Gẹnẹsis 39:14 - Edo Bible (E Baibol Ẹdo) Version 1996

¹⁴ Ọ keghi tie ikpia ni rre owa ẹre wẹẹ, “Wa ghe o! Ọdafẹn mwẹ ọ re ọ mu ovbi e Hibru na ye owa, eban nian mẹ ọre ọ ghi yagha. Ọ bu mwẹ la ughugha ọ na wẹ ne I gie irẹn gun mwẹ ru emwi, ọ re I na rhie so zẹ vbe ne ẹho mwẹ sẹe.

Gẹnẹsis 39:14 ပူးပေါင်းရင်းမြစ်များ

Gẹnẹsis 10:21

E Siẹm ne ọtẹn Jafẹt nọdiọn, ọre ọ vbe gha re erha odede avbe ivbi e Hibru hia.

Gẹnẹsis 14:13

Sokpan okpia ọkpa ne ọ lẹ fe keghi do tama Ebram ne ovbi e Hibru, ọkpẹn erhan iruemwi ọghe Mamrẹ ne ọmwa Amọri rẹn gha ye, ọmwa Mamrẹ ne ọ re ọtẹn Ẹskọl kevbe Anẹ keghi re emwa ni ye obọ ba Ebram.

Gẹnẹsis 39:13

Ugbẹn vbe okhuo nii ghi miẹn ighẹ ọ lẹ fi ore,

Gẹnẹsis 39:15

Ugbẹn vbe ọ ghi miẹn wẹ I rhie so, ọ keghi sẹ ẹwu ẹre rae yọ mwẹ evba, ọ lẹ fua, ọ keghi lẹ ladian.”

Gẹnẹsis 39:17

Ọ ke vbe ta okha na ma rẹn wẹẹ, “U ma miẹn ọviẹn ne ovbi e Hihru ne u mu bu ima gha dee nii, ọ bu mwẹ la owa do gha yagha mwẹ.

Gẹnẹsis 39:7

Ọ ma ghi he kpẹe, amwẹ arowa Josẹf kegha ye aro ta ọta vbe egbe ẹre. Okhuo nii keghi tama rẹn wẹẹ, “Do gunmwẹ lovbiẹ.”

Gẹnẹsis 40:15

Ne I guẹ rẹn nian wẹ te a do mwẹ mu vbe ẹvbo emwa Hibru, kevbe emwa na vbe Igipt I ma ru emwi rhọkpa ne a rhunmwuda ẹre mu mwẹ fi eghan na.”

Psalm 120:3

Wa ne ọhọn ohoghe, vbe Osa ra ru uwa ẹre? Vbe ọ ra ya rria uwa ikhi hẹ?

Psalm 35:11

Avbe emwa dan sẹ osẹe gbe mwẹ iran ba mwẹ ifi ẹzọ vbe I ma rẹn ọkpa I ma rẹn eva.

Psalm 55:3

Eyan ne avbe eghian mwẹ yan mu mwẹ ohan, ukpokpo emwa dan rẹnkhẹn mwẹ ye otọ iran si ọlọghọmwa yọmwẹ egbe, ohu mwẹ mu iran iran vbe khuiwu mwẹ.

Itan 10:18

Ọmwa ne ọ rhie ohu ọmwa mu ọmwa lẹre, ọhọn ohoghe nọ. Ọmwa ne ọ wewe ewẹwẹwẹ khian, akpa nọ.

Aizaia 51:7

“Wa danmwehọ mwẹ, wa ne ọ rẹn emwi ne ọ gbae ni rhie emwi ne I ma iran re mwẹ vbe ekhọe. Wa ghẹ gie ohan mu uwa vbe emwa a gha giẹ ighẹ iran vbe rhovbiẹ uwa;

Aizaia 54:17

Sokpan, emwi igbinna ọkpa ne ọ gha sẹtin kuan ruẹn egbe i rrọọ; te u gha miẹn ẹmwẹ zẹ wanniẹn ọmwa ne ọ rhirhi ba ruẹ ifi ẹzọ. I gha gbinna ne eguọmwadia mwẹ. I ghi gie iran khọnmiotọ.” E Nọyaẹnmwa taa ẹe nẹ.

Ezikiẹl 22:5

Ẹvbo ni sikẹ uwa kevbe avbe ẹvbo ni rre urria gha ya ihue gie uwa asẹn rhunmwuda uyinmwẹ igbẹki uwa.

Matiu 26:59

Avbe igie ohẹn kevbe Iko nii hia, kegha gualọ osẹe ohoghe ne iran gha sẹ gbe Jesu ne iran miẹn ehe na gbe ẹe rua.

Matiu 5:11

“Ọ maa ne uwa vbe emwa a gha zan uwa, vbe iran a gha zẹ uwa owẹ, ighe iran vbe ba uwa ẹmwẹ, rhunmwuda ighe wa re emwa ni lele mwẹ.

Iyẹn ne ọ Maan Ọghe Luk 23:2

Iran keghi ba ẹre ifi ẹzọ wẹ, “Ma mu okpia na vbe uwu ehe ne ọ na ruẹn ẹmwẹ ye emwa ima ẹko, ọ wẹ ne iran ghẹ ghi ha igho uhunmwu gie Nọgbaisi, ọ wẹ rẹn tobọ irẹn ọrọre Kristi ne Ọba.”

II Kọrinti 6:8

A ya ọghọ ne ima, a vbe fa ima uan, a ya ukpẹ sakan ima, a vbe tian ima, a ru ima vbe ọhọn ohoghe, sokpan ẹmwata ma ta.

I Pita 2:20

Rhunmwuda, de ere ne ọ rrọọ yi, a deghẹ wa ziengbe ye vbe a gha rri uwa oya ba emwi ne uwa ba ku rru? Sokpan a deghẹ uwa ziengbe oya ne uwa re vbe uwa ma ba emwi rhọkpa ku ru, Osanobua gha fiangbe uwa yọọ.