Gẹnẹsis 37:26 - Edo Bible (E Baibol Ẹdo) Version 1996

²⁶ E Judah keghi tama etiọnrẹn wẹẹ, “De ere ne ima ra re vbọ a deghẹ ma gbe ọtẹn ima an vbe ne a ma na rẹn?

Gẹnẹsis 37:26 ပူးပေါင်းရင်းမြစ်များ

Gẹnẹsis 25:32

Isọ keghi wanniẹn wẹẹ, “Ọ maa! Te I ra wu na, de emwi ne ọdiọn ra khian mẹ?”

Gẹnẹsis 37:20

Wa larre ne I ma gbe ẹe rua ne a mu ikun ẹnrẹn fi ọkpa vbe uwu avbe uhae na, ma sẹtin kha wẹ aranmwẹ akọn ọre ọ gbe ẹe re. Ma ghi ghe vbe ne imina rẹn ghẹ ghi ya sẹ hẹ.”

Gẹnẹsis 4:10

E Nọyaẹnmwa ke kha wẹẹ, “Vbọzẹ ne u na ru emwi ne ọ muohan na yi? Esagiẹn ọtuẹn wa tu ma mwẹ ke uwe otọ gha dee zẹ vbe urhu ne ọ ho ne a rria ikhi.

Gẹnẹsis 4:9

Nọyaẹnmwa ke nọ e Keni wẹẹ, “Ọtuẹn nokpia ighẹ Ebẹl vbo?” Rẹn ke wanniẹn wẹẹ, “I ma rẹn. Mẹ ọre a wẹ ne ọ gha gbearoghe ọtẹn mwẹ ra?”

Gẹnẹsis 40:15

Ne I guẹ rẹn nian wẹ te a do mwẹ mu vbe ẹvbo emwa Hibru, kevbe emwa na vbe Igipt I ma ru emwi rhọkpa ne a rhunmwuda ẹre mu mwẹ fi eghan na.”

Gẹnẹsis 42:21

Iran keghi gu egbe iran guan wẹẹ, “Emwi ne ima ru ọtẹn mwa re i maa. Aro ima sọe vbene obọ dae sẹ hẹ vbe ẹghẹ ne ọ na gha rinmwian ima ne a lahọ vbe egbe irẹn, sokpan ma ma danmwehọ ẹre. Ọnii ọ re ọ si ọlọghọmwa na ye ima egbe.”

Gẹnẹsis 50:20

Te uwa te si uma ne uwa ru mwẹ emwi dan, sokpan Osanobua keghi fiẹe werriẹ yae khian emwi esi, ne ọ miẹn ehe na sinmwi emwa nibun ye agbọn, emwa na miẹn wẹ, ọnii ọ zẹe ne iran na rre agbọn ẹre na.

II Samuẹl 1:16

E Devid keghi tama ovbi Amalẹk nii wẹẹ, “Obọ ruẹ ọ re u ya si emwi ne ọ rruan ruẹn, ẹghẹ ne u na ya unu ruẹn miẹnkue ighẹ u gbe ọba ne Nọyaẹnmwa tobọ ẹre zẹ ne ọ gha re ọba rua, ọ re u na bu ohiẹn uwu gbe egbe uẹ.”

Job 16:18

“Ẹ o, otọ agbọn, wa ghẹ gbe gue emwi ne a baku ru ghe mwẹ. Wa ghẹ giẹ a gbe eta rhu ibuohiẹn ẹmwata ne I tu tie.

Psalm 30:9

“De ere ne ọ rrọ nuẹn deghẹ I wu? De ere ne ọ rrọ deghẹ I la idin? Avbe orinmwi vbe sẹtin rho ruẹ ra? Iran gha sẹtin mu itohan ruẹn ne ẹi fira go ra?

Jerimaia 36:25

A gha rhe miẹn wẹ Elnatan, Delaia kevbe Gemaraia te rinmwian ọba wẹ ne ọ ghẹ giẹn ọnrẹn uan, ọ ma zẹye iran ẹre.

Jerimaia 41:8

Sokpan, arhin erẹnrẹn vbe uwu iran, keghi tama Ismaẹl wẹẹ, “Lahọ, ghẹ gbele ima an, ma mwẹ ọka, ọka irhuarhua kevbe ofigbọn ne ima viọ lẹre ye uwu oha.” Ẹre ọ na sẹ iran rae.

Ezikiẹl 24:7

Iran de izigha vbe adesẹ ore ẹvbo, sokpan, iran ma gbe esagiẹn ọnrẹn ye ehe ne ebubẹ gha na degue ẹre, iran keghi wa gbe ẹe yan okuta ne ọ kpe yotọ.

Matiu 16:26

De ere ne ọ rrọọ ne ọmwa adeghẹ agbọn na hia sẹ ọre obọ vbene ọ na mu orhiọn rẹn fua? Ẹ i mwẹ esa hiehie. Emwi ọkpa i rrọọ ne ọmwa gha ya sẹtin dẹ orhiọn irẹn werriegbe.

Ebe ne Pọl gbẹẹn gie emwa Rom 6:21

Sokpan, de ere ne uwa ghi miẹn re vbe ne uwa na gha ru avbe emwi ni ne ekhue ẹre ghi mu uwa ẹghẹ na? Uwu ọre ọ ke avbe emwi ni ikian.

Diuteronomi 17:8

“U gha ghe a ghi miẹn ẹzọ eso ne ọ wegbe sẹ ọmwa ne ọ bu ohiẹn ọghe ẹvbo nii ẹi mwẹ emwi ne ọ re ọghe ọmwa, ra ẹmwẹ ikuan egbe ye, ẹmwẹ nii laghe vbene izigha ra izigha ọyẹvbu ye. Ọ gha ye vberriọ, wa ghi gha rrie ihe ọkpa ni ne a na ga ni ne Nọyaẹnmwa ne Osanobua uwa zẹe.