Gẹnẹsis 40:20 - Edo Bible (E Baibol Ẹdo) Version 1996

²⁰ Vbe ikpẹdẹ ne ogieha ne ọ re ẹdẹ ayere ubiẹmwẹ Fero, ọ keghi le evbare ne avbe ọruemwi ẹnrẹn hia, ọ keghi tie ne ọsiẹnro ayọn rẹn kevbe ọkaolotu iran ni le ebrẹd ye odaro avbe ọruemwi ẹnrẹn.

Gẹnẹsis 40:20 ပူးပေါင်းရင်းမြစ်များ

Gẹnẹsis 21:8

Ọmọ nii keghi wan, vbe ẹdẹ ne a ghi fian ẹre ewẹn, Ebraham keghi le evbare eghọ nọkhua.

Gẹnẹsis 40:13

Vbe irakhuẹ, e Fero gha tie ruẹ, ọ ghi ya bọọ, ọ ghi dọlegbe rhie ruẹ ye ukpo ne u ka ye ẹghẹ ne u na gha re ne ọ siẹnro evbare.

Gẹnẹsis 40:19

Vbe irakhuẹ e Fero gha tie ruẹ, ọ ghi fian an uhunmwu fua! Ọ ghi si ikun ruẹn rrọ ye uhunmwu erhan, avbe ahianmwẹ ghi gha rri efun egbe ruẹ.”

I Ọba 3:15

E Solomọn ghi rhiọrre ọ keghi miẹn wẹ te Osanobua gu irẹn guan vbe imina. Ẹre ọ na gha rrie Jerusalẹm, ọ na ya mudia ye odaro Ẹkpẹti Ile e Nọyaẹnmwa, ọ na zọ ese ne a giẹn uan kevbe ọghe isara ghe Nọyaẹnmwa. Iyeke ọnii, ọ keghi le evbare ne emwa rẹn hia re.

II Ọba 25:27

Ukpo ne Ivomẹrodak rri ọba e Babilọn, ọ keghi tohan Jehoiakin ne ọba ọghe e Juda, ọ na fan ẹn hin ẹwẹdọ rre. Ikpẹdẹ eha irrọvbọgban ọghe ukpo ne ogiweva ọghe ukpo ne ọ ya gba vbe ukpo eha irrọvbiyeva ne a mu e Jehoiakin oghunmwu.

Ẹsta 1:3

Ọ ghi rre ukpo eha ne ọ rriọba, ọ keghi do le evbare tie avbe iran ni rre asẹ kevbe eghaẹvbo ẹre hia sẹ owa. Ivbiyokuo e Pẹsia kevbe Midia keghi vbe gha rre evba, erriọ vbe nọ ne iran ni khaemwisẹ kevbe avbe egbesẹmwegie ni rre otọe nii hia.

Job 3:1

Vbe okiekie, e Job keghi rhan unu ẹnrẹn, ọ na guan, ọ keghi ya amẹ unu ne ẹdẹ ne a biẹ ọe. E Job keghi kha wẹẹ,

Psalm 105:19

A te do miẹn wẹ emwi ne ọ ta ye otọ sunu, ẹmwẹ e Nọyaẹnmwa keghi rhie ma ighe ẹmwata ọre ọ ta.

Jerimaia 52:31

Vbe ukpo ne Ivomẹrodak rriọba e Babilọn, ọ keghi ru ọba Jehoiakin ọghe Juda ẹse, ọ na fan ẹẹn hin ẹwẹdọ rre. Ọna ke gha re vbe ikpẹdẹ isẹn yan ugie ọghe uki ne ogiweva vbe ukpo ne ogba vbe ihinrọn yan ọgban ne a mu e Jehoiakin oghunmwu kpao.

Matiu 14:6

Vbe ẹdẹ ne Hẹrọd ru ayere ẹdẹ ubiẹmwẹ ọnrẹn, ovbi e Hẹrodias ne okhuo keghi la iku gha gbee, iku ẹre keghi wa rhiẹnrhiẹn Hẹrọd sẹrriọ

Matiu 25:19

“Ọ ghi kpee fua, arowa avbe eguọmwadia nii keghi rre, ọ na do gha nọ iran ẹmwẹ igho nii.

Iyẹn ne ọ Maan Ọghe Mak 6:21

Vbe okiekie ehia, obọ Hẹrodias keghi vba emwi. Ẹdẹ ayere ẹdẹ ubiẹmwẹ Hẹrọd nọ. Hẹrọd keghi tie eka ighele kevbe eka okuo kevbe iran ni hin ukhuaẹn ni rre Galili hia sẹ owa.