Gẹnẹsis 38:10 - Edo Bible (E Baibol Ẹdo) Version 1996

¹⁰ Emwi ne ọ ru keghi sọnnọ Nọyaẹnmwa, E Nọyaẹnmwa na vbe gbe ẹe rua.

Gẹnẹsis 38:10 ပူးပေါင်းရင်းမြစ်များ

Gẹnẹsis 46:12

Ivbi e Juda kegha re, Siẹla, Pẹrẹs kevbe Zẹra (sokpan Kenan ọ re Eri kevbe Onan na wulo). Ivbi e Pẹrẹs kegha re Hẹzrọn kevbe Hamul.

II Samuẹl 11:27

Ẹghẹ akhiẹ ghi gberra nẹ, e Devid keghi ya rhie ẹre gha die ẹguae. Okhuo nii na khian amwẹ ọnrẹn, ọ keghi biẹ ọmọ okpia ọkpa ne ẹẹn, sokpan ẹko e Nọyaẹnmwa ma rhiẹnrhiẹn ye emwi ne Devid ru na.

I Ọba 17:20

Ọ keghi ya urhu ne ọ la na erhunmwu wẹẹ, “E Nọyaẹnmwa Osanobua mwẹ, vbe u a ghi na ru okhuo ẹgbẹe na emwi ne ọ mu ohan vbe nian hẹ yi. Ọ fu ẹko sẹrriọ ne ọ na gha koko mwẹ, eban nian, u gbe ẹre ọmọ okpia.”

I Krọnikol 2:3

E Juda kegha mwẹ emọ Isẹn, amwẹ ọnrẹn ighẹ Batsua ne ovbi e Kenan, keghi biẹlẹ emọ eha ne ẹẹn, ena ọre Ẹr, Onan kevbe Siẹla. Ẹr ne ovbi ẹre ne okpia ne ọdiọn keghi rhia sẹrriọ wẹ e Nọyaẹnmwa na gbe ẹe rua.

I Krọnikol 21:7

Emwi ne a ru keghi sọnnọ Osanobua, ọ na rhunmwuda ọnii rri ivbi Izrẹl oya.

Itan 14:32

Emwi dan ne emwa dan ru ọ re iran ya gbe egbe iran; sokpan uyinmwẹ ekhọe esi ọ re ẹmwata ya da egbe yi.

Itan 24:18

E Nọyaẹnmwa gha rẹn adeghẹ te u giẹ ọe, ẹ i ra yẹ ọre. U gha ghe, ẹ i ra vbe rri ọre oya.

Jerimaia 44:4

I kegha giee avbe eguọmwadia mwẹ ighe avbe akhasẹ gie uwa, iran na vbe gha tama uwa ne uwa ghẹ gha ru avbe emwi dan na ne ẹ i yẹ mwẹ.

Hagai 1:13

Ẹre Hagai na ta uhunmwu ne Nọyaẹnmwa gie ma emwa nii wẹẹ, “I gha gu uwa gha rrọọ, eyan ne I yan rẹn ọ re ọnii khin.”

Nọmbas 11:1

Emwa nii keghi suẹn gha zuyọn ma e Nọyaẹnmwa vbe ekpa emwi ni ruan iran, ugbẹn vbe Nọyaẹnmwa ghi họn, ohu mu ẹẹn, ọ na gie erhẹn la uwu ẹbu iran ọ kegha giẹn vbe uwu ẹbu iran, ọ na rhia obọ ọkpa rua vbe agọ nii.

Nọmbas 22:34

E Balam wanniẹn wẹẹ, “I rukhọ nẹ, I ma na rẹn ighẹ te u gba ye odẹ khẹ mwẹ, sokpan banbanna nian, u gha roro ẹe ighẹ ọ ma kei ne I gha khian, I gha dọlegbe gha rrie owa.”

Nọmbas 26:19

Ẹwae ọghe Juda (eva vbe uwu ivbi e Juda Er kevbe Onan wulo nẹ vbe otọ Kenan): uniẹn ọghe Siẹla, Pẹrẹs, Zẹra, Hẹzrọn kevbe Hamul.

I Samuẹl 2:25

Ọmwa gha ba emwi ku ru ghe ọmwa ọvbehe, Osanobua sẹtin degue ẹre, sokpan de ọmwa ne ọ ra degue ọmwa ne ọ ba emwi ku ru ghe Osanobua?” Sokpan, iran ma zẹ ye erha iran re, rhunmwuda, Osanobua ta ẹe nẹ wẹ te irẹn ra fuẹn iran uan.