Gẹnẹsis 39:20 - Edo Bible (E Baibol Ẹdo) Version 1996

²⁰ Ọ na wẹ ne a mu e Josẹf, ne a muẹn ye ehe ne a viọ avbe oleghan ọba yi, ọ na gha rre evba.

Gẹnẹsis 39:20 ပူးပေါင်းရင်းမြစ်များ

Gẹnẹsis 40:15

Ne I guẹ rẹn nian wẹ te a do mwẹ mu vbe ẹvbo emwa Hibru, kevbe emwa na vbe Igipt I ma ru emwi rhọkpa ne a rhunmwuda ẹre mu mwẹ fi eghan na.”

Psalm 76:10

Te ohu ne emwa nagbọn mu, dọlegbe rhie urhomwẹ ne uẹn sayọ, iran ni miẹn uhunmwu vbe okuo nii gha ru emwi ukpo ruẹ.

Aizaia 53:8

A mu ẹẹn, a bu ohiẹn uwu gbe ẹe, a na rhie ẹre kpao ne ọ ya wu a ma vbe miẹn ọmwa ne ọ zẹẹ ye emwi ne ọ rruan rẹn. A gbe ẹe rua ba ẹmwẹ orukhọ emwa ima.

Jerimaia 37:15

Ohu mwẹ keghi wa mu iran hia ẹsẹse, iran na giee ne a gbe mwẹ, iran na ya mu mwẹ khui ye owa e Jonatan ne ọgbenbe ẹguae, ne a ghi ya owa ẹre ru ẹwẹdọ.

II Timoti 2:9

Rhunmwuda ighẹ I kpe orhu nene Iyẹn Ne ọ maa, oya i ghi re, u hin ighẹ te a ghi guọ eghan yọ mwẹ obọ, zẹ vbe izigan. Sokpan a ma ya eghan mu ẹmwẹ Nọyaẹnmwa gba.

Hibru 11:36

A ye eso gbe ogiẹ, a gbe iran asan, a keghi munọ eso gbalọ hẹ ku uwu ẹwẹdọ.

I Pita 2:19

Osanobua gha rhunmwuda ọnii fiangbe uwa, a deghẹ wa rri oya ekueku, rhunmwuda ighẹ wa ru emwi ne irẹn ho roro.