le ebrẹd ọghe ọba Igipt ke mina. Dọmwadẹ ọghọe keghi mina imina ọghọe ne ovbe mwẹ emwi ne a yae kha.

Gẹnẹsis 41:2

Ẹmila ihinrọn ni tii kevbe ni mose keghi ke uwu ẹzẹ ladian do gha rri irunmwu vbe ọkpẹn ẹzẹ.

Ẹsta 6:1

Vbe asọn ne a kha na, ọba ma miẹn ovbe, ọ na wẹ ne a mu ebe ne a gbẹnnẹ emwi ni sunu vbe otọe arriọba yi rre ne a do gha tie ẹre ma iran.

Ẹksọdọs 1:22

Ẹghẹ nii ọre ọba ghi na yi iyi ne emwa irẹn hia wẹẹ, “Emọ ikpia ne emwa Hibru a rhirhi biẹ, wa gha filo iran ku ẹzẹ Nail, sokpan wa sẹ avbe emọ ikhuo ni rrọọ rae ye agbọn.”

Ẹksọdọs 4:9

A deghẹ ama eva na ma ye sẹtin ye iran yayi, ighẹ iran ma rhie ehọ nuẹn ta yi, u ghi sa amẹ vbe ẹzẹ Nail, u ghi rhurhẹ ọe ye otọ ne ọ kae, amẹ nii gha khian esagiẹn.”

Aizaia 19:5

Ẹzẹ e Naẹl gha si, avbe ẹzẹ gha hẹko ka.

Ezikiẹl 29:3

Tama rẹn wẹ ẹmwẹ ne Nọyaẹnmwa ne Udazi tama ọba Igipt ọ re ọna khin wẹẹ: Oghian rẹn ọ re I khin, wẹ ne Ugbogiorinmwi agbaka ne ọ rre uwu ẹzẹ. U khare wẹ ọwuẹ ọ re Naẹl khin ighe wẹ ọ re ọ yii ẹe.

Ezikiẹl 29:9

Igipt gha khian, otọe ne ọ la ọrhiae rrie. Ẹghẹ nii, wa gha rẹn ighe mẹ ọrọre Nọyaẹnmwa. “Rhunmwuda ne u na kha ighe ọwuẹ ọ re e Naẹl khin ighe wẹ ọre ọ yii ẹe.

Matiu 27:19

Pailet ghi tota ye ugha ne ọ na bu ohiẹn, amwẹ ọnrẹn gie uhunmwu giẹ wẹẹ, “Ghẹ mwẹ obọ vbe egbe ọmwa ne ọ ma rukhọ nii, rhunmwuda, I rrioya emwi ni bun vbe imina vbe ekpa ẹre ne asọn.”

Diuteronomi 11:10

Otọe ne uwa ra ya yin na, ẹi ye vbe otọ Igipt ne uwa ka gha ye yi. Vbe odọ nii, wa gha kọ ọka, wa ghi ya urriẹdẹ zẹlẹ uroramẹ lele ugbo nii.