Gẹnẹsis 37:9 - Edo Bible (E Baibol Ẹdo) Version 1996

⁹ E Josẹf kevbe mina ọvbehe, ọ na vbe tae ma etiọnrẹn wẹẹ, “I vbe mina imina ọvbehe, I keghi miẹn owẹn, uki kevbe orhọnmwẹ owọrọ vbe iran ya uhunmwu rhanmwẹ otọ mẹ.”

Gẹnẹsis 37:9 ပူးပေါင်းရင်းမြစ်များ

Gẹnẹsis 20:3

Vbe asọn ọkpa, Osanobua keghi rhie egbe ma rẹn vbe imina, ọ wẹẹ, “Odẹ uwu ọre u gbẹn na, rhunmwuda okhuo ne u rhie re owa ọdọ ọre ọ ye.”

Gẹnẹsis 37:10

Ọ keghi vbe ta imina rẹn ma erha ẹe kevbe etiọnrẹn nikpia, erha ẹe na gha guẹe gui wẹ vbe ọ ni khun imina ne u minaẹn? Te uwẹ ro ighẹ iyuẹ kevbe imẹ kevbe etuẹn nikpia wẹ ma gha rre do gha ya uhunmwu rhanmwẹ otọ ne uwẹ?

Gẹnẹsis 37:7

Ma hia kegha rre ugbo, ma na gha gbalọ ọka irhuarhua ikun ikun, ọghomwẹ keghi kpaegbe mudia kpasi, ikun ọghe uwa na tẹn lẹga ẹre, iran ya uhunmwu rhanmwẹ otọ ne ọghomwẹ.”

Gẹnẹsis 37:8

Etiọnrẹn keghi nọrẹn wẹẹ, “Te uwẹ ro ighẹ u gha rri ọba yan ima ra?” Iran keghi dọlegbe kakabọ gha mu ohu ẹre rhunmwuda ẹmwẹ ne ọ tae vbe kpa iran kevbe imina rẹn.

Gẹnẹsis 41:25

E Josẹf keghi tama ọba wẹẹ, “Emwiọkpa ọre a ya imina eveva na kha. Te Osanobua tama ruẹn emwi ne irẹn khian ru.

Gẹnẹsis 41:32

Ne a na miẹn wẹ igbaeva ọre u minaẹn, ọba, rhiema wẹ Osanobua mwamwa ẹn nẹ kevbe wẹ, ọ gha giẹe sunu vbe ọ ma he kpẹe wan.

Gẹnẹsis 42:6

Zẹvbe enọkhaemwisẹ yan Igipt, e Josẹf ghi rre, iran keghi viọ ẹko rhu otọ vbe odaro ẹre.

Gẹnẹsis 43:26

Ugbẹn vbe Josẹf ghi sẹ owa, iran keghi viọ emwi ihaoko nii bu ẹre la owa, iran keghi mu ẹko rhu otọ nẹẹn.

Gẹnẹsis 43:28

Iran wanniẹn wẹẹ, “Erhamwa ne Ọguọmwadia ruẹ ne ọ mu egbe rriotọ, wa ye rre agbọn, egbe rran rẹn.” Iran keghi diguẹ ya uhunmwu rhanmwẹ otọ nẹẹn.

Gẹnẹsis 44:14

Ugbẹn vbe Juda kevbe etiọnrẹn ghi sẹ owa e Josẹf, te ọ he ye rre evba. Iran keghi vbẹrre nẹ.

Gẹnẹsis 44:19

Enọwanrẹn, wẹ ọ re ọ nọ ima wẹẹ, ‘Wa ye mwẹ erha ra ọtẹn nokpia ra?’

Gẹnẹsis 45:9

Banbanna nian, wa zẹgiẹgiẹ bu erha mwẹ gha khian ya tama rẹn wẹẹ, “E Josẹf ne ovbuẹ khare wẹẹ, ‘Osanobua ya mwẹ ru nọkhaemwisẹ yan Igipt hia; ne ọ zẹgiẹgiẹ bu mwẹ gha dee.

Gẹnẹsis 46:29

e Josẹf keghi wẹ ne a mu ikẹkẹ okhuae gie irẹn ọ na gha rrie Gosiẹn ne ọ ya vba erha ẹe ighẹ Izrẹl. Ugbẹn vbe ọ ghi wa miọẹn, ọ gbae ginna egbe, ọ keghi viẹ kpẹe vbotọ ẹsẹse vbene ọ ya gbae ginna egbe nii.

Gẹnẹsis 47:12

E Josẹf keghi gha rhie evbare ne erha ẹe, kevbe avbe etiọnrẹn kevbe emwa erha ẹe hia ya sẹ egbe iran ni kanmwa sẹ.

Daniẹl 8:10

Ọ wegbe sẹrriọ wẹ ọ keghi sẹtin gha gu ivbiyokuo ẹrinmwi gbinna, avbe orhọnmwẹ tobọ iran, ọ keghi munọ eso gbotọ vbọ, ọ na ye owẹ rrilo iran ginna otọ.

Nọmbas 12:6

E Nọyaẹnmwa keghi kha wẹẹ, “Banbanna nian, danmwehọ ẹmwẹ ne I ra ta. A gha miẹn ighẹ akhasẹ rre uwu uwa, mẹ ghi rhie egbe mwẹ ma rẹn vbe umian, I ghi vbe gu iran guan vbe imina.

Filipai 2:15

Ne uwa sẹtin gha re ne ẹ i mwẹ abe kevbe ne ọ huanrẹn, zẹ vbe ivbi Osanobua ne ọ gba na fo vbe agbọn ọ kẹkẹe kevbe ẹwobi emwa na. Wa gha fi wainwain vbe uwu ẹbu iran zẹ vbe orhọnmwẹ ne ọ rhie uwanmwẹ ne iso, zẹ vbene uwa na ta ẹmwẹ arrọọ ma iran.