Gẹnẹsis 38:14 - Edo Bible (E Baibol Ẹdo) Version 1996

¹⁴ Ẹre ọ na fi ukpọn ẹgbẹe ne ọ te yọ werriẹ, ọ keghi ye ukhiọnfọ gue aro, ọ na tota ye onurho Enaim ne ẹvbo ne a la gberra ye Timna. Rẹn rẹnrẹn wẹ Siẹla ne ovbi Juda ne okiekie wan nẹ ẹghẹ na, sokpan a ma ye rhie irẹn gie ẹe rhie rọnmwẹ.

Gẹnẹsis 38:14 ပူးပေါင်းရင်းမြစ်များ

Gẹnẹsis 24:65

Ọ na nọ ọguọmwadia nii wẹẹ, “Gha ọna khin ne ore ne ọ bu ima de na?” Ọguọmwadia nii keghi wanniẹn wẹẹ, “Arowa mwẹ nọ.” Rẹn keghi rhie ugbaleto, ọna rhie gue aro ẹre.

Gẹnẹsis 38:15

Ugbẹn vbe Juda ghi miẹn ọẹn, rẹn ke te gha ro ighẹ ebabotu nọ, rhunmwuda ne ọ na rhie ugbaleto gue aro.

Gẹnẹsis 38:19

E Tama keghi guakpao, ọ na gha rrie. Ọ keghi ban ukpọn ne ọ mu gue aro hin, ọ keghi dọlegbe viọ ukpọn ẹgbẹe ye egbe.

Gẹnẹsis 38:26

E Juda keghi ye iran rre, ọ na wẹẹ, “Ẹmwata ọre ọ tae, mẹ ọre ọ ba emwi ku ru. Te ọ te kei ne I rhie ẹre ne Siẹla ne ovbi mwẹ ne ọ rọnmwẹ ọẹn.” Ọ ma ghi dọlegbe guẹe ru emwi ọvbehe.

Itan 7:10

Ẹre okhuo na na do dekun ẹnrẹn, okhuo na keghi mu egbe vbe igberagia, ọ kegha kun emwi okhian yotọ.

Itan 7:12

ra ne ọ mudia ye ẹkhokho okpa vbe adesẹ ore, ra vbe ẹki.

Jerimaia 3:2

Wa tọn aro mu ya ghe avbe uhunmwu oke. Ihọkpa rrọọ ra ne uwa ma na he ka do ẹki ebabotu yi? Wa ghi gha mudia khẹ emwa ne uwa zẹ ọre ọse vbe ọkpẹn odẹ zẹ vbene Igabari diakhẹ emwa ni gha defi iran obọ vbe ato. Wa keghi ya ẹki ebabotu ne uwa do mu awua ye avbe otọe nii.

Ezikiẹl 16:25

U ya ose ruẹ kpolo ọrho, te uwa gha kue ne emwa hia ni rre, edẹgbedẹgbe ọ re u ya gha guẹ iwinna igberagia yọ.