Gẹnẹsis 37:27 - Edo Bible (E Baibol Ẹdo) Version 1996

²⁷ Wa gie ima khiẹn ọẹn ne emwa Ismẹl na. A deghẹ ma ruẹe vberriọ ma i ra kuan ẹnrẹn egbe hiehiere, vbene ọ rhirhi gha ye hẹ, ọtẹn ima nọ, egbe kevbe esagiẹn ọkpa.” Etiọnrẹn keghi kue yọ.

Gẹnẹsis 37:27 ပူးပေါင်းရင်းမြစ်များ

Gẹnẹsis 29:14

E Leban keghi tama rẹn wẹẹ, “Erriọ nọ vbe ẹmwata ma i zẹdẹ re ehiyo.” E Jekọb keghi tota vbe evba la uki ọkpa.

Gẹnẹsis 37:22

Wa ghẹ gbe ẹe rua, wa hẹko muẹn fi uwu uhae na vbe uwu oha, sokpan wa ghẹ kuan ẹnrẹn egbe hiehiere.” Ọ ke tae vberriọ vbene ọ na te zọe vbe iro wẹ ne irẹn miẹn rẹn fan ne ọ rhie ẹre werriegbe bu erha ẹe.

Gẹnẹsis 42:21

Iran keghi gu egbe iran guan wẹẹ, “Emwi ne ima ru ọtẹn mwa re i maa. Aro ima sọe vbene obọ dae sẹ hẹ vbe ẹghẹ ne ọ na gha rinmwian ima ne a lahọ vbe egbe irẹn, sokpan ma ma danmwehọ ẹre. Ọnii ọ re ọ si ọlọghọmwa na ye ima egbe.”

Gẹnẹsis 50:20

Te uwa te si uma ne uwa ru mwẹ emwi dan, sokpan Osanobua keghi fiẹe werriẹ yae khian emwi esi, ne ọ miẹn ehe na sinmwi emwa nibun ye agbọn, emwa na miẹn wẹ, ọnii ọ zẹe ne iran na rre agbọn ẹre na.

II Samuẹl 12:9

Vbọzẹ ne u na rra uhi mwẹ? Vbọzẹ ne u na ru emwi dan na. U wẹ ne iran gbe Uraia rua vbe okuo, u gie iran ne ivbi Amọn gbe ẹe rua. Iyeke ọnii, u keghi rhie amwẹ ọnrẹn.

Nehimaia 5:5

Ivbi agbọn ẹvbo ọkpa ọ re ima vbe avbe Ju ne ihomwa gba khin. Vbene ivbi iran maa sẹ ọ re ivbi ima vbe maa sẹ. Sokpan te ima ya ivbi ima ru ọviẹn. A khiẹnnẹ eso vbe uwu ivbi ima nikhuo eviẹn nẹ. Ọghe ima fo rhunmwuda, a miẹn ima ugbo kevbe ogba azara mwa.”

Nehimaia 5:8

I tama iran wẹẹ, “Te ima hia vbene ẹtin mwa sẹe, ne a ya gha dẹlẹ iran werriegbe ighẹ avbe Ju ni khiẹnnẹ egbe iran eviẹn ne avbe orhunmwuyẹn, wanwanna nian, te uwa ghi sua avbe etẹn uwa ne iran gha khiẹnnẹ egbe iran ne uwa ne Ju ne ihua iran.” Avbe ọkaolotu nii keghi hunwan kpọi, iran ma miẹn ẹmwẹ ta.

Ẹksọdọs 21:16

“Omwa ne ọ ya ẹtin mu ọmwa ọvbehe, ọre ne ọ mu ẹn ye ima nọ ra ne ọ ya khiẹn ọẹn, te a gha gbe ẹe rua.

Ẹksọdọs 21:21

Sokpan, a deghẹ ọviẹn ye ya ikpẹdẹ ọkpa ra eva vbe agbọn, a i ghi rri arowa ẹre oya. Emwi obọ ẹre ne ọ rhiae nii sẹ ẹe.

Matiu 16:26

De ere ne ọ rrọọ ne ọmwa adeghẹ agbọn na hia sẹ ọre obọ vbene ọ na mu orhiọn rẹn fua? Ẹ i mwẹ esa hiehie. Emwi ọkpa i rrọọ ne ọmwa gha ya sẹtin dẹ orhiọn irẹn werriegbe.

Matiu 26:15

Ọ tama iran wẹẹ, “I gha rhie Jesu ye uwa obọ, de emwi ne uwa gha rhie mẹ?” Iran keghi ka agiẹghẹ igho ẹrọnmwọ ọgban hẹ ye orre obọ.

I Timoti 1:10

Iran ni gbe alama oghẹ, iran ne ẹmwẹ oghẹ khian ẹre ọvbehe, iran ni do ọmwa mu, iran ni ta ohoghe, ra ni ta emwi ne aro iran ma sẹ, ra ni ru emwikemwi ne ọ lughaẹn ne iruẹmwi ẹmwata nii.

Arhie Maan 18:13

Kevbe sinamọn, kevbe oziza, eturari, oziya, ori ne ọ winhin ẹsẹse, ayọn kevbe ofigbọn, ẹlubọ kevbe ọka, emwi irri kevbe avbe ohuan, ẹsin kevbe ikẹkẹ okhuae, avbe eviẹn kevbe orhiọn emwa ne agbọn ne aregbe.

I Samuẹl 18:17

Ẹre Sọl na tama e Devid wẹẹ, “Ghe Mẹrab ne ovbi mwẹ nokhuo ne ọdiọn, u gha ga mwẹ zẹ vbe ovbiyokuo ne ọ din kevbe ne a gba ẹko ẹre, u na vbe gha khọn avbe okuo e Nọyaẹnmwa, I gha rhie ẹre nuẹn rhie rọnmwẹ.” (E Sọl keghi te gha ro wẹ erriọ ọ re obọ ivbi e Filistin gha na vba e Devid ya gbe ua, ne irẹn ghẹ tobọ irẹn ru ẹe.)