Iran keghi wanniẹn wẹẹ, “Ma eveva ọre ọ wa mina, ma ma miẹn ọmwa ne ọ gha rhan otọ iran ma ima.” E Josẹf keghi wanniẹn wẹẹ, “Osanobua ọ re ọ rhie ẹtin ne a ya rhan imina ne ọmwa, wa tama mwẹ vbene uwa mina hẹ.”
“Ugbẹn vbe u ghi rre imina, Umogun, u keghi miẹn ọmwa ne a maẹn ọkpa gẹdẹgbẹẹ, ọ keghi mudia ye odaro ruẹ ọ fi wainwain, ọ mose, ọ keghi vbe mu ọmwa ohan vbe a gha ghe ẹre.
Ẹghẹ nii ọ re Daniẹl ghi na rre. (Rẹn ọ re a vbe tie ẹre Bẹtẹsiaza zẹ vbe eni ne a he ẹre re gie ẹbọ mwẹ.) Orhiọn avbe ẹbọ nihuanrẹn rre uwu irẹn. I keghi ta imina ne I minaẹn ma rẹn wẹẹ: