Gẹnẹsis 4:10 - Edo Bible (E Baibol Ẹdo) Version 1996

¹⁰ E Nọyaẹnmwa ke kha wẹẹ, “Vbọzẹ ne u na ru emwi ne ọ muohan na yi? Esagiẹn ọtuẹn wa tu ma mwẹ ke uwe otọ gha dee zẹ vbe urhu ne ọ ho ne a rria ikhi.

Gẹnẹsis 4:10 ပူးပေါင်းရင်းမြစ်များ

Gẹnẹsis 18:20

Ẹkpo nii ọre Nọyaẹnmwa na khama Ebraham wẹẹ, “Emwa wa guan ẹmwẹ emwi dan ne Sọdom kevbe Gomorra ru, orukhọ iran vbe kpọlọ.

Gẹnẹsis 3:13

E Nọyaẹnmwa Osanobua keghi nọ okhuo nii wẹẹ, “Vbọzẹ ne u na ru emwi na yi?” Rẹn ke wanniẹn wẹẹ, “Ẹyẹn ọre ọ rẹrẹ mwẹ rriọe.”

Gẹnẹsis 9:5

A deghẹ ọmwaikọmwa gbe ọmwa, uwu ọre I ra ya rria ẹre ikhi. Aranmwẹ ne ọ rhirhi gbe ọmwa, I gha fuọn ruan, I gha vbe rri ọre oya ighẹ ọmwaikọmwa ne ọ de ihua re izigha.

II Ọba 9:26

‘I miẹn vbene a gbele Nabot kevbe ivbi ẹre hẹẹ nodẹ, ẹre I na yan wẹẹ, I gha rri uwẹ oya vbe emwa na, vbe uwu nene ogba na!’ ” E Jehu keghi tama ọkpọmwa rẹn wẹẹ, “Rhunmwuda ọnii nian, mu ikun e Joram, ne u fi ẹe fi uwu ogba e Nabot, ne u miẹn ehe na mu eyan e Nọyaẹnmwa sẹ.”

II Krọnikol 28:9

Okpia ọkpa ne a tie eni ẹnrẹn Odẹd, ne ọ vbe re akhasẹ kegha rre Sameria. Ọ keghi dekun ivbiyokuo Izrẹl ni ke okuọ dee, deba ivbi e Juda ne iran munọ ẹre oghunmwu vbe iran ghi ra wa la ore ẹvbo, ọ na kha wẹẹ, “E Nọyaẹnmwa ne Osanobua avbe erha uwa odede keghi mu ohu ivbi e Juda, ọ na gie obọ uwa ke ukhunmwu ne iran, wanwanna nian, ọ họn ugbe mwẹ ọghe ekhọe dan ne uwa gbele iran re.

Job 16:18

“Ẹ o, otọ agbọn, wa ghẹ gbe gue emwi ne a baku ru ghe mwẹ. Wa ghẹ giẹ a gbe eta rhu ibuohiẹn ẹmwata ne I tu tie.

Job 24:12

Iran ne a kuanrẹn kevbe ni wulo khian, gha tulo vbe avbe ore nekhua, sokpan, Osanobua i zẹ ye erhunmwu iran.

Psalm 50:21

Wa ru avbe emwi na hia mẹ keghi hunwan kpọi wa keghi rhunmwuda ọnii gha ro wẹ, te imẹ yevbe uwa. Banbanna nian mẹ gu uwa gui nẹ I keghi rhan otọ ẹmwẹ nii ma uwa.

Psalm 72:14

Ọ miẹn iran fan hin obọ, a zẹ ọmwa kpokpo kevbe ọkpankpan, ighobioye ọ re ẹdagbọn iran khin ne ẹẹn.

Psalm 9:12

Osanobua ye iran ne usẹ sẹ rre, ẹi vbe mianmian utumwẹ iran, ọ vbe rri iran oya ighe iran ni fidọn ghe iran.

Psalm 9:13

Tohan mwẹ Nọyaẹnmwa. Ghe ọlọghọmwa ne avbe eghian mwẹ si yọmwẹ egbe. Fan mwẹ ye otọ vbe obọ uwu, Nọyaẹnmwa

Ẹksọdọs 3:7

Ẹre Nọyaẹnmwa na kha wẹẹ, “I miẹn obọ oya ne a ya mu emwa mwẹ vbe Igipt, I họn utumwẹ ne iran tu wẹ ne a miẹn iran fan vbe obọ avbe iran ni lo iran vbe eviẹn, I wa miẹn oya ne iran re.

Aizaia 5:7

Izrẹl ọrọre ogba azara ọghe Nọyan ne Oghodua; emwa e Juda ọrọre azara ne ọ kọ yọ. Rẹn te rhie aro yọ ne iran gha ru emwi ne ọ maa, sokpan, iran kegha do izigha. Rẹn te rhie aro yọ ne iran gha ru emwi ne ọ gbae, sokpan, emwa ne obọ iran vbare kegha tu wẹ ne a bu ohiẹn ẹmwata.

Nọmbas 35:33

Wa gha ru ẹe vberriọ, wa gha mu awua ye otọ ne uwa ye. Te izigha si awua rrie ẹvbo, odẹ ne a la họnmwẹ otọ ne a na de izigha ne awua lahin rre irrọọ gberra ne a gbe izigha ni uan.”

Iwinna 5:3

Pita keghi tama rẹn wẹẹ, “Ananaias, vbe u a rhie otọ ne Setan ya hin yan orhiọn ruẹn hẹ yi, ne ọ na wẹ ne u do ta ohoghe ma Orhiọn Ne Ọ Huanrẹn, ne u na fian obọkpa rhie hin rre Vbe igho ne u khiẹn emwi ne u mwẹ re?

Iwinna 5:9

Rhunmwuda ọnii, Pita tama rẹn wẹẹ, “Vbọzẹ ne uwẹ vbe ọdafọn na gha si uma wẹ, ne uwa do danmwẹ Orhiọn Nọyaẹnmwa ghee? Iran ni ya tọn ọdafọn ye otọ wa rre onurho nian, iran gha vbe mu uwẹ ladian ba ẹre.”

Diuteronomi 21:1

“Adeghẹ a miẹn ọmwa ne a gbe ua vbe uwu oha vbe otọe ne Nọyaẹnmwa Osanobua ra mu ne uwa, sokpan wa ma rẹn ọmwa ne ọ gbe ẹe.

Hibru 11:4

Iyayi ọre Ebel ya zọ ese ne ọ maa sẹ ọghe Ken ghe Osanobua. Rhunmwuda iyayi ẹre, ọre Osanobua na kae ye ọmwa ẹmwata, rhunmwuda Osanobua tobọ ẹre rhan ohọ miẹn emwi imuohan rẹn.

Hibru 12:24

Wa keghi bu Jesu gha dee, ọmwa ne ọ mwamwa ile ọgbọn nii ye otọ kevbe esagiẹn ne agbe kha kha, ne ọ vbe ta ẹmwẹ emwi ni maa sẹ esagiẹn ọghe Ebẹl.

Jems 5:4

Wa ma he ha osa ne iran ne uwa ya gbe ugbo. Wa gha họn vbe ne iran gui hẹ! Eve ne iran ni rhọ emwiokọ uwa ne uwa viẹ, sẹ ehọ Osanobua nẹ, Nọyaẹnmwa ne Oghodua.

Jọsua 7:19

Ẹre Jọsua na tama Ekani wẹẹ, “Ovbi mwẹ, ta ẹmwata vbe emwa na, vbe odaro e Nọyaẹnmwa Osanobua Izrẹl ne u miẹn kue. Banbanna nian, tama mwẹ emwi ne u ru. Ghẹ vbe wẹ ne u rhie ẹre lẹre mẹ.”

I Samuẹl 13:11

Sokpan e Samuẹl keghi kha wẹẹ, “De emwi ne u ru na yi?” E Sọl keghi wanniẹn wẹẹ, “I miẹn wẹẹ, avbe emwa nii lẹ sẹ mwẹ rae, wẹ ma vbe rre ye ẹghẹ ne u buru, deba ẹre, ivbi e Filistin vbe si koko ye Mikmas.