Gẹnẹsis 37:34 - Edo Bible (E Baibol Ẹdo) Version 1996

³⁴ E Jekọb keghi sọ ẹwu ye egbe ẹre ẹkun, ọ na mu ukpọn nekhui rhuan zẹ vbe orhiema akhiẹ, ọ keghi ya ẹdẹ nibun khiẹ ovbi ẹre.

Gẹnẹsis 37:34 ပူးပေါင်းရင်းမြစ်များ

Gẹnẹsis 37:29

Ugbẹn vbe Riubẹn ghi dọlegbe sẹ uhae nii, vbe ọ ghi miẹn wẹ Josẹf i ghi rre evba, ọ keghi sọ ẹwu ye egbe ẹre ẹkun zẹ vbe orhiema ọghe akhiẹ.

Gẹnẹsis 42:38

Sokpan e Jekọb wanniẹn wẹẹ, “Ovbi mwẹ i lele uwa rae, ọtiọnrẹn nokpia wu nẹ, rẹn ọkpa kẹkan ọre ọ ghi kẹe. Iran sẹtin gbe ẹe rua vbe odẹ, I khian ọmaẹn gbe nẹ ne ọ gha sẹtin ziengbe akhiẹ ne uwa gha si yọ mwẹ egbe, ọnii ọre I lele rrie.”

Gẹnẹsis 44:13

Etiọnrẹn keghi ye akhiẹ valọ ukpọn ye egbe iran ẹkun, iran na kun ihẹ yan ekẹtẹkẹtẹ iran fi ọdelegbe gha di ore ẹvbo.

II Samuẹl 1:11

E Devid keghi ye akhiẹ sọ ukpọn rẹn uan, emwa rẹn hia keghi vbe sọ ọghe iran an.

II Samuẹl 3:31

Ẹre Devid na wẹ ne Joab kevbe emwa rẹn sọ ukpọn iran uan, ne iran viọ ukpọn akhiẹ rhuan, ne iran khiẹ Abna. Ugbẹn vbe iran ghi re ẹre, e Devid ne ọba tobọ ẹre keghi ya owẹ khian lele ẹkpẹti orinmwi ẹnrẹn.

I Ọba 20:31

Emwa rẹn keghi bu ẹre gha khian, iran tama rẹn wẹẹ, “Ma họẹn wẹ emwa itohan ọ re avbe ọba Izrẹl khin. Rhie asẹ ne ima, ne ima viọ ukpọn akhiẹ rhuan, ne a vbe rilo irri ye urhu bu ọba Izrẹl gha khian, u gha ghe, ọ gha zẹ ima obọ.”

I Ọba 21:27

Elaija ghi guan fo nẹ, Ehab keghi sọ ukpọn irẹn uan, ọ keghi kie ẹre viọ kua, ọ na viọ ukpọn akhiẹ yọ. Ọ ma ghi rri evbare, ọ keghi ya ukpọn akhiẹ vbiẹ, ọ kegha khian huẹẹ, vbe ọmwa ne akhiẹ gbe fi otọ.

II Ọba 19:1

E Hẹzekaia ne ọba ghi wa họn iyẹn ne iran naẹn, ọ keghi ye akhiẹ sọ ukpọn irẹn uan, ọ keghi yọ ukpọn akhiẹ, ọ na gha rrie Ọgua Osa e Nọyaẹnmwa.

II Ọba 2:12

Elaisia bẹghe ẹre, ọ na datu tie Elaija wẹẹ, “Erha mwẹ, erha mwẹ! Ọwogbe ne ọ gbinna ne Izrẹl! U rriei!” Ọ ma ghi dọlegbe miẹn Elaija ọvbehe. Elaisia keghi ye akhiẹ sọ agbada ẹwu ẹre ye ihe eva.

II Ọba 22:11

Ọba ghi họn ebe ne a tie re na, egbe keghi wọ ẹre, ọ na sọ ukpọn rẹn uan.

I Krọnikol 21:16

E Devid keghi bẹghe vbe odibo Osa na mudia ye ideghedeghe keẹe kevbe umozo vbe obọ, ọ mu egbe ne ọ dunmwu e Jerusalẹm sẹ otọ. Ẹre Devid kevbe avbe olotu emwa nii ne a miẹn wẹ ukpọn akhiẹ ọ re iran hia viọ rhuan, iran hia keghi vbokho uhunmwu rriotọ, vbene ugbaro iran na dekan otọ.

I Krọnikol 7:22

Ifreim ne erha iran keghi ye ikpẹdẹ ni bun khiẹ iran, etiọnrẹn ne ikpia keghi gha fu ẹre ẹko rre.

Nehimaia 9:1

Vbe ikpẹdẹ ne ọ ya gba vbe enẹyan ugie vbe uki ọkpa nii, avbe ivbi Izrẹl keghi si egbe koko ne iran do ye aguẹ ya khiẹ ye orukhọ iran. Iran keghi wannegbe iran hin uwu ẹbu avbe ọrriọvbe rre nẹ, iran keghi rhuan ukpọn akhiẹ iran na zẹ ekẹn ye uhunmwu zẹ vbe ama akhiẹ. Iyeke ọnii, iran keghi kpaegbe mudia gha miẹn orukhọ ne iran kevbe avbe erha iran odede ru kue.

Job 1:20

Ọre Job na guakpaegbe, ọ keghi ya akhiẹ sọ ukpọn ye egbe ẹre ẹkun. Ọ khiokhio eto, ọ na de mu aro rhu otọ.

Job 16:15

“I kegha khiẹ, I na gha rhuan ukpọn ne a ya ẹkpo ivin do. I tota ye ebubẹ zẹ vbe ọmwa ne a gbe fua.

Job 2:12

Urria iran he ye vbe iran bẹghe Job sokpan iran ma ghi rẹn ọnrẹn. Ẹghẹ ne iran ghi ya rẹn ọnrẹn, iran keghi gbe akhe eve ua, iran na yanghan ukpọn ye egbe iran ẹkun, iran na gha zẹ ebubẹ fi, iran na gha kpolo ye uhunmwu.

Psalm 69:11

I viọ ukpọn akhiẹ ye egbe, iran na vbe gha giẹ mwẹ.

Aizaia 32:11

Uwu ọrọkhọrhọ ọ re uwa ye dee usin, vbe ne a i na mwẹ oyanghan, sokpan, banbanna nian, wa gie ohan ya uwa gha guọ zẹzẹzẹ, wa bannọ ukpọn uwa kua, ne uwa viọ osọnmwẹ ukpọn rhuan.

Aizaia 36:22

Ẹre Eliaikim, Siebna kevbe Joa na yanghan ukpọn iran an, iran na ya tama Hẹzekaia, ẹmwẹ ne avbe ivbiyokuo Asiria tae.

Jerimaia 36:24

Sokpan ke ọba kevbe avbe ekhaẹmwẹ ọnrẹn ne ọ họn ẹmwẹ na hia, ọkpa ne ohan vbe mu, ra ne ọ vbe rhie ma wẹ ọ da iran ẹ i rrọọ.

Jerimaia 48:37

Iran hia khiokhio eto mu otọ iran keghi vbe gbẹn ẹtu iran. Iran valọ obọ iran, edọmwadẹ ọghọe keghi vbe rhuan ukpọn akhiẹ.

Joẹl 2:13

“Wa gie orhiọn ne ọ ma sẹ uwa otọ rhie ma vbene uwa khiẹ sẹ hẹẹ, ukpọn ne a sọ ye egbe ọmwa ẹkun, ma zẹdẹ sẹ.” Wa dọlegbe bu e Nọyaẹnmwa ne Osanobua uwa gha dee, ọ mwẹ ekhọe agiẹngiẹn, ọ vbe vuọn ne itohan, ọ mwẹ izin egbe, ọ vbe mu eyan ne ọ yanrẹn sẹ, ọ mu egbe ne ọ ya bọ vbe ẹghẹ hia, ẹ i re ne ọ gha rri emwa oya.

Matiu 11:21

“Ọ suẹ Korazin! Ọ suẹ Bẹtsaida! Akpawẹ te a winna iwinna ọyunnuan ne a winnaẹn vbe uwu uwa vbe Taia kevbe Saidọn, ẹ i re eban iran ghẹ ghi viọ osọnmwẹ ukpọn ye egbe, zẹ emuẹn yan uhunmwu ne iran ya rhie ma ighe iran zobọ vbe orukhọ ne iran te ru.

Matiu 26:65

Ugbẹn vbe Ogie Ohẹn ghi họn ọna, ọ sọ ukpọn rẹn uan. Ọ wẹẹ, “Ọ rhoro, ma i ghi vbe gualọ osẹe ọvbehe. Wa tobọ uwa họn ẹmwẹ dan ne ọ guan rẹn.

Iwinna 14:14

Ugbẹn vbe Banabas kevbe Pọl ghi họn emwi ne iran ra do ru, iran keghi yanghan ukpọn iran an, iran keghi rhulẹ la uwu ẹbu nii, iran kegha goo wẹẹ,

Jọsua 7:6

E Jọsua kevbe avbe ekaolotu keghi ye akhiẹ sọ ukpọn rẹn uan, ọna de mu aro rhu otọ vbe odaro Ẹkpẹti Ile ọghe Nọyaẹnmwa. Avbe ọkaolotu Izrẹl keghi gu ẹe lovbiẹ ye evba ya sẹ ota. Iran na zẹ ebubẹ ye uhunmwu ne iran ya rhie akhiẹ iran maa.

Arhie Maan 11:3

Mẹ gha gie avbe osẹe mwẹ eva, ni yọ ukpọn ẹkpo ivin, iran ghi vbe ya gha kpe orhu ẹmwẹ Osanobua vbe uwu ikpẹdẹ iyeha yan uri yan arriaisẹn nii (1,260).”

Giọgis 11:35

Rẹn keghi bẹghe ẹre, ọ keghi ye akhiẹ yanghan ukpọn ye egbe ẹre urhu, ọ na kha wẹẹ, “Eu, ovbi mwẹ! U kpan mwẹ udu nẹ, vbe a ghi na miẹn hẹ ighẹ wẹ ọ re ọ do si obalọ vbenian yọ mwẹ egbe. I ye ekhọe hia yan ma e Nọyaẹnmwa nẹ, ẹ i mwẹ I ma mu ẹẹn sẹ.”