Gẹnẹsis 4:8 - Edo Bible (E Baibol Ẹdo) Version 1996

⁸ Ẹre Keni na khama Ebẹl ne ọtiọnrẹn nokpia wẹẹ, “Gie ima khian ladian ghe oha.” Ugbẹn vbe iran ghi sẹ uwe oha, Keni ke ye emwi yan ọtiọnrẹn nokpia, ọ na gbẹe rua.

Gẹnẹsis 4:8 ပူးပေါင်းရင်းမြစ်များ

Gẹnẹsis 4:25

Adam kevbe amwẹ ọnrẹn keghi dọlegbe biẹ ọmọ okpia ọkpa, okhuo nii keghi kha wẹẹ, “Osanobua vbe rhie ọmọ okpia ọvbehe yọ mwẹ ihe Ebẹl ne Keni gbe ua.” Rẹn keghi he ẹre Sẹt.

II Samuẹl 14:6

Enọwanrẹn, emọ ikpia eva ọre I mwẹ. Ọ ghi sẹ ẹdẹ ọkpa, ẹzọ keghi sunu ne iran vbe oha, ehe ne a ma na miẹn ọmwa ne ọ mu iran igbinna, ọkpa keghi gbe nọkpa a.

II Samuẹl 3:27

Abna ghi sẹ Hibrọn, e Joab keghi rhie ẹre ghe efẹn ọkpa vbe onurho ẹvbo vbe ne a miẹn wẹ te ọ ra si ẹre uma, ọ keghi bi agbada ye ọre ẹko vbe evba. Rhunmwuda ọnii, iran keghi gbe Abna an, rhunmwuda ne ọ na gbe Asahẹl ne ọtẹn Joab.

II Krọnikol 21:4

Obọ e Jehoram ghi wa gba otọe arriọba ni hia nẹ, ọ keghi gbele avbe etiọnrẹn hia a deba eso vbe avbe ekaokuo ivbi Izrẹl.

Nehimaia 6:2

Ẹre Sanbọlat kevbe Gesiẹm na gie ne a khama mwẹ wẹ ne imẹ do miẹn iran vbe ihọkpa vbe uwu avbe igue ni rre otọ Ono. Uma ne iran te si ne iran ya kuan mwẹ ọ re ọ na khin.

Job 11:15

Ne u dọlọ mu agbọn hẹn, vbe ne ọ digiẹ kevbe ne ẹ i mu ohan,

Psalm 139:19

Osanobua, vbọ rrọ akpawẹ u gha gbele emwa dan an; vbọrrọ akpawẹ emwa ọkhọ gha rhie obọ hin mwẹ ẹkun rre!

Psalm 36:3

Ẹmwẹ dan ọ re ọ ke unu ẹnrẹn rre, ohoghe ọ re ehia vbe khin. Ẹi ghi ru emwi ẹwaẹn ra ne ọ maa.

Psalm 55:21

Ẹmwẹ unu ẹnrẹn rriẹ sẹ owọn, sokpan ohu ọmwa mu ọmwa rre ọre uwu ekhọe, ẹmwẹ unu ẹnrẹn rọkhọ emwi sẹ ofigbọn, sokpan, te ọ giagia emwi vbe umozo ne ọ mu.

Hozia 4:2

Iran gha yan eyan, iran i yae ru emwi, iran ta ohoghe, iran de izigha, iran rhaa, iran vbe ghẹẹ. Aghẹru wa biẹ yọ, izigha ne a de emwa ẹre ghi gha degbe egbe.

Maika 7:6

Vbe agbọn ne a ghi ye na, emọ ikpia ghi ru avbe erha iran zẹ vbe akpa, emọ ikhuo ghi mu aro igbinna da iye iran, igbama ne ikhuo ghi gha gu iye ọdọ iran gui ẹzọ, emwa ẹgbẹe ọmwa ọrọre eghian rẹn.

Nọmbas 35:20

“A deghẹ ohu ọmwa mu ọmwa, ọ na gbe ẹe rua, ọ re te ọ sua ẹre gbotọ nọ ra te ọ fi emwi gbe ẹe.

Matiu 23:35

Rhunmwuda ọnii, ikhi ne a ra rria ye ẹmwẹ emwa ni ma rukhọ ne a gbele ua na, wa ọre ọ ra ya uhunmwu tọn ẹn mu. Ke egbe Ebel ne ọ ma rukhọ gha dee do sẹ egbe Zekaraia ne ovbi e Barakaia, ne uwa gbe ua ye ẹkpo Ọgua Osa kevbe ogiukpo.

Iyẹn ne ọ Maan Ọghe Luk 11:51

Ke egbe Ebel gha dee do sẹ egbe Zẹkaraia ne iran gbe ye ẹkpo Ogiukpo kevbe ehe ne ọ huanrẹn. Ẹn ẹn, I tama uwa a gha rria orre na ikhi ye ehia.

Iyẹn ne ọ Maan Ọghe Luk 22:48

Sokpan Jesu tama rẹn, Judas, isoso unu ọre uwẹ ra ya rhie Ovbi Ọmwa ma ra?”

Hibru 11:4

Iyayi ọre Ebel ya zọ ese ne ọ maa sẹ ọghe Ken ghe Osanobua. Rhunmwuda iyayi ẹre, ọre Osanobua na kae ye ọmwa ẹmwata, rhunmwuda Osanobua tobọ ẹre rhan ohọ miẹn emwi imuohan rẹn.

Hibru 12:24

Wa keghi bu Jesu gha dee, ọmwa ne ọ mwamwa ile ọgbọn nii ye otọ kevbe esagiẹn ne agbe kha kha, ne ọ vbe ta ẹmwẹ emwi ni maa sẹ esagiẹn ọghe Ebẹl.

Ebe ne Jud gbẹẹn 1:11

Umiẹn agbọn ne iran ye. Odẹ ne Ken lae ọre iran vbe la, iran keghi rhunmwuda igho ya egbe iran fi ohan ne abaku ru, zẹ vbene Balam ru. Isọtẹ fuẹn iran uan, zẹ vbe ne Kora sọtẹ.