Gẹnẹsis 40:15 - Edo Bible (E Baibol Ẹdo) Version 1996

¹⁵ Ne I guẹ rẹn nian wẹ te a do mwẹ mu vbe ẹvbo emwa Hibru, kevbe emwa na vbe Igipt I ma ru emwi rhọkpa ne a rhunmwuda ẹre mu mwẹ fi eghan na.”

Gẹnẹsis 40:15 ပူးပေါင်းရင်းမြစ်များ

Gẹnẹsis 14:13

Sokpan okpia ọkpa ne ọ lẹ fe keghi do tama Ebram ne ovbi e Hibru, ọkpẹn erhan iruemwi ọghe Mamrẹ ne ọmwa Amọri rẹn gha ye, ọmwa Mamrẹ ne ọ re ọtẹn Ẹskọl kevbe Anẹ keghi re emwa ni ye obọ ba Ebram.

Gẹnẹsis 39:20

Ọ na wẹ ne a mu e Josẹf, ne a muẹn ye ehe ne a viọ avbe oleghan ọba yi, ọ na gha rre evba.

Gẹnẹsis 40:16

Ugbẹn vbe ọkaolotu iran ni le ebrẹd ghi miẹn wẹ vbene a rhan otọ imina nii maa, ọ tama e Josẹf wẹẹ, “Mẹ vbe mina imina. Okhuae ebrẹd eha na gha rrọ mwẹ uhunmwu.

Gẹnẹsis 41:12

Igbama, ovbi e Hibru ọkpa keghi gu ima rre evba, ọviẹn ọkaolotu iran ni khẹ odẹ nọ. Ma keghi ta imina ima ma rẹn. Ọ na rhan otọ ẹnrẹn ma ima, ọ tama dọmwadẹ ọghọe emwi ne a ya imina rẹn kha.

Psalm 105:18

A keghi rrọ ọgiọrọ ye ọre owẹ, a kevbe gba urọnghọn ematọn ye ọre urhu.

Psalm 109:2

Emwa dan kevbe avbe ọhọn ohoghe gha gun mwẹ gbinna, iran gha ba mwẹ ohoghe khian;

Ẹksọdọs 21:16

“Omwa ne ọ ya ẹtin mu ọmwa ọvbehe, ọre ne ọ mu ẹn ye ima nọ ra ne ọ ya khiẹn ọẹn, te a gha gbe ẹe rua.

Daniẹl 6:22

Osanobua giee odibo ẹre rre do ya obọ guee avbe oduma unu ne iran ghẹ sẹtin ru mwẹ emwi rhọkpa. Ọ ru ẹe vberriọ rhunmwuda ọ rẹnrẹn wẹ, I ma rẹn ọkpa, I ma rẹn eva, kevbe wẹ, I ma fidọn ghe ruẹ Umogun.”

Iyẹn ne ọ Maan Ọghe Jọn 10:32

Jesu tama iran wẹẹ, “Iwinna esiesi ni bun ne Erha viọ mẹ winna ọre I he sirra uwa winna, de ne uwa ra rhunmwuda ẹre filo okuta gbe mwẹ vbọ?”

Iyẹn ne ọ Maan Ọghe Jọn 15:25

Ẹ i mwẹ ọ ma gha ye vberriọ, ne emwi ne a gbẹn ye uwu Uhi iran miẹn ehe na sẹ wẹẹ, ‘Iran kegha khọ ẹko mwẹ ọghe edanmwidan!’

Diuteronomi 24:7

“Ọmwaikọmwa ne ọ do ovbi Izrẹl ne ihua ẹre mu, ọ na ya ẹe gha do ẹki egbe ẹre, ra ọ na khiẹn ọẹn, a ghi gbe ẹe rua. Odẹ vberriọ, ọ re uwa gha ya ghe ukhu ọkhọ na rua.

I Timoti 1:10

Iran ni gbe alama oghẹ, iran ne ẹmwẹ oghẹ khian ẹre ọvbehe, iran ni do ọmwa mu, iran ni ta ohoghe, ra ni ta emwi ne aro iran ma sẹ, ra ni ru emwikemwi ne ọ lughaẹn ne iruẹmwi ẹmwata nii.

I Samuẹl 24:11

Ghe o erha mwẹ, ghe osọnmwẹ ẹwu ruẹ vbe ọbo mwẹ! I fian ẹn rhie vbene I ma na gbe uẹ ua. Ọ kere ne ọ ni ya a rẹn wẹ I ma kha ighẹ I gha sọtẹ ruẹ ra ne I ruẹ emwi rhọkpa. A gha rhe miẹn wẹ, te uwẹ khu mwẹ khian ne u gbe mwẹ uan, I ma rukhọ ghe ruẹ.