Gẹnẹsis 4:26 - Edo Bible (E Baibol Ẹdo) Version 1996

²⁶ Sẹt keghi biẹ ọmọ okpia ọkpa ne ọ he ẹre Ẹnọs. Ẹghẹ nii ọre emwa ke gha so eni Nọyaẹnmwa, iran ghi vbe gha gae.

Gẹnẹsis 4:26 ပူးပေါင်းရင်းမြစ်များ

Gẹnẹsis 12:8

Vbe iyeke ọnii, ọ keghi la ghe odẹ ekẹn ọghe oke ne ọ rre odẹ ahọ ọghe Bẹtẹl, ọ na bu agọ ye ẹkpo Bẹtẹl vbe orrie kevbe Ai vbe ahọ. Ọ kevbe bọ aka ye evba, ọ na ya uhunmwu rhanmwẹ otọ ne Nọyaẹnmwa.

Gẹnẹsis 26:25

Aizik keghi gba aka ye evba ọ na ga Nọyaẹnmwa. Ọna bu agọ ẹre ye evba, avbe eguọmwadia re keghi fian uhae ọvbehe.

I Ọba 18:24

Wa wẹ ne avbe akhasẹ e Bal na erhunmwu ghe ẹbọ iran, mẹ gha vbe na erhunmwu ghe Nọyaẹnmwa. Ne ọ ghi rhirhi rhie ewanniẹn yọ, ọ na gie erhẹn rre, onii ọre Osanobua.” Emwa ni hia keghi wa khuẹnniẹn yọ.

Psalm 116:17

I gha zọ ese ekpọnmwẹ ghe ruẹ I ghi vbe na erhunmwu mwẹ ghe ruẹ.

Aizaia 44:5

“Ọkpọkpa ọ re emwa ra ya gha kha wẹẹ, ‘ọghe Nọyaẹnmwa ọ re imẹ khin.’ Iran gha do ya egbe ba ivbi Izrẹl. Dọmwadẹ ọghọe gha yi ama e Nọyaẹnmwa ye obọ ẹre, ọ ghi vbe tie egbe ẹre okpa vbe uwu emwa Osanobua.”

Aizaia 48:1

Ivbi Izrẹl wa danmwehọ ẹmwẹ na, wa ne ivbi uniẹn e Juda. Wa ọ re ọ ya eni Nọyaẹnmwa vẹn ihẹn wa na vbe gha kha ighẹ Osanobua Izrẹl ọ re uwa ga. Sokpan, ẹmwẹ ne uwa ta, te uwa ba tae kẹkan.

Aizaia 63:19

U ke ghi ru ima zẹ vbene a gha a kha ighẹ u ma he ka gha re ogie ima ẹdẹ, vbene a gha a kha ighe ma ma he gha re emwa ruẹn ẹdẹ.

Jerimaia 33:16

A gha fan ivbi e Juda kevbe Jerusalẹm vbe irri, iran ghi gha rrọọ vbe a i mwẹ ẹbe. A gha gha tie ẹvbo ni ‘E Nọyaẹnmwa ne Ọmiọnmwafan mwa.’

Joẹl 2:32

Sokpan, iran hia ni kpe tie Nọyaẹnmwa, a gha miẹn iran fan. Zẹ vbene Nọyaẹnmwa khare, ‘Eso vbe iran ni rre Jerusalẹm, gha lẹ fe, iran ne imẹ hannọ zẹ gha miẹn uhunmwu.’ ”

Zẹfanaia 3:9

“Ẹghẹ nii, I gha fi avbe emwa ni rre uhunmwu ẹvbo werriẹ, iran ghi do gha na erhunmwu ghe imẹ ọkpa, vbene iran i ghi na na ghe ẹbọ ọvbehe. Iran hia gha vbe gha họn ẹmwẹ mẹ.

Iyẹn ne ọ Maan Ọghe Luk 3:38

Ne ovbi Ẹnọs, ne ovbi e Sẹt, ne ovbi Adam, ne ovbi e Osanobua.

Iwinna 11:26

Ugbẹn vbe ọ ghi miẹn ọẹn, ọ keghi rhie ẹre gha die Antiọk. Vbe ukpo hoho gbalaka, iran eva kegha gu emwa esọsi do iko, iran kegha ma otu ni bun emwi. Antiọk ọre a na ka gha tie avbe erhuanegbe ivbi Otu e Kristi.

Iwinna 2:21

Ọmwa ne ọ rhirhi da tie eni Nọyaẹnmwa, a gha miẹn rẹn fan.’

Ebe ne Pọl gbẹẹn gie emwa Rom 10:13

Zẹ vbene ebe khare “Ọmwaikọmwa ne ọ datie eni Nọyaẹnmwa, ọ gha re ne a miẹnfan.”

I Kọrinti 1:2

gie esọsi Osanobua ne ọ rre Kọrinti, gie emwa ne a tie re ne iran do gha re emwa ni huanrẹn Osanobua, emwa ni khian ọghọe rhunmwuda ighẹ iran ya egbe ba Kristi Jesu, deba emwa hia ni ghi na erhunmwu ghe Nọyaẹnmwa Jesu Kristi nẹ, zẹ vbe Nọyan iran kevbe ima.