Gẹnẹsis 37:18 - Edo Bible (E Baibol Ẹdo) Version 1996

¹⁸ Iran keghi bẹghe ẹre vbe urria, vbe ọ ma he sẹ ehe ne iran ye, iran na khuan khẹ ọre ne iran gbẹe rua.

Gẹnẹsis 37:18 ပူးပေါင်းရင်းမြစ်များ

Gẹnẹsis 27:41

Ẹko Jekọb kegha khọ Isọ rhunmwuda ne erha ẹe na rhie afiangbe ẹnrẹn nẹẹn, ọ na rorẹe wẹẹ, “Ẹghẹ ne a gha ya khiẹ uwu erha mwẹ sotọ fo nẹ, ọ gha gbe rra nẹ I ghi gbe Jekọb rua.”

Gẹnẹsis 37:19

Iran gu egbe tae wẹẹ, “Ghe vbe ọ dee ighẹ ọmini imina nii.

Gẹnẹsis 50:15

Ugbẹn vbe erha iran ghi wu nẹ, etẹn e Josẹf keghi kha wẹẹ, “A deghẹ te ohu ima ye mu e Josẹf vbo, ọ na wẹ rẹn ra rria ikhi ye emwi dan ne ima ru ẹre re?”

Gẹnẹsis 50:20

Te uwa te si uma ne uwa ru mwẹ emwi dan, sokpan Osanobua keghi fiẹe werriẹ yae khian emwi esi, ne ọ miẹn ehe na sinmwi emwa nibun ye agbọn, emwa na miẹn wẹ, ọnii ọ zẹe ne iran na rre agbọn ẹre na.

Psalm 105:25

Ọ gie ivbi Igipt gha khuiwu emwa rẹn, ọ kegha mu eguọmwadia ẹre rẹrẹ.

Psalm 109:4

Iran ghi gha solo mwẹ owẹ, egbe ne a rhe ya miẹn wẹ, mẹ ho ẹmwẹ iran.

Psalm 31:13

I họn ewẹwẹwẹ, ne avbe eghian mwẹ ta; iran wa khuan khẹ mwẹ iran gha si uma ne iran gbe mwẹ uan.

Psalm 31:14

Sokpan, Nọyaẹnmwa, wẹ ọ re I mu ẹtin yan. Wẹ ọrọre Osanobua mwẹ,

Psalm 37:12

Ọmwa dan khuan khẹ ọmwa esi ọ kevbe ye ikhuiwu gha ghe ẹre kọn-ọn.

Psalm 37:32

Ọmwa dan ghi gha baba ọmwa esi, ọ ghi gha hia ne ọ gbẹe rua.

Psalm 94:21

Iran ni khuan khẹ emwa ẹmwata, ni bu abe uwu gbe ọmwa ne ọ ma rri abe.

Matiu 21:38

Sokpan iran ni rre ugbo nii ghi wa bẹghe ovbi ẹre na, iran keghi wa si uma wẹẹ, ‘Ghe ovbi enọyan ugbo, wa larre ne a gbe ẹe rua ne emwi ẹnrẹn khian ọghọmwa.’

Matiu 27:1

Vbe owiẹ vbirrivbirri, avbe igie ohẹn hia kevbe avbe ediọn avbe Ju keghi ya si uma ne iran gbe Jesu ua.

Iyẹn ne ọ Maan Ọghe Mak 12:7

Sokpan iran ni gbe aro ghe ugbo ni keghi kha wẹẹ, ‘Wa ghe ovbi ne ọ yan ugbo, wa gia gbe ẹe rua ne ugbo khian ọghomwa.’

Iyẹn ne ọ Maan Ọghe Mak 14:1

Ikpẹdẹ eha ọre ọ ghi kẹe ne a suẹn Emwiukpo Alagberra kevbe Eka Ne ọ ma hue. Avbe igie ohẹn kevbe avbe iran ni ma emwa Uhi kegha gualọ vbene iran gha ya do mu Jesu hẹ ne iran gbe ẹe rua.

Iyẹn ne ọ Maan Ọghe Jọn 11:53

Rhunmwuda ọnii, ke ẹdẹ ne ẹdẹrriọ kpao, avbe ọdakha avbe Ju keghi si uma wẹ ne iran gbe Jesu ua.

Iwinna 23:12

Vbe owiẹ ikpẹdẹ ne ọ lele ẹe, iran keghi si uma. Iran keghi vẹn ihẹn wẹ iran i ra re iran i ra da rhinrin iran te do gbe Pọl rua.

I Samuẹl 19:1

E Sọl keghi tama e Jonatan ne ovbi ẹre kevbe avbe ivbiyokuo ẹre wẹ rẹn ho ne irẹn gbe Devid rua, sokpan, e Jonatan kegha ho ẹmwẹ e Devid ẹsẹse.