Gẹnẹsis 4:6 - Edo Bible (E Baibol Ẹdo) Version 1996

⁶ Ẹre Nọyaẹnmwa na khama Keni wẹẹ, “Vbọzẹ ne ohu na muẹn yi? Ne aro ruẹ na khọrhiọ uan vbe uhunmwu?

Gẹnẹsis 4:6 ပူးပေါင်းရင်းမြစ်များ

Gẹnẹsis 4:7

Akpawẹ te u ru ẹse, te u ghẹ gha mumu ogiẹ nian. Sokpan, vbe ne u ghi na ru emwi dan nẹ nian, orukhọ ye vbe aranmwẹ ne ọ si rhuẹ khẹ ruẹ ne ọ gua a rhie vbe onurho. Ọ ho ne ọ gha kha yan ruẹn sokpan ọ kere ne obọ ruẹ ke odukhunmwu nẹẹn.”

Job 5:2

Ne ọmwa, rhunmwuda ighẹ emwi sọnnọ ẹn, kpokpo egbe ya uhunmwu yọ, uyinmwẹ ukọnmwẹ akpa vbe abobo ọre nọ.

Aizaia 1:18

E Nọyaẹnmwa khare wẹẹ, “Larre nian ne a zẹ iro kugbe, orukhọ ruẹ gha ya a gbiruẹn sẹrriọ wẹ te u ghi baa, sokpan, I gha khuọ ruẹ ne u gha fua vbe isonorhọ. Orukhọ ruẹ gha rhe gha ye vbe ododo u gha fua zẹ vbe ititi oru.

Jerimaia 2:31

Ivbi Izrẹl, wa danmwehọ ẹmwẹ ne I guan. Mẹ he ye vbe ato ne uwa ẹdẹ ra, zẹ vbe ẹvbo dan ne ọ su ebiebi. Vbe uwa ghi na kha hẹ wẹ emwi ne ọ khọn uwa ọ re uwa ra gha ru ighe wa i dọlegbe bu mwẹ dee.

Jerimaia 2:5

E Nọyaẹnmwa khare wẹẹ, “De ẹzọ ne avbe erha uwa odede miẹn gunmwẹ gui yi?” De emwi ne iran ghi rhunmwuda ẹre fi iyeke gbe mwẹ? Iran tobọ iran keghi khian ne ẹ i mwẹ esa ne ọ ye.

Jona 4:4

E Nọyaẹnmwa keghi wanniẹn wẹẹ, “Ohu ne uwẹ mu na khẹ kuẹ ra?”

Jona 4:9

Sokpan, Osanobua tama rẹn wẹẹ, “Ohu ne uwẹ mu ye ẹmwẹ erhan na khẹ kuẹ ra?” E Jona keghi wanniẹn wẹẹ, “Ohu ne ọ mu mwẹ sẹ ne ọmwa ya wu.”

Matiu 20:15

Wẹ ma yayi ighe I sẹtin lo igho mwẹ vbe ne ọ khọnmwẹ, ra te ohu mwẹ ghi mu uẹn rhunmwuda ighe I ze emwi obọ?’ ”