Gẹnẹsis 4:12 - Edo Bible (E Baibol Ẹdo) Version 1996

¹² U gha mu ugbo, u na kọ emwi yọ, otọe, ẹi gha ma ẹnrẹn. Ehevbehevbe ke enọkpolugho ọre u gha khian vbe agbọn.”

Gẹnẹsis 4:12 ပူးပေါင်းရင်းမြစ်များ

Gẹnẹsis 4:13

E Keni keghi tama Nọyaẹnmwa wẹẹ, “Oya ne u rriọ mwẹ re na wegbe gbe ne egbe mwẹ gha sẹtin rrọọ.

Gẹnẹsis 4:14

Te u ghi khu mwẹ hin otọ na rre na, kevbe hin odaro ruẹ rre. I ghi khian ehevbehevbe ke enọkpolugho vbe agbọn, ọmwa ne ọ rhirhi miẹn mwẹ ghi gbe mwẹ uan.”

Psalm 107:34

Ọ ya avbe otọ ni maa emwiokọ khian otọe umwẹ, ni la ọ rhie rriẹ, rhunmwuda uyimwẹ dan avbe emwa ni rrọọ.

Psalm 109:10

Te avbe ivbi ẹre gha khian enọkpolugho ni vbu evbare re; te a gha vbe khulo iran kua, vbe uwu itowa ne iran te vbe ye.

Itan 28:17

Ọmwa ne ọ de izigha, idin egbe ẹre ọ re ọ wa zẹgiẹgiẹ fian nii, ghẹ da ẹre obọ yi.

Hozia 9:17

E Nọyaẹnmwa ne imẹ ga gha he avbe emwa rẹn yotọ, rhunmwuda iran ma danmwehọ ẹre, iran gha khian emwa ni ghi ghogho yo ghogho rre vbe ẹvbo ọvbehe.

Joẹl 1:10

Ugbo hia dihoi rua; otọe gha khiẹ, rhunmwuda, a dunmwu avbe ọka a, avbe alimo ayọn kaka a avbe erhan oliv vbe luẹluẹ.

Levitikọs 26:17

I gha werriẹ aro da uwa, vbe ne a gha na miẹn wẹ a khọn miẹn uwa otọ, iran ni khuiwu uwa ghi gha khaemwisẹ yan uwa, wa gha runran sẹrriọ wẹ wa ghi gha lẹ vbene ọmwarhọkpa ma na khu uwa.

Levitikọs 26:20

Ẹsọn ne uwa gha miẹn hia, ọma ọkpa i ra kọe ladian, rhunmwuda, otọ ruẹ i ra ma emwiokọ, erhan ruẹn i ra vbe mọ.

Levitikọs 26:36

“I gha runran uwa ni rre imu vbe ẹvbo ẹrrẹe sẹrriọ wẹ, owogho ebe ne ẹhoho mu khian ghi si ulẹ ye uwa egbe. Wa ghi rhulẹ zẹ vbene a miẹn wẹ odaro okuo ọre a na khu uwa khian, wa ghi vbe dele vbe eghian ma sikẹ uwa.

Ebe ne Pọl gbẹẹn gie emwa Rom 8:20

Te a gheghe ya avbe emwi ne a yi khian ne ẹ i ighi mwẹ esa, ẹ i re wẹ te ọ te ye ọre vberriọ. Sokpan vbene Osanobua we emwi gha ye ọre nọ, sokpan idaehọ na ye rrọọ wẹẹ,

Diuteronomi 28:15

“Sokpan, a deghẹ uwa ma họn ẹmwẹ e Nọyaẹnmwa Osanobua uwa ne uwa vbe ya ẹkoata rhie uhi ẹre hia ne imẹ rhie ne uwa ẹrẹna mwẹ, avbe emwi dan na hia gha sunu vbe egbe uwa.