Gẹnẹsis 37:7 - Edo Bible (E Baibol Ẹdo) Version 1996

⁷ Ma hia kegha rre ugbo, ma na gha gbalọ ọka irhuarhua ikun ikun, ọghomwẹ keghi kpaegbe mudia kpasi, ikun ọghe uwa na tẹn lẹga ẹre, iran ya uhunmwu rhanmwẹ otọ ne ọghomwẹ.”

Gẹnẹsis 37:7 ပူးပေါင်းရင်းမြစ်များ

Gẹnẹsis 27:29

Te iyaẹvbo nibun gha khian eguọmwadia ruẹ, ne emwa gha hie uhunmwu rre nuẹn. Te u gha khian arowa avbe etuẹn, ne uniẹn ivbi iyuẹ gha vbokho uhunmwu rre nuẹn. Ihẹn ọghe iran ni rhovbiọọ afiangbe ọghe iran ni fiangbuẹ.”

Gẹnẹsis 37:6

Ọ Wẹẹ, “Wa danmwehọ imina ne I minaẹn.

Gẹnẹsis 42:6

Zẹvbe enọkhaemwisẹ yan Igipt, e Josẹf ghi rre, iran keghi viọ ẹko rhu otọ vbe odaro ẹre.

Gẹnẹsis 42:9

Ọ keghi ye imina ne irẹn minaẹn vbe ekpa iran rre, ọ na kha wẹẹ, “Ọrhẹ wa khin, te uwa do ghe ehe ne ọ gha rọkhọ ne uwa na dekun ẹvbo mwa.”

Gẹnẹsis 43:26

Ugbẹn vbe Josẹf ghi sẹ owa, iran keghi viọ emwi ihaoko nii bu ẹre la owa, iran keghi mu ẹko rhu otọ nẹẹn.

Gẹnẹsis 43:28

Iran wanniẹn wẹẹ, “Erhamwa ne Ọguọmwadia ruẹ ne ọ mu egbe rriotọ, wa ye rre agbọn, egbe rran rẹn.” Iran keghi diguẹ ya uhunmwu rhanmwẹ otọ nẹẹn.

Gẹnẹsis 44:14

Ugbẹn vbe Juda kevbe etiọnrẹn ghi sẹ owa e Josẹf, te ọ he ye rre evba. Iran keghi vbẹrre nẹ.

Gẹnẹsis 44:18

E Juda keghi bu e Josẹf gha khian ọ keghi wẹẹ, “Lahọ enọwanrẹn, gun mwẹ fanmwegbua guẹ guan. Ghẹ gunmwẹ gui enọwanrẹn, te uwẹ wa yevbe ọba tobọ ẹre,

Gẹnẹsis 44:19

Enọwanrẹn, wẹ ọ re ọ nọ ima wẹẹ, ‘Wa ye mwẹ erha ra ọtẹn nokpia ra?’

Gẹnẹsis 50:18

Etiọnrẹn tobọ ẹre keghi rre, iran keghi vbokho egbe rriotọ nẹẹn, iran wẹẹ, “Banbanna nian, ghe ima vbe odaro ruẹ zẹ vbe eviẹn ruẹn.”

Filipai 2:10

Wẹ, ne a ya gha ya ọghọ ne eni Jesu, emwi hia ni rre ẹrinmwi, ni rre agbọn kevbe ni rre ototọ agbọn. Te ehia gha de iguẹ.

Kọlose 1:18

Rẹn ọrọre uhunmwu ra arowa esọsi ẹre, ne ọ re ikinnegbe ẹre, obọ ẹre ọre arrọọ ne ikinnegbe nii mwẹ, ke rre, rẹn ọrọre Ọmọdiọn ne a huẹn kpaegbe vbe orinmwi, ne a miẹn ehe na miẹn wẹ, rẹn ọre ọ rre ukpo ne okaro vbe uwu emwi hia.