Gẹnẹsis 39:4 - Edo Bible (E Baibol Ẹdo) Version 1996

⁴ Ẹmwẹ Josẹf keghi wa gha yẹ Pọtifa kẹe kevbe vbene ọ ya winna nẹẹn hẹẹ. Rẹn keghi rhunmwuda ọnii mu owa ẹre kevbe emwi ne ọ mwẹ hia nẹẹn gha gbearoghe.

Gẹnẹsis 39:4 ပူးပေါင်းရင်းမြစ်များ

Gẹnẹsis 15:2

Sokpan Ebram keghi kha wẹẹ, “Nọyaẹnmwa ne Udazi, I i mwẹ emọ, de esa ne ẹse ne u ra ru mẹ khin? Ọmwa ne I mwẹ ne ọ gha rri ukhu, ọrọre Eliezẹ ne ovbi e Damaskọs.

Gẹnẹsis 18:3

“Wa Dọmọ ọ, ugamwẹ uwa ọre I rre ba, lahọ wa ghẹ rhiegberra owa mwẹ vbe na i na yakọ hiehiere. Ọguọmwadia ruẹ ọre I khin.

Gẹnẹsis 19:19

Ghe, u tohan mwẹ nẹ, ekhọe ruẹ ọre ọ maa ọre u na ma gbe mwẹ uan, sokpan avbe oke nii rrei gbe, obọ ọfuan nii gha vba mwẹ, I ghi wu I te sẹ evba.

Gẹnẹsis 24:2

Ọ keghi tama ne ọ ghi re ọdiọn vbe avbe eguọmwadia ẹre hia, ne ọ vbe gbearoghe emwi ne ọ mwẹ hia wẹẹ, “Do viọ obọ yọ mwẹ akharha ne u vẹn ihẹn.

Gẹnẹsis 32:5

I mwẹ ẹmila, ekẹtẹkẹtẹ, ohuan, ẹwe, kevbe eviẹn. Te I gie uhunmwu guẹ enọwanrẹn ne I ya gualọ aro ne ọ maa vbe obọ ruẹ.”

Gẹnẹsis 33:10

E Jekọb keghi kha wẹẹ, “Ẹ i re erriọ, a deghẹ I miẹn aro nọmaa ọwuẹ, rhan obọ miẹn emwi ne I ya haoko guẹ. Ne I na bẹghe aro ruẹ na, ọ yevbe ne I bẹghe aro Osanobua vbe ẹghẹ na ne u na ye obọ ọse mu mwẹ.

Gẹnẹsis 33:8

Isọ keghi nọ rẹn wẹẹ, “Otu ne I ka vbe miẹn vbe odọ, de ne eni vbe khin vbọ, vba a yae kha?” E Jekọb wanniẹn wẹẹ, “Te I wẹ ne I yae gualọ aro ne ọ maa ọ wuẹ.”

Gẹnẹsis 39:8

Rẹn keghi he, ọ tama okhuo nii wẹẹ, “Arowa mwẹ i ghi vbe si osi ye emwikemwi ni rre owa na, rhunmwuda ighẹ I rre emwa. Ọ viọ emwi hia mẹ nẹ ne I gha gbearoghe.

I Ọba 16:9

E Zimri ne ọ re ọkpa vbe uwu emwa rẹn ni gbe aro ghe obọkpa vbe a wa ikẹkẹ okuo ọba ye ihe eva keghi khuan khẹ ọre. Ẹdẹ ọkpa, ọba keghi da ayọn ne ọ gha gbe ẹe vbe Tiza vbe owa Aza ne ọ gbearoghe ẹguae.

Ẹsta 2:9

E Hegai keghi wa ho ẹmwẹ Ẹsta, ẹmwẹ ọnrẹn keghi la ẹre ekhọe. Ẹgiẹgiẹ na, ọ na wa suẹn gha ma ẹre egbe ose, vbe ekpa ne ọ na yo obọ lọ ẹre egbe ọ ghi vbe gha rhie evbare kpataki ne ẹẹn. Ọ keghi rhie ehe ne ọ maa sẹ vbe ẹguae nii ne ẹẹn, ọ na vbe viọ ibiẹka ikhuo ihinrọn ni rre ẹguae ne ẹẹn wẹ ne iran gha ru emwi ne ẹẹn.

Itan 14:35

Ewọe ni sẹ ekpe ọ re ọ ya ẹko ọba rhiẹnrhiẹn; sokpan, te irẹn rri ọmwa ne ọ ma giee dunna oya.

Itan 16:7

U gha ru vbene ọ yẹ Nọyaẹnmwa, u gha sẹtin ya avbe eghian ruẹn khian ọse.

Itan 17:2

Ọguọmwadia ne aro sẹ ọre otọ, ọ re ọ ra gha kha yan ọmọ oya ne arowa ẹre hiẹe, ọ gha vbe sẹ ọ re obọ vbe ukhu ẹre.

Itan 22:29

Ma mwẹ ọmwa ne ọ winna iwinna rẹn ẹse, I gha vbe ma ruẹn ọmwa ne ọ maa sẹẹ emwa nibun kevbe ọmwa ne ọ sẹe ne ọ gha gu ọba tota.

Itan 27:18

Gbe aro ghe erhan ohọ, u gha miẹn ọmọ rẹn kọlọ re. Ọguọmwadia ne ọ ga arowa ẹre, te a gha rhie uyi ye ọ re egbe.

Itan 3:4

U gha ru vbenian, u gha miẹn aro ne ọ maa vbe obọ Osanobua kevbe emwa nagbọn.

Iwinna 20:28

Wa gha gbe aro ghe egbe uwa kevbe ohuan hia ne Orhiọn Ne Ọ Huanrẹn viọ ne uwa gha su, wa gha re ọsuohuan esọsi Osanobua ne ọ ya uwu Ovbi ẹre ya khian oghẹ ẹe.

Ebe Rut 2:6

Eguọmwadia ẹre keghi wanniẹn wẹẹ, “Ọmọ okhuo orhunmwuyẹn ne ọ lele Naomi ke Moab rre nọ.

I Samuẹl 16:22

Ẹre Sọl ghi na gie ne a khama e Jese wẹẹ, “Ẹmwẹ e Devid wa yẹ mwẹ. Gie ẹe tota ke mwẹ ne ọ gha winna mẹ.”

I Samuẹl 2:26

Ẹre ọmọ okpia nii ighẹ e Samuẹl na gha wan yọ, aro ne ọ maa ọghe Nọyaẹnmwa kevbe emwa nagbọn, kegha rre ọre egbe.