Gẹnẹsis 38:19 - Edo Bible (E Baibol Ẹdo) Version 1996

¹⁹ E Tama keghi guakpao, ọ na gha rrie. Ọ keghi ban ukpọn ne ọ mu gue aro hin, ọ keghi dọlegbe viọ ukpọn ẹgbẹe ye egbe.

Gẹnẹsis 38:19 ပူးပေါင်းရင်းမြစ်များ

Gẹnẹsis 38:14

Ẹre ọ na fi ukpọn ẹgbẹe ne ọ te yọ werriẹ, ọ keghi ye ukhiọnfọ gue aro, ọ na tota ye onurho Enaim ne ẹvbo ne a la gberra ye Timna. Rẹn rẹnrẹn wẹ Siẹla ne ovbi Juda ne okiekie wan nẹ ẹghẹ na, sokpan a ma ye rhie irẹn gie ẹe rhie rọnmwẹ.

Gẹnẹsis 38:18

Rẹn keghi nọ rẹn wẹẹ, “De emwi ne I gha rhie nuẹn dayi yi?” Okhuo nii wanniẹn wẹẹ, “Ẹgba iyama ruẹn kevbe okun ne a de ẹre yi, kevbe ọkpọ ne u rhie mwẹ.” Rẹn keghi viọ iran ne okhuo nii. Iran keghi miẹn egbe, okhuo nii na gha hanmwa.

Gẹnẹsis 38:20

E Juda keghi gie ọsiọre ke Adulam gha khian ne ọ ya miẹn emwi ne okhuo nii dayi viọ rre, sokpan ọ ma miẹn nene okhuo.

II Samuẹl 14:2

Rhunmwuda ọnii, e Joab keghi gie ne a tie okhuo ne umẹwaẹn ọkpa ne ọ rre Tẹkoa wẹ ne ọ bu irẹn gha dee. Ọ keghi tama okhuo nii wẹẹ, “Ba ru vbene a miẹn wẹ akhiẹ ọ re u ye, viọ ukpọn akhiẹ ye egbe, ghẹ vbe salọ eto ruẹ. U ghi ru zẹ vbe okhuo ne ọ kpẹre ne ọ kegha khiẹ.

II Samuẹl 14:5

Ọ na nọ rẹn wẹẹ, “Vbe u a ho ne I ru nuẹn yi?” Rẹn keghi wanniẹn wẹẹ, “Okhuo ne ọ de ẹgbẹe ọre I khin, enọwanrẹn. Ọdafẹn mwẹ wu nẹ.