Gẹnẹsis 37:20 - Edo Bible (E Baibol Ẹdo) Version 1996

²⁰ Wa larre ne I ma gbe ẹe rua ne a mu ikun ẹnrẹn fi ọkpa vbe uwu avbe uhae na, ma sẹtin kha wẹ aranmwẹ akọn ọre ọ gbe ẹe re. Ma ghi ghe vbe ne imina rẹn ghẹ ghi ya sẹ hẹ.”

Gẹnẹsis 37:20 ပူးပေါင်းရင်းမြစ်များ

Gẹnẹsis 37:19

Iran gu egbe tae wẹẹ, “Ghe vbe ọ dee ighẹ ọmini imina nii.

Gẹnẹsis 37:26

E Judah keghi tama etiọnrẹn wẹẹ, “De ere ne ima ra re vbọ a deghẹ ma gbe ọtẹn ima an vbe ne a ma na rẹn?

Gẹnẹsis 37:32

Iran keghi rhie ẹwu ni gie erha iran. Iran wẹẹ, “Ghe emwi ọkpa ne ima miẹn, ghe ẹre ghe a deghẹ ọghe ovbuẹ nokpia nọ?”

Gẹnẹsis 37:33

Ugbẹn vbe irẹn ghi miẹn ọẹn nẹ, ọ wẹẹ, “Ẹn, ẹre ọna khin, aranmwẹ akọn gbe ẹe rua nẹ. Iran yanghan Josẹf kua nẹ!”

Gẹnẹsis 45:3

E Josẹf keghi tama etiọnrẹn wẹẹ, “Mẹ ne Josẹf ọna khin, Erha mwẹ ye rre agbọn ra?” Sokpan ohan mu avbe etiọnrẹn sẹrriọ wẹ iran ma sẹtin rhie ewanniẹn nẹẹn vbe iran họn ẹmwẹ na.

I Ọba 13:24

rẹn na hin ẹnrẹn kpao. Ọ ghi sẹ odẹ, oduma keghi miẹn ọẹn, ọ na gbe ẹe rua. Ikun rẹn kegha rre adesẹ odẹ ekẹtẹkẹtẹ kevbe oduma ni keghi mudia kẹẹ.

II Ọba 2:24

Elaisia keghi fi egbe werriẹ, ọ ghe iran, ọ keghi ya eni e Nọyaẹnmwa rhovbiẹ iran. Ẹre akpakomiza amwẹ eva na ladian vbe uwu oha, iran na yanghan eva yan iyeva vbe uwu ibiẹka ikpia nii.

Psalm 64:5

Iran ghi gha yi egbe ike vbe uma dan ne iran si, iran ghi gha si uma ehe ne iran gha rhuẹ ifi iran yi. Iran ghi gha kha wẹẹ, “Ọmwarhọkpa i miẹn iran.”

Itan 1:10

Ovbi mwẹ, avbe emwa orukhọ gha rẹrẹ uẹ, ghẹ kue yọ.

Itan 1:16

Iran i sẹtin ziengbe ne iran ghẹ ru emwi dan. Iran wa mu egbe vbe ehe hia ne iran de izigha.

Itan 10:18

Ọmwa ne ọ rhie ohu ọmwa mu ọmwa lẹre, ọhọn ohoghe nọ. Ọmwa ne ọ wewe ewẹwẹwẹ khian, akpa nọ.

Itan 27:4

Emwi dan ne ọ rhia emwi ọ re ohu khin, sokpan a i zẹdẹ yae gie igbọvo hiehiere.

Itan 28:13

U gha gbe gue orukhọ ruẹ, agbọn i maa ruẹn ẹdẹ, miẹn iran kue ne u vbe zobọ vbọ, Osanobua gha tohan ruẹn.

Aizaia 28:15

Wa gha rhuọ wẹ wa gu uwu koo ẹmwẹ nẹ, wa kevbe gu agbọn iran ni wulo nẹ koo ọta, wa keghi gba mu ẹẹn kọ ye efọnkpa. Aro uwa wa vbe dae wẹ, ẹghẹ ne ọfuan gha na rre, ọ gha fi uwa yi, rhunmwuda, wa mu ẹtin yan ohoghe kevbe erẹrẹ ne ọ miẹn uwa fan.

Iyẹn ne ọ Maan Ọghe Jọn 3:12

I ta ẹmwẹ emwi ni rre agbọn na ma ruẹn u ma yayi, vbe u ra na sẹtin yayi hẹ a deghẹ I ta ẹmwẹ emwi ni re ọghe ẹrinmwi ma ruẹn.

Taitọs 3:3

Rhunmwuda ẹghẹ ọkpa rrọọ ne ima tobọ ima na te vbe kọn, a i họn ẹmwẹ, a keghi vbe ba emwi ku ru. Orriarria kevbe emwi ni rhiẹnrhiẹn ughughan keghi mu ima oghunmwu. A ke gha lo ẹdẹ mwa hia vbe uwu ikhọẹko, kevbe oya ọmwa da ọmwa, emwa eso kegha khu iwu mwa, ma keghi vbe gha khọ ẹko iran.

I Samuẹl 24:20

Banbanna nian, aro mwẹ dae nẹ wẹ u gha rriọba vbe Izrẹl kevbe wẹ arriọba na gha wa gha rre obọ ruẹ khian.

I Samuẹl 26:2

Ẹre Sọl na wa zẹgiẹgiẹ viọ arriaisẹn eha vbe avbe ivbiyokuo ni guẹ igbinna sẹ vbe Izrẹl ne ọ ya gualọ e Devid vbe ẹgbo e Zif.