Gẹnẹsis 37:12 - Edo Bible (E Baibol Ẹdo) Version 1996

¹² Etẹn e Josẹf nikpia kegha rrie Siẹkẹm ne iran ya gha gbearoghe ohuan erha iran.

Gẹnẹsis 37:12 ပူးပေါင်းရင်းမြစ်များ

Gẹnẹsis 33:18

E Jekọb keghi sẹ Siẹkẹm vbe otọ Kenan hẹnnẹdẹn vbe ọ ghi dọlegbe ke Mẹsopotamia rre. Ọ keghi bu agọ ẹre ye uwu oha vbe odaro ẹvbo nii.

Gẹnẹsis 37:1

E Jekọb keghi ye gha rre otọe Kenan eke ne erha ẹe vbe gha ye.

Gẹnẹsis 37:11

Etẹn Josẹf nikpia kegha guẹe mu ohu sokpan erha ẹe kegha rria ẹmwẹ nii hia vbe ekhọe.

Gẹnẹsis 37:13

E Jekọb keghi tama e Josẹf wẹẹ, “Etuẹn gha gbearoghe avbe oghẹn ohuan vbe Siẹkẹm. Mu egbe, I ra do giọ bu iran.” E Josẹf keghi wanniẹn wẹẹ, “I mu egbe.”

Gẹnẹsis 46:34

Wa ghi khama rẹn wẹẹ, ‘Enọwanrẹn aranmwẹ ọre ima rri ke ẹghẹ ọvbokhan mwa gha de zẹ vbe ne avbe erha mwa vbe gha ru.’ Erriọ ọre uwa gha na ya di odẹ Gosiẹn ya.” Emwi ne ọ yae ta ọna ọrọre wẹ emwa Igipt i ho ẹmwẹ avbe ọsuohuan.

Jerimaia 41:5

Arhin iyenẹ keghi ke Siẹkẹm rre, kevbe Silo kevbe Sameria iran zẹlẹ ẹtu iran, iran keghi sọlọ ukpọn iran, iran vbe ya emwi valọ egbe iran. Iran keghi viọ ọka kevbe eturari mwẹ ne iran ya yo imuohan vbe Ọgua Osa.