Gẹnẹsis 39:22 - Edo Bible (E Baibol Ẹdo) Version 1996

²² Ọ keghi mu e Josẹf ye ne ọ gbearoghe avbe oleghan nekpa hia. Rẹn ọ re ọ ghi gha re ne ọ ta emwi ne a gha ru vbe uwu eghan.

Gẹnẹsis 39:22 ပူးပေါင်းရင်းမြစ်များ

Gẹnẹsis 39:20

Ọ na wẹ ne a mu e Josẹf, ne a muẹn ye ehe ne a viọ avbe oleghan ọba yi, ọ na gha rre evba.

Gẹnẹsis 39:4

Ẹmwẹ Josẹf keghi wa gha yẹ Pọtifa kẹe kevbe vbene ọ ya winna nẹẹn hẹẹ. Rẹn keghi rhunmwuda ọnii mu owa ẹre kevbe emwi ne ọ mwẹ hia nẹẹn gha gbearoghe.

Gẹnẹsis 39:9

Vbene irẹn mwẹ asẹ vbe owa na, erriọ mẹ vbe mwẹ, ọ ma he we mwẹ khian sẹ evba vbe egbe emwikemwi vbe ọ ghi gberra uwẹ ne amwẹ ọnrẹn. Vbia ghẹ ghi gu ru emwi dan vberriọ hẹ ne I ya fidọn ghe Osanobua?”

Psalm 37:11

Sokpan avbe ọmẹhẹ ọ re ọ ra yan otọe nii iran ghi vbe gha ye ọfumwegbe zọmọ vbe uwu ẹre.

Psalm 37:3

Mu ẹtin yan e Nọyaẹnmwa ne u gha ru emwi ẹse, vbe gha yin otọe nii vbe ne ai na mwẹ ẹbe.

I Samuẹl 2:30

Mẹ ne Nọyaẹnmwa ne Osanobua ọghe Izrẹl ọ re ọ yan rẹn vbe ẹghẹ ne ọ gberra wẹ ẹwae ruẹ kevbe ẹgbẹe ruẹ, gha ga mwẹ zẹ vbe ohẹn ẹdẹdẹmwẹdẹ sokpan, banbanna nian, I khare wẹ I i ghi mwẹ obọ vbọ sokpan, I gha daa ne iran ni daa mẹ, sokpan, iran ni zan mwẹ, I gha fa iran an.