Gẹnẹsis 38:24 - Edo Bible (E Baibol Ẹdo) Version 1996

²⁴ Ọ ghi rre uki eha, emwa eso keghi do khama e Juda wẹẹ, “Tama ne amwẹ ovbuẹ miẹn okpia, ọ wa hanmwa nian.” E Juda keghi kha wẹẹ, “Wa siẹe ladian ore ne uwa ya giẹn ọnrẹn uan ne ọ wu.”

Gẹnẹsis 38:24 ပူးပေါင်းရင်းမြစ်များ

Gẹnẹsis 20:3

Vbe asọn ọkpa, Osanobua keghi rhie egbe ma rẹn vbe imina, ọ wẹẹ, “Odẹ uwu ọre u gbẹn na, rhunmwuda okhuo ne u rhie re owa ọdọ ọre ọ ye.”

Gẹnẹsis 20:7

Sokpan, banbanna na nian, rhie okhuo nii werriegbe gie ọdọ ẹre. Akhasẹ rẹn khin, ọ gha na erhunmwu nuẹn ne u ghẹ wu. Sokpan, a deghẹ u ma rhie ẹre nẹẹn, I tama ruẹn yotọ nian wẹ te u wu, ke uwẹ kevbe ẹgbẹe ruẹ hia.”

Gẹnẹsis 20:9

Abimẹlẹk ke tie Ebraham, ọ nọ rẹn wẹẹ, “Vbua na ru ima vbenian hẹ yi? De emwi dan ne I ru ẹre ne u na si emwi dan nọkhua na ye imẹ vbe otọe arriọba mwẹ egbe? A i ghẹ ru ọre u ru mwẹ re na.

Gẹnẹsis 34:31

Sokpan iran wanniẹn wẹẹ, “Ma i ra kue ne a ru ọtẹn ima emwi oya.”

Gẹnẹsis 38:23

E Juda wanniẹn wẹẹ, “Gie ẹe da avbe emwi na yi, agbọn gha ta ima giẹ. I te mu ovbi ẹwe na giẹe nẹ wẹ ọ re ọ ma miọẹn.”

II Samuẹl 12:5

Ohu ọmwa nọ fe nii keghi kakabọ mu e Devid, ọ na kha wẹẹ, “I ya Osanobua ne ọ rrọọ vẹn ihẹn wẹ ọmwa ne ọ ru emwi na, te ọ kere ne ọ wu!

II Samuẹl 12:7

E Natan keghi tama e Devid wẹẹ, “Wẹ ọ re nene ọmwa. Vbene e Nọyaẹnmwa Osanobua ọghe Izrẹl khare ọ re ọna khin: ‘Mẹ ọ re ọ maa ọba Izrẹl, I keghi miẹn ruẹn fan hin obọ e Sọl rre.

Asan-Ibo 7:26

I keghi miẹn emwiọkpa ne ọ rriara sẹẹ uwu — ọnii ọ re okhuo. Ahoẹmwọmwa ne ọ ra mwẹ ghe ruẹ sẹtin wa mu ẹn zẹ vbe ifi ra ọga, obọ ne ọ ya kinnọ ọn ghi gba a mwẹ zẹ vbe eghan. Ọmwa ne ọ ru emwi ne ọ yẹ Osanobua sẹtin lẹfe vbọ, sokpan te obọ ẹre gba ọmworukhọ.

Jerimaia 2:20

E Nọyaẹnmwa ne Udazi khare wẹẹ, “Izrẹl, ọ kpẹre ne uwa ghi he asẹ mwẹ yotọ wa he ne uwa họn ẹmwẹ mẹ ra ne uwa ga mwẹ wa keghi ya gha gho avbe ẹbọ emwiokọ, vbe uhunmwu oke kevbe ototọ erhan ni mwẹ ebe hia.

Jerimaia 3:1

E Nọyaẹnmwa khare wẹẹ, “Ọmwa gha khu amwẹ ọnrẹn nẹ, ọ na kpao sẹ ọe rae, ọ na ya rọnmwẹ okpia ọvbehe, okpia nii i ghi dọlegbe rhie ẹre ọvbehe. Emwi vberriọ gha si awua ye otọe sokpan, ẹ i re avbiẹ ọse wa he zẹlẹ, wa keghi vbe ho na ne uwa dọlegbe bu mwẹ gha dee.

Jerimaia 3:6

Ẹghẹ ne Josaia na gha re ọba, e Nọyaẹnmwa keghi tama mwẹ wẹẹ, “Wẹ miẹn emwi ne Izrẹl ne okhuo ne ọ ma guobọ ọdọ ru nian. Ọ fi iyeke gbe mwẹ nẹ, ọ keghi ya gha do ẹki ebabotu vbe uhunmwu oke ni yo hia kevbe ototọ avbe erhan ni mwẹ ebe ni bii.

Jerimaia 3:8

Aro e Juda vbe sẹ ọe wẹ I khu Izrẹl ne, I na wẹ ne ọ gha rrie rhunmwuda ọ fi iyeke gbe mwẹ, ọ na ya gha gbe ebabotu, sokpan, e Juda ne okhuo ne ọ ma guobọ ọdọ ne ọtẹn Izrẹl, ohan ma vbe mu ẹẹn. Rẹn na wa vbe khian ebabotu,

Ezikiẹl 16:15

“Sokpan, ẹmwẹ ose ruẹ keghi la ruẹ uhunmwu sẹrriọ wẹ okpia ne ọ ghi wa rre hia ọ re u kue na.

Ezikiẹl 16:25

U ya ose ruẹ kpolo ọrho, te uwa gha kue ne emwa hia ni rre, edẹgbedẹgbe ọ re u ya gha guẹ iwinna igberagia yọ.

Ezikiẹl 16:26

Emwa ẹdogbo ruẹ ne ọ fifi ẹre egbe ighe ivbi Igipt, u ke vbe gie iran guẹ ru emwi, u keghi ye igberagia ne u gbe gha ya ohu mu mwẹ.

Ezikiẹl 16:28

Rhunmwuda ighe ẹko iran nekpa ma vuọn ọn, u keghi vbe kpe lele ivbi Asiria. U ke gha re igberagia iran sokpan, iran ma sẹtin sẹ uẹ ọkẹn.

Ezikiẹl 16:41

Iran gha gien owa ruẹ sẹ otọ, iran ghi vbe gie avbe ikhuo do gha bi ghe oya ne a rri ọ re. I gha da ruẹ obọ igberagia ne u gbe yi, I ghi vbe ru ẹe ne u ghẹ ghi ya emwi ne avbe egbakhian ruẹn.

Ezikiẹl 23:19

Ọ keghi wa dọlegbe khian ebabotu, ọ na wa gha do egbe ẹki ne ọ gha do ẹghẹ ne ọ na re ọvbokhan okhuo vbe Igipt.

Ezikiẹl 23:44

Kugba kẹghẹre ọ re iran ya gha yo ọghe ebabotu na. Iran keghi dọlegbe bu Ohola kevbe Oholiba avbe ikhuo ni kẹkẹ ua nii.

Ezikiẹl 23:5

A gha rhe miẹn wẹ ọghomwẹ nọ, Ohola ne ọ rrọ keghi ye gha gbe ebabotu, ẹmwẹ avbe ọse ne ọ zẹẹ ye Asiria kegha ru ẹre ne rriorriorrio.

Hozia 3:3

I keghi tama rẹn wẹ, ẹghẹ ne ọ taẹn o re ọ gha ya diakhẹ mwẹ vbene ẹi na gbe ebabotu ra ne ọ vbe gha ghẹ. Vbe uwu ẹghẹ ne a kha na, mẹ gha vbe diakhẹ ọre.

Hozia 4:15

“A gha rhe miẹn wẹ wa ne ivbi Izrẹl ma guobọ mwẹ, a i gha miẹn egbọre vbe obọ e Juda. Wa ghẹ ghi ga vbe Bẹtẹl ra Gilgal ra ne uwa ye gha ya eni e Nọyaẹnmwa ne ọ rrọ yan eyan vbe evba.

Levitikọs 20:10

Omwa gha gu amwẹ ovbi Izrẹl ru oghẹ, a ghi gbele irẹn vbe okhuo nii uan.

Levitikọs 21:9

Ovbi ohẹn gha khian ebabotu, te ọ fa erha ẹe rua, a ghi ya erhẹn giẹn ọnrẹn uan ne ọ wu.

Ebe ne Pọl gbẹẹn gie emwa Rom 14:22

Rhunmwuda ọnii vbene uwẹ a rhirhi roro ẹmwẹ na yi, giẹe gha rre ẹkpo uwẹ vbe Osanobua.

Diuteronomi 24:16

“A ghẹ gbe evbibiẹ emọ ye orukhọ ne ivbi iran ru, erriọ, a ghẹ vbe gbele emọ ye orukhọ ne evbibiẹ iran ru, orukhọ ne ọmwa ru ọkpa ọre a gha gbe ẹe yi.

Giọgis 19:2

Sokpan ohu ẹre keghi mu okhuo nii, ọ re ọ na werriegbe gha rrie owa erha ẹe vbe e Bẹtlẹhẹm. Ọ keghi gbe uki enẹ vbe odọ.