Gẹnẹsis 38:9 - Edo Bible (E Baibol Ẹdo) Version 1996

⁹ Sokpan Onan rẹnrẹn wẹ ẹ i re irẹn ọre ọ ra yan emọ nii; rhunmwuda ọnii, ẹghẹ hia ne ọ ya miẹn amwẹ ọtiọnrẹn, ọ ghi mu eku ẹre ku otọ, ne ọtiọnrẹn ghẹ miẹn ehe na gha mwẹ urho.

Gẹnẹsis 38:9 ပူးပေါင်းရင်းမြစ်များ

Gẹnẹsis 38:10

Emwi ne ọ ru keghi sọnnọ Nọyaẹnmwa, E Nọyaẹnmwa na vbe gbe ẹe rua.

Job 5:2

Ne ọmwa, rhunmwuda ighẹ emwi sọnnọ ẹn, kpokpo egbe ya uhunmwu yọ, uyinmwẹ ukọnmwẹ akpa vbe abobo ọre nọ.

Itan 27:4

Emwi dan ne ọ rhia emwi ọ re ohu khin, sokpan a i zẹdẹ yae gie igbọvo hiehiere.

Diuteronomi 25:5

“A deghẹ etẹn eva koko yan emwi ọkpa, ọkpa vbọ ke ghi wu vbe ne ẹ i na mwẹ ọmọ okpia, okhuo ne ọ wu sẹrae nii, a ghẹ gie ẹe rhie obọ gberra ẹgbẹ nii ya rọnmwẹ ọdọ. Iwinna ne ọ bi ye ọtiọnrẹn nii egbe nọ ne ọ rhie ẹre rọnmwẹ.

Diuteronomi 25:6

Ọmọ ne ọ ka gha biẹ, a ghi tie ẹre ọ ghe ọmwa ne ọ wu ni, ne ivbi uniẹn ọnrẹn miẹn ehe na gha rrọọ khian vbe Izrẹl.

Taitọs 3:3

Rhunmwuda ẹghẹ ọkpa rrọọ ne ima tobọ ima na te vbe kọn, a i họn ẹmwẹ, a keghi vbe ba emwi ku ru. Orriarria kevbe emwi ni rhiẹnrhiẹn ughughan keghi mu ima oghunmwu. A ke gha lo ẹdẹ mwa hia vbe uwu ikhọẹko, kevbe oya ọmwa da ọmwa, emwa eso kegha khu iwu mwa, ma keghi vbe gha khọ ẹko iran.

Jems 3:14

Sokpan, deghẹ te uwa mwẹ oya ọmwa da ọmwa vbe ekhọe uwa, ighẹ ẹko khọ uwa, emwi vbe da uwa, ọ ma ghi kei ne uwa gha hio, ne uwa vbe gha ba ẹmwata ohoghe.

Jems 3:16

Rhunmwuda, eheikehe ne oya ọmwa da ọmwa ke emwi da mwẹ ye, evba ọre a na miẹn olighi kevbe emwi dan hia.

Jems 4:5

Ghẹ gha ro ighẹ, ẹ i mwẹ otọ emwi ne a ya ẹe kha ighẹ ne ebe ne kha wẹẹ, “Orhiọn ne Osanobua rhie ye uwu ima, orriarria ọbanabe ọre ọ vuọn rẹn.”

Ebe Rut 1:11

E Naomi keghi wanniẹn wẹẹ, “Ivbi mwẹ ni ikhuo, wa werriegbe. Vbọzẹ ne uwa na ho ne uwa lele mwẹ gha dee yi? Mẹ gha ye sẹtin biẹlẹ emọ ikpia ne uwa rọnmwẹ ra?

Ebe Rut 4:10

Ye vbe sẹ ọnii, e Rut ne ovbi e Moab ne okhuo ne Malọn wu sẹ rae, vbe khian ọvbokhan mwẹ, ne ọ miẹn ehe na gha gbearoghe emwi ọmwa ne ọ wu nii vbe uwu ẹgbẹe ọre, ne eni ẹnrẹn miẹn ehe na ye gha khian vbe uwu ẹbu ẹgbẹe ọre kevbe ẹvbo ẹre. Wa ọrọre osẹe ẹrẹna.”