Gẹnẹsis 4:22 - Edo Bible (E Baibol Ẹdo) Version 1996

²² Ẹre Zila na biẹ ne a tie ẹre Tubalken ne ọre erha odede ọghe avbe igunẹrọnmwọ hia ni ye oze ke ematọn dunmwu emwi. Ọtiẹn Tubalken nokhuo kegha re Naama.

Gẹnẹsis 4:22 ပူးပေါင်းရင်းမြစ်များ

Gẹnẹsis 4:21

A kegha tie eni ọtiọnrẹn Jubal ne ọre erha odede ọghe avbe iran ne ikpezikẹn hia ni kpe akpata ke ẹrere.

Gẹnẹsis 4:23

E Lamẹk ke tama avbe amwẹ ọnrẹn wẹẹ, “Ada ke Zila, wa danmwehọ mwẹ, I gbe igbama ọkpa ua rhunmwuda ighẹ ọ fi mwẹ emwi,

II Krọnikol 2:7

Banbanna nian, gie ọmwa ne ọ fuẹro emwi ne a gbẹnnẹ, igoru ne a dunmwu, esiliva, oze, kevbe ematọn, gun mwẹ, kevbe ne ọ sẹtin ru ukpọn ne raghoragho, ododo kevbe ne ọ baa. Ọ ghi do deba avbe owinna ni rre Juda kevbe Jerusalẹm ne Devid ne erha mwẹ hannọ ye otọ nẹ.

Ẹksọdọs 25:3

Emwi ne iran gha ya zẹ ọhẹ rre ọre ena khin, igoru, esiliva kevbe oze.

Nọmbas 31:22

Emwikemwi ne ẹ i giẹn vbe erhẹn zẹ vbene igoru ye, esiliva, oze, ematọn ra ẹrọnmwọ, a ghi mu ẹẹn la erhẹn gberra ne a ya rarae họnmwẹ ọẹn ruan. Emwi ni ghi dekẹ hia, a ghi ye amẹ ne a ya họnmwẹ emwi họnmwẹ ruan.

Diuteronomi 33:25

Te ọ gha ya onurho ematọn gba ogba ga avbe ẹvbo ẹre te ọ gha rrọ ẹghẹ hia vbe ne ai na fian afianma.

Diuteronomi 8:9

Ohanmwẹ i ra gbe uwa vbe evba, wa i ra vbe vbabọ emwikemwi. Ematọn rre uwu okuta ni rrọọ, wa gha vbe miẹn oze gha zẹ vbe oke ni rrọọ.