Gẹnẹsis 4:15 - Edo Bible (E Baibol Ẹdo) Version 1996

¹⁵ Sokpan Nọyaẹnmwa ke wanniẹn ọre ẹmwẹ wẹẹ, “Ẹ i re erriọ. Ọmwaikọmwa ne ọ rhirhi gbe uẹ ua, uhunmwu arhin ihinrọn ọre a ra ya rria ẹre ikhi ẹre.” Nọyaẹnmwa ke rhunmwuda ọnii yi e Keni ama ne ọmwa ne ọ rhirhi miọẹn ghẹ gbẹe rua.

Gẹnẹsis 4:15 ပူးပေါင်းရင်းမြစ်များ

Gẹnẹsis 4:24

A deghẹ uhunmwu arhin ihinrọn ọre a ya ha osa vbe ọmwaikọmwa gha gbe Keni uan uhunmwu arhin ehairrọvbiyenẹ ọre a gha ya ha osa adeghẹ ọmwaikọmwa gbe mwẹ uan.”

I Ọba 16:7

E Jehu do ta ẹmwẹ ne Nọyaẹnmwa tae vbe ekpa ọghe Baasia rhunmwuda orukhọ ne Baasia ru ghe Nọyaẹnmwa. Ẹ i re orukhọ ne ọ ru ọkpa ọ re ọ ye ohu mu e Nọyaẹnmwa zẹ vbene Jeroboam ka vbe ru ẹe ke odaro ne irẹn, sokpan rhunmwuda, wẹ ọ gbe Jeroboam kevbe ẹgbẹe ọre hia.

Psalm 59:11

Ghẹ gbele iran an Osanobua, ne avbe emwa mwẹ ghẹ ya mianmian, ya ẹtin ruẹn zagha iran an ne u khọn iran mutan, Nọyaẹnmwa ugue mwa.

Psalm 79:12

Nọyaẹnmwa, ha ẹre werriegbe ne avbe uhunmwu ẹvbo nekpa igba ihinrọn rhunmwuda unu ne iran filo guẹ.

Itan 6:31

Sokpan, a dẹghe a mu ẹẹn vbọ, ọ ghi ha osa ukhukhu ihinrọn yọ, ọ ghi zẹ emwi hia ne ọ mwẹ yọ.

Ezikiẹl 9:4

“Wa ya la e Jerusalẹm hia gaa, ne u vinnọ ama ye uharo avbe iran ni viẹ egbe viẹ ẹhi ye ẹmwẹ uyinmwẹ ne ọ zughu ọmwa ẹko ne iran yin vbe ore ẹvbo.”

Ezikiẹl 9:6

Wa gbele avbe ediọnmwa, kevbe avbe edede, igbama kevbe ivbialeke, iye emọ kevbe emọ. Sokpan, wa ghẹ ya obọ kan emwa ne ama rre ọre uharo. Wa wa suẹn vbe Ọgua Osa mwẹ vbe emwa na.” Rhunmwuda ọnii, iran keghi wa ye avbe ọkaolotu ni mudia vbe Ọgua Osa vba suẹn.

Hozia 1:4

“He ẹre ‘Jizrẹl’ rhunmwuda, vbe ọ ma he kpee wan, I gha rri ọba Izrẹl oya ye izigha ne erha ẹe odede ighe Jehu dee vbe Jizrẹl. I ra fiaẹn fua ighe uniẹn Jehu.

Levitikọs 26:18

“Deghẹ a ghi miẹn wẹ vbe iyeke ena hia, wa ma ye họn ẹmwẹ mwẹ, I gha fian ukhukhu ihinrọn ba oya ne uwa gha re.

Levitikọs 26:21

“A deghẹ te uwa ye gha ze vbudu khian vbene uwa i na họn ẹmwẹ mwẹ, I gha dọlegbe fian ba oya ne I gha rri uwa ẹre ukhukhu ihinrọn.

Levitikọs 26:24

Ẹghẹ nii, I ghi werriẹ aro da uwa, I gha rri uwa oya ukhukhu ihinrọn sẹ ayọ.

Levitikọs 26:28

Ẹghẹ nii ohu gha mu mwẹ I ghi werriẹ aro da uwa, I ghi dọlegbe rhie ukhukhu ihinrọn ba oya ne I gha rri uwa re.

Matiu 26:52

Jesu tama rẹn wẹẹ, “Rhie umozo ruẹ ye ako ẹre, rhunmwuda iran ni viọ umozo hia gha la obọ umozo yo owa.

Arhie Maan 14:11

Ighogho erhẹn ne ọ rri iran oya ni kegha la ghe odukhunmwu ẹdẹ kevbe ẹdẹdẹmwẹdẹ, asọn kevbe avan, a i vbe rhie egbe rọkhọmwẹ ne iran, ighẹ iran ni ya uhunmwu rhanmwẹ otọ ne aranmwẹ oha nii, ke ẹe kevbe amazẹ ọre, kevbe iran ni rhan obọ miẹn ama ọghe eni ẹnrẹn.”

Arhie Maan 14:9

Odibosa ogieha keghi vbe lele ne ogieva, ọ kegha ya urhu ne ọ la da tu wẹẹ, “Ọmwa ne ọ rhirhi ya uhunmwu rhanmwẹ otọ ne aranmwẹ oha nii, ra ke amazẹ ọre, ọ na vbe gha mwẹ ama rẹn vbe uharo, ra vbe obọ ẹre.