Gẹnẹsis 36:8 - Edo Bible (E Baibol Ẹdo) Version 1996

⁸ Ẹre Isọ ghi na ya yin ẹvbo oke ọghe Idọm.

Gẹnẹsis 36:8 ပူးပေါင်းရင်းမြစ်များ

Gẹnẹsis 14:6

Ke Horit ne ọ rre uhunmwu oke ọghe Idọm rhinrin yasẹ Elparan ne ọ rre vbe a ra la ato fo.

Gẹnẹsis 25:30

ọ keghi khama Jekọb wẹẹ, “Ohanmwẹ gbe mwẹ, fian mẹ kherhe vbe ọpẹkhẹrhẹ ne yẹn ẹn na.” (Ọnii ọ siẹe ne a na tiẹre Idọm)

Gẹnẹsis 32:3

E Jekọb keghi gie emwa ke odaro bu Isọ ne ọtiọnrẹn vbe Idọm.

Gẹnẹsis 32:4

Ọna tama iran ne iran kha vbenian: “Mẹ ne Jekọb, ne ọguọmwadia ruẹ ne ọ họn ẹmwẹ nuẹn do khama Isọ ne arowa mwẹ wẹẹ, ọghe Leban ọre I gha ye kevbe wẹẹ I ma ho ne I gha dee ọ te do sẹ ẹghẹ na.

Gẹnẹsis 36:1

Ivbi uniẹn Isọ ena khin (ra Idọm).

Gẹnẹsis 36:9

Ena ọrọre ivbi uniẹn Isọ ne erha emwa Idọm.

I Krọnikol 4:42

Arhunmwu iyisẹn isẹn (500) vbe ivbi uniẹn e Simiọn keghi si gha rrie odẹ Ahọ Idọm. Emwa ni viọ iran gha khian kegha re: Pelatia, Neria, Refaia, kevbe Uziẹl, ne ivbi Isi nikpia.

II Krọnikol 20:10

“Banbanna nian, ivbi Amọn, e Moab kevbe Idọm mu okuọ bu ima rre. Ẹghẹ ne avbe erha mwa odede na gha ke Igipt dee, u ma gie iran la avbe otọe nii, rhunmwuda ọnii, avbe erha mwa odede keghi fian odẹ la ẹe ban, iran ma fuẹn iran uan.

II Krọnikol 20:23

Ivbiyokuo Amọn kevbe ọghe Moab keghi deyan ọghe Idọm, iran na lọkọ ehia a. Vbe iyeke ọnii iran keghi viọ aro da egbe gha gu egbe gbinna igbinna aranmwẹ oha.

Jerimaia 40:11

Vbe ẹghẹ ne a kha na avbe ivbi Izrẹl hia ni rre Moab, Amọn, Idọm kevbe avbe ẹvbo ọvbehe keghi họọn wẹ ọba e Babilọn kue ne ivbi Izrẹl eso ye gha rre Juda, kevbe wẹ ọ ya Gedalaia ru ne ọkhaemwisẹ yan iran.

Obedaia 1:1

Ẹmwẹ akhasẹ ne Obedaia miẹn ọre ọna khin ẹmwẹ ne Nọyaẹnmwa ne Udazi tae vbe ekpa Idọm. E Nọyaẹnmwa gie ukọ ẹre gha rrie avbe uhunmwu ẹvbo nẹ, ma vbe họn uhunmwu ne a gie iran re wẹẹ: “Wa mu egbe! Wa gie ima mu okuo gha rrie Idọm!”

Obedaia 1:3

Uhiomwẹ ruẹn ọ re ọ rẹrẹ ọ. Igiogbẹ ẹvbo ruẹ, ẹvbo ne a ya okuta ne ọ wegbe gbe odin ga nọ; owa ruẹ yo vbe uhunmwu oke nọkhua wẹ keghi rhunmwuda ọnii tama egbe ruẹ wẹẹ, ‘De ọmwa ne ọ gha sẹtin si mwẹ gbotọ?’

Malakai 1:3

I keghi vbe khuiwu Isọ kevbe ivbi uniẹn ọnrẹn. I dunmwu ẹvbo oke ọghe Isọ ua, I na se otọe ne o rro rae ne avbe aranmwẹ oha.”

Diuteronomi 2:22

Erriọ zẹ ọ re e Nọyaẹnmwa vbe ru ne ivbi Idọm, emwa ni re ivbi uniẹn Isọ ni rre avbe ẹvbo oke ọghe Idọm. Ọ keghi fuẹn emwa Hori ua, ẹre ivbi Idọm ghi na mu otọ iran, iran na yin ẹnrẹn, ehe ne iran ye na.

Diuteronomi 2:4

Ọ na wẹ ne I ru igiodẹ na ne uwa wẹẹ: ‘Vbe ẹvbo oke ọghe Idọm ọre uwa ghi ra la gberra na, otọe etẹn uwa ne ọ khian rrei nọ, ivbi uniẹn Isọ o re iran khin, ohan uwa gha mu iran,

Diuteronomi 2:5

sokpan wa ghẹ suẹn iran gha gu khọn rhunmwuda mẹ i ra mu ne uwa vbe otọ iran hiehiere, ọ gha khọn rẹn ne ọ gha re ibata ọkpa. Ivbi Isọ ọ re I mu Idọm na.

Jọsua 24:4

I kevbe viọ Jekọb kevbe Isọ ne Aizik. I keghi mu Idọm ne ẹvbo oke ne Isọ ne ọ gha re ọghọe sokpan e Jekọb kevbe ivbi ẹre kegha rrie Igipt.

I Samuẹl 14:47

E Sọl ghi rriọba nẹ, ọ keghi khọn avbe eghian rẹn hia vbe ehehia, avbe Moab, Amọn kevbe Idọm, ọba e Zọba kevbe avbe ivbi e Filistin. Ehe ne ọ na gbinna hia, ọ kegha khọnmiotọ.