Gẹnẹsis 37:4 - Edo Bible (E Baibol Ẹdo) Version 1996

⁴ Ugbẹn vbe etiọnrẹn ghi miẹn wẹ erha iran ho ẹmwẹ Josẹf sẹẹ vbene ọ ho ẹmwẹ iran, iran kegha muohu ọtẹn iran sẹrriọ wẹ iran i ghi guẹe ku hiehiere.

Gẹnẹsis 37:4 ပူးပေါင်းရင်းမြစ်များ

Gẹnẹsis 27:41

Ẹko Jekọb kegha khọ Isọ rhunmwuda ne erha ẹe na rhie afiangbe ẹnrẹn nẹẹn, ọ na rorẹe wẹẹ, “Ẹghẹ ne a gha ya khiẹ uwu erha mwẹ sotọ fo nẹ, ọ gha gbe rra nẹ I ghi gbe Jekọb rua.”

Gẹnẹsis 37:11

Etẹn Josẹf nikpia kegha guẹe mu ohu sokpan erha ẹe kegha rria ẹmwẹ nii hia vbe ekhọe.

Gẹnẹsis 37:5

Ẹghẹ ọkpa, e Josẹf keghi mina, ọ na tae ma etiọnrẹn. Iran keghi dọlegbe kakabọ gha mu ohu ẹre.

Gẹnẹsis 4:5

Sokpan ọ ma rhan obọ miẹn Keni ke ese ẹre. Okuosu ke rrie Keni, aro ẹre ke khọrhiọ uan vbe uhunmwu ne ohu.

Gẹnẹsis 49:23

Avbe eghian rẹn lelẹe vbọ ọghe edan iran ye uhanbọ kevbe ifẹnmwẹ iran khuẹe

Psalm 38:19

Egbe rran avbe eghian mwẹ iran vbe wegbe, iran ni khuiwu mwẹ vbe nẹi na mwẹ otọ wa bun.

Psalm 69:4

Iran ni khuiwu mwẹ vbe ne a i na mwẹ otọ bun sẹ eto ne uhunmwu mwẹ. Avbe eghian mwẹ mu ohoghe ba mwẹ, iran wegbe, iran kevbe ho ne iran gbe mwẹ uan. Iran mu mwẹ gha ha osa emwi ne I ma rhie.

Jerimaia 12:6

Uhin ighe avbe etuẹn nikpia, emwa ẹgbẹe ruẹ rhie ruẹ ma, iran rhie obọ ba okhọn ne a gu uẹ khọn. Ghẹ mu ẹtin yan iran, ọ gha khọn iran ne iran gha ta ẹmwẹ ose.”

Iyẹn ne ọ Maan Ọghe Mak 3:25

A deghẹ ẹgbẹe ọkpa vbe fian egbe ye otu otu gha gu egbe khọn, te ẹgbẹe nii ra zagha a.

Taitọs 3:3

Rhunmwuda ẹghẹ ọkpa rrọọ ne ima tobọ ima na te vbe kọn, a i họn ẹmwẹ, a keghi vbe ba emwi ku ru. Orriarria kevbe emwi ni rhiẹnrhiẹn ughughan keghi mu ima oghunmwu. A ke gha lo ẹdẹ mwa hia vbe uwu ikhọẹko, kevbe oya ọmwa da ọmwa, emwa eso kegha khu iwu mwa, ma keghi vbe gha khọ ẹko iran.

I Jọn 2:11

Sokpan ọmwa nọ khu iwu ọtiọnrẹn, uwu ebiebi ọre ọ ye, uwu ẹre ọre ọ na khian, ọ ma vbe rẹn ehe ne irẹn rrie, rhunmwuda ebiebi rhu ẹre aro nẹ.

I Jọn 3:10

Ọnọna ọrọre alughaẹn ne egbe ne aro dae, ne ọ rre ẹkpo ivbi Osanobua kevbe ivbi Esu. Ọmwaikọmwa ne ẹ i ru emwi ne ọ gbae, ra ne ẹ i ho ẹmwẹ etiọnrẹn, ẹ i re ovbi Osanobua.

I Jọn 3:12

Ọ ma kei ne ima gha ye vbe Ken. Ọghe Ọmwa Dan ni rẹn khin, ọ keghi gbe ọtiọnrẹn ne okpia ua. Vbọzẹ ne Ken na gbe ẹe rua yi? Rhunmwuda ighẹ emwi ne irẹn ru ma gba, sokpan emwi ne ọtiọnrẹn ru keghi re ne ọ gbae.

I Jọn 4:20

Adeghẹ ọmwa ọkpa khare wẹ, “Mẹ ho ẹmwẹ Osanobua,” ọ na gha khuiwu ọtiọnrẹn, ọhọn ohoghe nọ, rhunmwuda adeghẹ ọ ma ho ẹmwẹ ọtiọnrẹn ne ọ dẹghe, ẹ i ra sẹtin ho ẹmwẹ Osanobua ne irẹn i dẹghe.

I Samuẹl 17:28

Eliab ne ọtẹn e Devid ne ọdiọn keghi họn vbe ọ gu emwa nii guan. Ohu ẹre keghi mu ẹẹn, ọ na tama rẹn wẹẹ, “Vbe u a ru vbe emwa na yi? De ọmwa ne u sẹ avbe ohuan ni rae na vbe uwu oha yi? U ghe ẹre ighẹ gie aro mwẹ sẹ! Ghe ẹhi ẹre, okuo ọ re ọ rre do ghe!”