Gẹnẹsis 38:17 - Edo Bible (E Baibol Ẹdo) Version 1996

¹⁷ Rẹn keghi wanniẹn wẹẹ, “I gha mu ovbi ẹwe ke uwu oghẹn ẹwe mwẹ gue.” Okhuo nii keghi wanniẹn wẹẹ, “Ọ ma vberriọ a deghẹ u gha rhie emwi mẹ dayi u te mu nene ẹwe rre.”

Gẹnẹsis 38:17 ပူးပေါင်းရင်းမြစ်များ

Gẹnẹsis 38:16

Rẹn keghi bu ẹre gha rrie ọkpẹn odẹ, ọ tama rẹn wẹẹ, “Larre, inu igho u miẹn ọmwa re yi?” (Ọ ma rẹn wẹ amwẹ ovbi ẹre nọ.) Rẹn ke nọ rẹn wẹẹ, “Vbu a ra rhie mẹ?”

Gẹnẹsis 38:18

Rẹn keghi nọ rẹn wẹẹ, “De emwi ne I gha rhie nuẹn dayi yi?” Okhuo nii wanniẹn wẹẹ, “Ẹgba iyama ruẹn kevbe okun ne a de ẹre yi, kevbe ọkpọ ne u rhie mwẹ.” Rẹn keghi viọ iran ne okhuo nii. Iran keghi miẹn egbe, okhuo nii na gha hanmwa.

Gẹnẹsis 38:20

E Juda keghi gie ọsiọre ke Adulam gha khian ne ọ ya miẹn emwi ne okhuo nii dayi viọ rre, sokpan ọ ma miẹn nene okhuo.

Itan 20:16

Ọmwa ne ọ ghi kọn sẹrriọ ne ọ na kha ighe rẹn gha mu osa ọrriọvbe hae, te ọ kere ne a viọ ẹre emwi dayi vbe ọ te do ha ẹre.

Ezikiẹl 16:33

Te a ha osa ne igberagia, sokpan te uwẹ gha viọ emwi gie avbe egbakhian ruẹn, u na zẹ igho ya rinmwian iran ne iran gha ke ehe hia rre do gha guẹ ru emwi.

Iyẹn ne ọ Maan Ọghe Luk 16:8

Arowa ọdia ẹkẹ vbe iwẹnwẹn na keghi tian rẹn ye ogie ẹwaẹn ne ọ wan rẹn na rhunmwuda, emwa ne agbọn ye ogiẹwaẹn ye obọ mu iwinna iran ẹse sẹ iran ne ivbi uwanmwẹ.”

Giọgis 15:1

Ọ ghi kpẹe fua kherhe, vbe ọ sẹ ẹghẹ ne a ya fian ọka, e Samsin keghi ya tue amwẹ ọnrẹn, ọ keghi mu ovbi ewe gie ẹe. Rẹn keghi tama erha amwẹ ọnrẹn wẹẹ, “I ho ne I gha rrie ughugha ọvbokhan mwẹ.” Sokpan ọ ma gie ẹe gha khian.