Gẹnẹsis 38:29 - Edo Bible (E Baibol Ẹdo) Version 1996

²⁹ Sokpan ọ keghi si obọ werriegbe, a na ghi ka biẹ ọtiọnrẹn. Ẹre okhuo ne ọ mu ẹnrẹn emwi ubiẹmwẹ na kha wẹẹ, “Erriọ u ghi ya ye uhunmwu zẹ odẹ ladian!” A na ghi gha tie ẹnrẹn Pẹrẹs.

Gẹnẹsis 38:29 ပူးပေါင်းရင်းမြစ်များ

Gẹnẹsis 38:28

Ugbẹn vbe emwi ubiẹmwẹ ghi ruẹe, ọkpa vbe uwu iran keghi si obọkpa ladian, okhuo ne ọ mu ẹre emwi ubiẹmwẹ keghi dae yi, ọ na de oru ne ọ baa muẹn, ọ na kha wẹ, “Ọna ọ re ọdiọn.”

Gẹnẹsis 46:12

Ivbi e Juda kegha re, Siẹla, Pẹrẹs kevbe Zẹra (sokpan Kenan ọ re Eri kevbe Onan na wulo). Ivbi e Pẹrẹs kegha re Hẹzrọn kevbe Hamul.

I Krọnikol 2:4

Ovbi amwẹ ọnrẹn ne a tie ẹre Tama keghi biẹlẹ emọ ikpia eva ne Juda, ena kegha re Pẹrẹs kevbe Zẹra.

I Krọnikol 9:4

Ẹgbẹe uri eha vbe igbe ihinrin (690) vbe ẹwae e Juda keghi gha rre Jerusalẹm ivbi uniẹn Pẹrẹs ne ovbi e Juda, ọmwa ne ọ gha re ọkaolotu iran kegha re Utai ne ovbi Amihud kevbe eyẹ Ọmri. Usun avbe erha iran odede eso kegha re Imri kevbe Bani. Ivbi uniẹn e siela ne ovbi e Juda, ọmwa ne ọ gha re ọkaolotu iran kegha re Asaia, rẹn keghi re ọkaẹgbẹe ọghe ẹgbẹe irẹn. Ivbi uniẹn Zẹra ne ovbi e Juda, ọmwa ne ọ gha re olotu iran kegha re Jeuẹl.

Nehimaia 11:4

Ivbi uniẹn ẹwae Juda: Ataia ne ovbi Uzaia, ne ọ vbe re eyẹ e Zẹkaraia. Usun avbe erha ẹe odede nekpa ọ re iran vbe ye ighẹ Amaraia, e Siefatia kevbe Mahalalẹ ni re ivbi uniẹn e Pẹrẹs ne ovbi e Juda.

Nehimaia 11:6

Iran ni yin e Jerusalẹm vbe ivbi uniẹn e Pẹrẹs kegha re erẹnrẹn yan iyeha yan arria eva (468).

Matiu 1:3

Juda ọrọre erha Pẹrẹs kevbe Zẹra (a keghi tie eni iye iran Tema) Pẹrẹs ọrọre erha Hẹzrọn. Hẹzrọn keghi re erha Ram.

Iyẹn ne ọ Maan Ọghe Luk 3:33

Ne ovbi Aminadab, ne ovbi Admin, ne ovbi Ani ne ovbi e Nẹzrọn, ne ovbi e Pẹrẹs, ne ovbi e Juda.

Ebe Rut 4:12

Te emọ ne Nọyaẹnmwa gha la obọ uvbi nii viọ guẹ gha ye ẹgbẹe ruẹ do gha yevbe ẹgbẹe ọghe Pẹrẹs ne ovbi e Juda kevbe Tama.”