Gẹnẹsis 39:9 - Edo Bible (E Baibol Ẹdo) Version 1996

⁹ Vbene irẹn mwẹ asẹ vbe owa na, erriọ mẹ vbe mwẹ, ọ ma he we mwẹ khian sẹ evba vbe egbe emwikemwi vbe ọ ghi gberra uwẹ ne amwẹ ọnrẹn. Vbia ghẹ ghi gu ru emwi dan vberriọ hẹ ne I ya fidọn ghe Osanobua?”

Gẹnẹsis 39:9 ပူးပေါင်းရင်းမြစ်များ

Gẹnẹsis 13:13

ne emwa rẹn re emwa dan ni vbe ru orukhọ ghe Nọyaẹnmwa.

Gẹnẹsis 20:3

Vbe asọn ọkpa, Osanobua keghi rhie egbe ma rẹn vbe imina, ọ wẹẹ, “Odẹ uwu ọre u gbẹn na, rhunmwuda okhuo ne u rhie re owa ọdọ ọre ọ ye.”

Gẹnẹsis 20:6

Osanobua keghi wanniẹn vbe nene imina wẹẹ, “Ẹn, I rẹnrẹn wẹ ẹko ata u ya ru emwi na, rhunmwuda ọnii ọre I ma na guẹ rukhọ ghe mwẹ, vbene I ma na guẹ yobọ kan rẹn.

Gẹnẹsis 20:9

Abimẹlẹk ke tie Ebraham, ọ nọ rẹn wẹẹ, “Vbua na ru ima vbenian hẹ yi? De emwi dan ne I ru ẹre ne u na si emwi dan nọkhua na ye imẹ vbe otọe arriọba mwẹ egbe? A i ghẹ ru ọre u ru mwẹ re na.

Gẹnẹsis 24:2

Ọ keghi tama ne ọ ghi re ọdiọn vbe avbe eguọmwadia ẹre hia, ne ọ vbe gbearoghe emwi ne ọ mwẹ hia wẹẹ, “Do viọ obọ yọ mwẹ akharha ne u vẹn ihẹn.

Gẹnẹsis 39:10

A gha rhe miẹn wẹ ẹdẹgbegbe ọre ọ ya tae ma e Josẹf, ọ ma zẹ yẹ ọre re ne ọ guẹe ru emwi.

Gẹnẹsis 41:40

I gha mu ẹmwẹ ẹvbo mwẹ yuẹ obọ, emwa mwẹ ghi gha ru vbene u khare. Wẹ ọ re ọ ghi ra gha zẹ lele mwẹ.”

Gẹnẹsis 42:18

Ọ ghi sẹ ikpẹdẹ ne ogieha e Josẹf keghi tama iran wẹẹ, “Osanobua ọ re I ga, wa gha miẹn uhunmwu a deghẹ wa ru vbenian.

II Samuẹl 11:27

Ẹghẹ akhiẹ ghi gberra nẹ, e Devid keghi ya rhie ẹre gha die ẹguae. Okhuo nii na khian amwẹ ọnrẹn, ọ keghi biẹ ọmọ okpia ọkpa ne ẹẹn, sokpan ẹko e Nọyaẹnmwa ma rhiẹnrhiẹn ye emwi ne Devid ru na.

II Samuẹl 12:13

E Devid keghi kha wẹẹ, “I ru orukhọ ghe Nọyaẹnmwa nẹ.” E Natan keghi wanniẹn wẹẹ, “E Nọyaẹnmwa ya bọọ, u i ghi ra wu.

Nehimaia 5:15

Iran hia ni gha re ne ọkhaemwisẹ ọ te do sẹ mwẹ egbe, ihẹ ọ re iran gha khin ne emwa nii, iran kegha miẹn iran igho esiliva iyeva vbe ẹdẹ zẹ vbe igho evbare kevbe ọghe ayọn. Uhin ighẹ te eguọmwadia iran gha sẹ emwa ni usẹ. Sokpan, I ma ru vberriọ, rhunmwuda, te I ya ọghọ ne Osanobua.

Nehimaia 6:11

Mẹ keghi wanniẹn wẹẹ, “Mẹ i re okpia ne ọ lẹ fua ya gha lẹre. Wẹ yayi wẹ mẹ gha ya lẹre ye uwu Ọgua Osa ne I ghẹ miẹn ehe na wu? I i ruẹe.”

Job 31:23

Rhunmwuda ighẹ ohan irria ikhi Osanobua mu mwẹ, ohan i gunmwẹ danmwẹ emwi vberriọ ghe.

Psalm 51:4

I rukhọ ghe ruẹ nẹ, wẹ ọkpa ọ re I rukhọ ọ ghe I keghi vbe ru emwi ne uwẹ ka ye orukhọ. Rhunmwuda ọnii, u rriase vbe u bu ohiẹn mwẹ emwi ne ọ kere ọ re u ru; vbe u bu abe gbe mwẹ.

Ẹksọdọs 20:14

“Ghẹ ghẹẹ.

Itan 6:29

Erriọ ọ re ọ wa vbe rhia sẹ zẹẹ ne ọmwa rhikhan mu amwẹ ẹrrẹe. ọmwa ne ọ rhirhi danmwẹ ọẹn, ọ gha rrioya.

Itan 6:32

Sokpan ọmwa ne ọ ru ọghe i zẹdẹ wan hiehiere. Te ọ wa gbe egbe ẹre khian nii.

Asan-Ibo 7:26

I keghi miẹn emwiọkpa ne ọ rriara sẹẹ uwu — ọnii ọ re okhuo. Ahoẹmwọmwa ne ọ ra mwẹ ghe ruẹ sẹtin wa mu ẹn zẹ vbe ifi ra ọga, obọ ne ọ ya kinnọ ọn ghi gba a mwẹ zẹ vbe eghan. Ọmwa ne ọ ru emwi ne ọ yẹ Osanobua sẹtin lẹfe vbọ, sokpan te obọ ẹre gba ọmworukhọ.

Jerimaia 28:16

Rhunmwuda ọnii, e Nọyaẹnmwa tobọ ẹre khare we rẹn ra mu ẹẹn fua vbe ukpo na te fo, u gha wu rhunmwuda, we tama avbe emwa na wẹ ne iran sọtẹ ghe Nọyaẹnmwa.”

Jerimaia 50:7

A vba gbe ọ re iran ghi khin, avbe eghian iran khare wẹẹ, ‘Iran sẹ ẹmwẹ e Nọyaẹnmwa nẹ, rhunmwuda ọnii, ma ma ru a ghẹ i ru. E Nọyaẹnmwa ọ re avbe erha iran odede mu ẹtin yan, te ọ te kei ne iran vbe rhie ekhọe lele ẹe.’

Levitikọs 20:10

Omwa gha gu amwẹ ovbi Izrẹl ru oghẹ, a ghi gbele irẹn vbe okhuo nii uan.

Levitikọs 6:2

“Te ọmwa gha zọ ese yọ a deghẹ igho ne ovbi Izrẹl rhie nẹẹn rhiemwẹ khian ne ọ ma ghi rhie werriegbe ne nọyan rẹn, ra vbe ọ gha rha ẹre, ra te ọ mu ẹẹn ru.

Nọmbas 32:23

Sokpan deghẹ wa na mu eyan uwa sẹ, ne I gie uwa rẹn nian wẹ wa gha rukhọ ghe Nọyaẹnmwa, wa ghi vbe rẹn nian wẹẹ a gha vbe rri uwa oya ye orukhọ uwa.

Iyẹn ne ọ Maan Ọghe Luk 12:48

Sokpan ọguọmwadia ne ọ ma rẹn emwi ne arowa ẹre ho, ne ọ vbe ru emwi ne ọ kere ne a gbẹe asan yi, asan kherhe ọre a ra gbe ẹre re. Ọmwa ne a viọ ni bun na ọre a ye aro ye enibun vbe obọ ẹre, ọmwa ne a viọ ni bun sẹ na, a gha vbe ye aro ye ni bun sẹ vbe ohọ ẹre.

I Kọrinti 4:2

Emwi ọkpa ne a ho vbe obọ ọmwa ne a rhie emwi nẹẹn dayi ọrọre wẹẹ, ne ọ gha re ọmwa ne ọ gie arowa ẹre mu ẹtin yan.

Taitọs 2:10

Iran ghẹ do iran emwi hẹ. Sokpan, ọ kere ne iran gha rhie maa vbe ẹghẹ hia, vbe emwi ne iran ru hia ighẹ iran maa, iran vbe gie a mu ẹtin yan, ne iran miẹn ehe na gie emwa gha ta ẹmwẹ ọnrẹn ẹse, ighẹ emwi ne a ma emwa ẹre, vbe ekpa Osanobua ne Ọmiọnmwafan mwa.

Hibru 13:4

Ọ kere ne emwa hia gha ye ọghọ ne orọnmwẹ, ọdọ vbe amwẹ ghi gha re emwa ne ẹ i fi owẹ ye oha, Osanobua gha bu ohiẹn iran ni gbe alama kevbe ni ru oghẹ.

I Jọn 3:9

Ọmwaikọmwa ne ọre ovbi Osanobua, ẹ i sẹtin gha ru orukhọ khian, rhunmwuda, akpa ọghe Osanobua tobọ ẹre rre uwu ẹre, kevbe wẹ rhunmwuda ighẹ Osanobua ọrọre Erhae, rẹn i sẹtin gha ru orukhọ khian.

Arhie Maan 21:8

Sokpan avbe avbiẹrẹ, ọgueva, iran ni rhiaraa, avbe izigha kevbe igbalama, iran ni ru ẹbọ edunna, iran ni ga amazẹ, kevbe iran ni ta ohoghe hia, ehe ne ọre ọghe iran ọrọre odighi erhẹn ne ọ giẹn ugbofi ladian, ọnii ọre uwu ne ogieva.”

Arhie Maan 22:15

Sokpan, iyeke ẹvbo nii, ọrọre ọghe avbe ni rhiaraa, iran ni ru ebo edunna, iran ni gbe alama oghẹ, avbe izigha, iran ni ga ẹbọ, iran ni ta ohoghe, vbe ẹmwẹ ne a guan kevbe emwi ne a ru.