Gẹnẹsis 35:7 - Edo Bible (E Baibol Ẹdo) Version 1996

⁷ Ọ keghi gba aka ye evba, ọ na gha tie ẹre Bẹtẹl rhunmwuda Osanobua ye egbe naẹn miẹn vbe evba vbe ẹghẹ ne ọ na gha lẹ hin ehe ne ọtiọnrẹn ye rre.

Gẹnẹsis 35:7 ပူးပေါင်းရင်းမြစ်များ

Gẹnẹsis 12:7

E Nọyaẹnmwa keghi rhie egbe ma Ebram, ọ na tama rẹn wẹẹ, “Ẹvbo ne I khian mu ne uniẹn ruẹn ọre ọna khin.” Ebram keghi bọ aka ye evba ne Nọyaẹnmwa ne ọ rhie egbe ma rẹn.

Gẹnẹsis 12:8

Vbe iyeke ọnii, ọ keghi la ghe odẹ ekẹn ọghe oke ne ọ rre odẹ ahọ ọghe Bẹtẹl, ọ na bu agọ ye ẹkpo Bẹtẹl vbe orrie kevbe Ai vbe ahọ. Ọ kevbe bọ aka ye evba, ọ na ya uhunmwu rhanmwẹ otọ ne Nọyaẹnmwa.

Gẹnẹsis 28:10

Jekọb ke kpao vbe Biẹsiẹba rre, ọ na mu uhunmwu da Haran.

Gẹnẹsis 28:13

Iyekọni, ọ keghi miẹn vbe Nọyaẹnmwa mudia ke irẹn, ọ wẹẹ, “Mẹ ọrọre Nọyaẹnmwa, Osanobua Ebraham kevbe Aizik. Otọ ne u lovbiẹ yi na, I gha yae nuẹn ke uwẹ kevbe uniẹn ruẹn,

Gẹnẹsis 28:17

Ohan kegha muẹn, ọ wẹẹ, “U miẹn vbe emwana mwẹ orrirri hẹ! Owa Osanobua gha wannọ, onurho ẹrinmwi.”

Gẹnẹsis 28:19

Ọ kegha tie evba nii Bẹtẹl (Luz ọre a te ka gha tie ẹvbo nii).

Gẹnẹsis 28:22

Okuta ne I yi ẹre ama na ọre ọ khian gha re ehe ne a na gaa. I ghi vbe wa emwi ne u viọ mẹ hia ye ihigbe mu obọkpa nuẹn vbọ.”

Gẹnẹsis 29:1

Jekọb keghi deyan okhian, ọ na mu uhunmwu da otọ avbe iran ni rre odẹ ahọ.

Gẹnẹsis 31:13

Mẹ ọrọre Osanobua ne ọ rhiegbe ma ruẹn vbe Bẹtẹl ehe ne u na tue ofigbọn yan okuta ya zẹ ayere, ne u na vbe yan. Banbanna nian, mu egbe ne u gha rrie ẹvbo ruẹ ehe ne a na biọ.’ ”

Gẹnẹsis 35:1

Osanobua keghi tama e Jekọb wẹẹ, “Muegbe ne u gha rrie Bẹtẹl ne u ya yin evba. U ghi gba aka mẹ vbe evba, Mẹ ne Osanobua ne ọ rhie egbe ma ruẹn vbe vba ẹghẹ ne u na gha lẹ khian hin obọ Isọ ne ọtuẹn.”

Gẹnẹsis 35:15

Ọ kegha tie evba nii Bẹtẹl.

Gẹnẹsis 35:3

Ma ra kpao vbe emwa gha rrie Bẹtẹl, ehe ne I gha na gba aka ne Osanobua ne ọ yọmwẹ obọ vbe ẹghẹ ọlọghọmwa mwẹ, kevbe ne ọ vbe yaba mwẹ vbe eheikehe ni I he la.”

Ẹksọdọs 17:15

E Mosis keghi bọ aka, ọ ke gha tie ẹre “Nọyaẹnmwa ọrọre Afiala mwẹ.”

Ezikiẹl 48:35

Utanmwẹ ekẹn nii hia vbe igienenẹ ọghe ore ẹvbo nii keghi re ibata eha iyenẹ yan arriaisẹn igbe (10,080). Eni ne a ghi ra gha tie ore ẹvbo nii ke ẹghẹ na kpao keghi re, “E Nọyaẹnmwa Rre Emwa Na.”

Giọgis 6:24

E Gidiọn keghi bọ aka ọkpa ne Nọyaẹnmwa vbe evba, ọ na gha tie ẹre, “E Nọyaẹnmwa ọrọre Ọfumwegbe.” (Te ọ ye rre Ọfra ne ọ re otọ ẹwae Abiẹzẹ.)