Gẹnẹsis 38:2 - Edo Bible (E Baibol Ẹdo) Version 1996

² E Juda keghi miẹn ọmọ okhuo ovbi Kenan ọkpa ne a tie erha ẹe Siua. Ọ keghi rhie ẹre rọnmwẹ.

Gẹnẹsis 38:2 ပူးပေါင်းရင်းမြစ်များ

Gẹnẹsis 24:3

I ho ne u vẹn ihẹn ya yan ma mwẹ vbe odaro Nọyaẹnmwa ne ọre Osanobua ọghe ẹrinmwi kevbe agbọn wẹẹ, u i ra rhie okhuo ne ovbi mwẹ vbe Kenan ẹvbo ne I ye na.

Gẹnẹsis 28:1

Aizik keghi tie Jekọb, ọ ghi tuọe O nẹ, ọ tama rẹn wẹẹ, “Ghẹ rhie okhuo ne ovbi e Kenan.

Gẹnẹsis 3:6

Okhuo nii keghi miẹn vbene erhan nii ma egbe hẹ, kevbe ne ọmọ rẹn vbe rhie aro re hẹ, kevbe wẹ emwi esi gha nọ adeghẹ ọmwa waan. Ẹre ọ na rhie vbe ọmọ erhan nii, ọ na rri ọe. Ọ keghi rhie ne ọdọ ẹre vbọ, rẹn keghi vbe rri ọe.

Gẹnẹsis 34:2

Ugbẹn vbe Siẹkẹm ne ovbi Hamọ ne ọmwa Hivi, ne ọre enogie otọe nii ghi bẹghe ẹre, ọ na siẹe ọ na ya ẹtin guẹ ẹe ru emwi ọdọ vbe amwẹ.

Gẹnẹsis 46:12

Ivbi e Juda kegha re, Siẹla, Pẹrẹs kevbe Zẹra (sokpan Kenan ọ re Eri kevbe Onan na wulo). Ivbi e Pẹrẹs kegha re Hẹzrọn kevbe Hamul.

Gẹnẹsis 6:2

Eso vbe avbe iran ni rre ẹrinmwi, keghi miẹn wẹ avbe ikhuo na wa mose ẹsẹse, ẹre iran na viọ ni yẹ iran vbọ rọnmwẹ.

Gẹnẹsis 6:4

Vbe ẹghẹ ne a kha na kevbe iyeke ẹghẹ nii, avbe arhuanran ne ikhuo nii kevbe avbe ẹrinmwi nii biẹlẹe kegha rre agbọn. Iran nii ọre ọ gha re avbe ọkhae ni hin usi ọghe ẹkpo nẹdẹ.

II Samuẹl 11:2

Ẹdẹ ọkpa, vbe ẹdẹ ghi ye egbe rrie odẹ ẹdogbota nẹ, e Devid keghi kpaegbe vbe ovbe avan ne ọ vbiẹre, ọ keghi hin egedege ẹguae. Ọ kegha hẹko khian lẹga vbe odukhunmwu nii, evba ọ re ọ na ya bẹghe okhuo ne ọ khuẹ. Okhuo na keghi wa mose ẹsẹse.

I Krọnikol 2:3

E Juda kegha mwẹ emọ Isẹn, amwẹ ọnrẹn ighẹ Batsua ne ovbi e Kenan, keghi biẹlẹ emọ eha ne ẹẹn, ena ọre Ẹr, Onan kevbe Siẹla. Ẹr ne ovbi ẹre ne okpia ne ọdiọn keghi rhia sẹrriọ wẹ e Nọyaẹnmwa na gbe ẹe rua.

Nọmbas 26:19

Ẹwae ọghe Juda (eva vbe uwu ivbi e Juda Er kevbe Onan wulo nẹ vbe otọ Kenan): uniẹn ọghe Siẹla, Pẹrẹs, Zẹra, Hẹzrọn kevbe Hamul.

II Kọrinti 6:14

Wa ghẹ gha gu iran nimayayi winna kugbe, vbene a miẹn wẹ ọkpa wa khin, rhunmwuda, ẹ i gie a ru. Vbe emwi ne ọ gbae kevbe ne ọ ma gba khian sẹtin gba gha si egbe obọ khian hẹ yi? Vbe uwanmwẹ vbe ebiebi khian gba die ihọkpa ya hẹ yi?

Giọgis 14:2

Rẹn keghi dọlegbe gha rrie owa, ọ na tama erha ẹe kevbe iye ẹe wẹẹ, “I ye aro ba ọmọ okhuo e Filistia ọkpa vbe Timna, wa rhie ẹre mẹ, I ho ne I rhie ẹre rọnmwẹ.”

Giọgis 16:1

Ẹdẹ ikẹtin e Samsin keghi ke evba kpao gha rrie Gaza, ọ keghi miẹn ebabotu ọkpa vbe evba, ọ na gu ẹe ru emwi ọdọ vbe amwẹ.