Gẹnẹsis 37:35 - Edo Bible (E Baibol Ẹdo) Version 1996

³⁵ Ivbi ẹre nikpia kevbe nikhuo hia keghi rre do gha fu ẹre ẹko rre, sokpan ọ he ne a fu irẹn ẹko rre, ọ wẹẹ, “Te I ra khiẹ ovbi mwẹ I te ya wu.” Rhunmwuda ọnii, ọ na gha khiẹ ovbi ẹre ighẹ Josẹf.

Gẹnẹsis 37:35 ပူးပေါင်းရင်းမြစ်များ

Gẹnẹsis 31:43

E Leban keghi wanniẹn tama e Jekọb wẹẹ, “Emọ ikhuo na, mẹ ọ yan iran, ivbi iran, mẹ ọ yan iran, oghẹn ohuan, mẹ ọ yan iran. Emwi ne a bẹghe na hia, mẹ ọ yan iran hia. Sokpan, banbanna nian, emwi ne I gha sẹtin ru ne I viọ ivbi mwẹ ẹ i rrọọ.

Gẹnẹsis 35:29

vbe ọ wu. Ọ keghi yaba emwa rẹn ni wulo nẹ vbe ọ wa khian ọ maẹn nẹ. Isọ kevbe Jekọb ne ivbiẹre keghi re ẹre.

Gẹnẹsis 42:31

Ma keghi tama rẹn wẹẹ, ‘Emwa ẹmwata ma khin ighẹ ẹ i re ọrhẹ;

Gẹnẹsis 42:38

Sokpan e Jekọb wanniẹn wẹẹ, “Ovbi mwẹ i lele uwa rae, ọtiọnrẹn nokpia wu nẹ, rẹn ọkpa kẹkan ọre ọ ghi kẹe. Iran sẹtin gbe ẹe rua vbe odẹ, I khian ọmaẹn gbe nẹ ne ọ gha sẹtin ziengbe akhiẹ ne uwa gha si yọ mwẹ egbe, ọnii ọre I lele rrie.”

Gẹnẹsis 45:28

Ọ keghi kha wẹẹ, “Ọ na sẹe, Josẹf ne ovbi mwẹ ye rre agbọn! I gha ya miẹn ọẹn vbe I te wu.”

Gẹnẹsis 48:11

E Jekọb keghi tama e Josẹf wẹẹ, “Mẹ ma te kha ighẹ I gha ye miẹn uwẹ aro ọvbehe, sokpan, wanwanna nian, te Osanobua ghi vbe gunmwẹ bẹghe ivbuẹ.”

II Samuẹl 12:17

Avbe ekhaẹmwẹ ọnrẹn ghi bu ẹre ya gha tama rẹn wẹ ne ọ kpao vbe otọ, sokpan, ọ hee, ọ ma vbe rri emwi rhọkpa.

II Samuẹl 12:23

Sokpan, ugbẹn vbe a ghi miẹn wẹ ọ wu nian, de emwi ne I gha he evbare ba? I gha sẹtin rhie ọmọ nii ke ẹrinmwi rre ra? Ẹdẹ ọkpa, mẹ gha bu ẹre gha rrie ehe ne irẹn ye, sokpan rẹn i ghi sẹtin dọlegbe bu imẹ gha de ọvbehe.”

II Samuẹl 19:1

Iran keghi do tama e Joab wẹ e Devid gha viẹ, ọ vbe khiẹ ovbi ẹre ighẹ Absalọm.

I Krọnikol 7:22

Ifreim ne erha iran keghi ye ikpẹdẹ ni bun khiẹ iran, etiọnrẹn ne ikpia keghi gha fu ẹre ẹko rre.

Job 2:11

Eha vbe uwu avbe se ne Job mwẹ keghi re, Ẹlifaz ne ovbi ẹvbo ne a tie ẹre Tẹman, e Bildad ne ovbi e Siua kevbe Zofa ne ovbi e Naama. Iran ghi họn vbene emwi ba so e Job hẹẹ, iran na wẹ iran ra ya fu ẹre ẹko rre.

Psalm 77:2

Vbe ẹghẹ ọlọghọmwa I na erhunmwu ghe Nọyaẹnmwa, vbe asọn biiri I keghi viọ obọ mwẹ da odukhunmwu gha na erhunmwu. Sokpan, egbe ma ye rọkhọ mwẹ.

Psalm 77:3

I ghẹ ghi mu ẹmwẹ Osanobua roro, I ghi gbe igunma, I ghẹ ghi rria ẹre vbe ekhọe mwẹ, ẹtin ghi fo mwẹ.

Asan-Ibo 9:10

Mu aro ye iwinna ne u a rhirhi a gha winna rhunmwuda, a gha rrie a i wua nẹ, a i ghi ru emwi rhọkpa, iro i ghi rrọ, irẹnmwi i ghi rrọ, ẹwaẹn i ghi rrọ, ehe ne uwẹ rrie ọ re onii khin.

Jerimaia 31:15

E Nọyaẹnmwa khare wẹẹ, “A họọn urhu okpa vbe Rama, urhu eve orriara. E Rekiẹl gha viẹ avbe ivbi ẹre i iran rrie, ọ ma ghi kue ne a bọ irẹn.