Gẹnẹsis 35:9 - Edo Bible (E Baibol Ẹdo) Version 1996

⁹ E Jekọb ghi ke Mẹsopotamia rre, Osanobua keghi dọlegbe rhie egbe ma rẹn ọ na fiangbe ẹe.

Gẹnẹsis 35:9 ပူးပေါင်းရင်းမြစ်များ

Gẹnẹsis 12:7

E Nọyaẹnmwa keghi rhie egbe ma Ebram, ọ na tama rẹn wẹẹ, “Ẹvbo ne I khian mu ne uniẹn ruẹn ọre ọna khin.” Ebram keghi bọ aka ye evba ne Nọyaẹnmwa ne ọ rhie egbe ma rẹn.

Gẹnẹsis 17:1

Ugbẹn vbe Ebram ghi rre ukpo ọkpairrọvbiyisẹn, e Nọyaẹnmwa keghi rhie egbe ma rẹn, Ọ wẹẹ, “Mẹ ọrọre Osanobua Noghodua. U ghi gha họn ẹmwẹ mwẹ vbe ẹghẹ hia ne u gha ya vbe agbọn, ne u vbe gha ru emwi ne ọ gbae vbe ẹghẹ hia,

Gẹnẹsis 18:1

E Nọyaẹnmwa keghi rhiegbe ma Ebraham vbe ọkpẹn avbe erhan iruemwi ọghe Mamrẹ, Ebraham keghi tota ye onurho owa ukpọn rẹn vbe ogiavan ogioghogho,

Gẹnẹsis 25:20

Ukpo iyeva ọre Aizik ye vbe ọ rhie Ribẹka ne ovbi Bẹtuẹl nokhuo, (ọmwa Aran ne ọ ke Mẹsopotamia rre,) ọtẹn Leban nokhuo.

Gẹnẹsis 26:2

E Nọyaẹnmwa keghi rhiegbe ma Aizik, ọ na tama rẹn, wẹẹ, “Ghẹ yo Igipt. Mudia vbe ẹvbo ne I tama ruẹn ne u dia.

Gẹnẹsis 28:13

Iyekọni, ọ keghi miẹn vbe Nọyaẹnmwa mudia ke irẹn, ọ wẹẹ, “Mẹ ọrọre Nọyaẹnmwa, Osanobua Ebraham kevbe Aizik. Otọ ne u lovbiẹ yi na, I gha yae nuẹn ke uwẹ kevbe uniẹn ruẹn,

Gẹnẹsis 31:3

Ẹre Nọyaẹnmwa na tama rẹn wẹẹ, “Werriegbe gha rrie ẹvbo erhaa kevbe avbe etuẹn, I gha ya ba ruẹ.”

Gẹnẹsis 32:1

Ugbẹn vbe Jekọb ghi khian vbe odẹ, avbe odibo Osanobua keghi do vba ẹre.

Gẹnẹsis 35:1

Osanobua keghi tama e Jekọb wẹẹ, “Muegbe ne u gha rrie Bẹtẹl ne u ya yin evba. U ghi gba aka mẹ vbe evba, Mẹ ne Osanobua ne ọ rhie egbe ma ruẹn vbe vba ẹghẹ ne u na gha lẹ khian hin obọ Isọ ne ọtuẹn.”

Jerimaia 31:3

I keghi rhie egbe ma iran vbe urria. Ivbi Izrẹl, ẹghẹ hia ọ re I ya gha ho ẹmwẹ uwa, rhunmwuda ọnii, I keghi ye gha mwẹ aho ne ẹ i beghe ghe uwa.

Hozia 12:4

Ọ gu odibosa khọn, obọ ẹre keghi ke ukhunmwu. Ọ keghi viẹ, ọ na nọ afiangbe. Osanobua keghi bu erha ima odede ighe Jekọb rre vbe Bẹtẹl, ọ na do gu ẹe guan.

Hozia 12:5

Ọnọna ọ re Nọyaẹnmwa Osanobua ne Oghodua, e Nọyaẹnmwa ọrọre eni ne a gha ya gha ga ẹe.

Iwinna 7:2

Stivin keghi wanniẹn, ọ wẹẹ, “Wa ne etẹn mwẹ kevbe erha mwẹ, wa danmwehọ mwẹ. Osanobua ọghe uyi rhie egbe ma Ebraham ne erha mwa odede vbe ẹghẹ ne irẹn na gha rre Mẹsopotamia, vbe ọ ma he si gha rrie Haran.