Gẹnẹsis 38:5 - Edo Bible (E Baibol Ẹdo) Version 1996

⁵ Ọ kevbe dọlegbe biẹ ọmọ okpia ọvbehe ọ na he ẹre Siẹla. Akzih ọre Juda gha ye vbe ẹghẹ ne okhuo na na biẹ Siẹla.

Gẹnẹsis 38:5 ပူးပေါင်းရင်းမြစ်များ

Gẹnẹsis 38:11

Ẹre Juda ghi na khama Tama ne amwẹ ovbi ẹre wẹẹ, “Werriegbe gha rrie owa erha zẹ vbe okhuo ne ọ dẹgbẹ, e Siẹla ne ovbi mwẹ te wanrre.” Emwi ne ọ yae kha vberriọ ọrọre wẹ afianma fian ẹn wẹ a gha vbe gbe Siẹla rua zẹ vbene a gbele etiọnrẹn nikpia, ẹre Tama na werriegbe gha rrie owa erhae.

Gẹnẹsis 38:26

E Juda keghi ye iran rre, ọ na wẹẹ, “Ẹmwata ọre ọ tae, mẹ ọre ọ ba emwi ku ru. Te ọ te kei ne I rhie ẹre ne Siẹla ne ovbi mwẹ ne ọ rọnmwẹ ọẹn.” Ọ ma ghi dọlegbe guẹe ru emwi ọvbehe.

Gẹnẹsis 38:6

E Juda keghi rhie okhuo ne Eri ne ovbi ẹre nọdiọn, a kegha tie eni okhuo ni Tama.

Gẹnẹsis 46:12

Ivbi e Juda kegha re, Siẹla, Pẹrẹs kevbe Zẹra (sokpan Kenan ọ re Eri kevbe Onan na wulo). Ivbi e Pẹrẹs kegha re Hẹzrọn kevbe Hamul.

I Krọnikol 2:3

E Juda kegha mwẹ emọ Isẹn, amwẹ ọnrẹn ighẹ Batsua ne ovbi e Kenan, keghi biẹlẹ emọ eha ne ẹẹn, ena ọre Ẹr, Onan kevbe Siẹla. Ẹr ne ovbi ẹre ne okpia ne ọdiọn keghi rhia sẹrriọ wẹ e Nọyaẹnmwa na gbe ẹe rua.

I Krọnikol 4:21

Ọkpa vbe ivbi e Juda ne ikpia ọ re Siẹla gha a khin. Usun ivbi uniẹn ọnrẹn ọ re Ẹr ne ọ bu ẹvbo ne a tie ẹre Leka kevbe Laada, ne ọ bu ẹvbo ne a tie ẹre Maresia, kevbe ẹwae iran ni do ukpọn eto ovbiohuẹ ni rre ẹvbo ne a tie ẹre Bẹt Asbea.

Nọmbas 26:19

Ẹwae ọghe Juda (eva vbe uwu ivbi e Juda Er kevbe Onan wulo nẹ vbe otọ Kenan): uniẹn ọghe Siẹla, Pẹrẹs, Zẹra, Hẹzrọn kevbe Hamul.