Gẹnẹsis 35:5 - Edo Bible (E Baibol Ẹdo) Version 1996

⁵ Ugbẹn vbe Jekọb kevbe ivbi ẹre ghi suẹn gha kpao, ohan nọkhua kegha mu emwa ni rre ẹvbo ni lẹga evba, iran ma khu iran.

Gẹnẹsis 35:5 ပူးပေါင်းရင်းမြစ်များ

Gẹnẹsis 34:30

E Jekọb keghi khama Simiọn vbe Livai wẹẹ, “Wa si mwẹ fi uwu ẹmwẹ nẹ, banbanna nian, emwa ẹvbo na hia, emwa Kenan, Pẹriz, iran hia khọ ẹko mwẹ. Ikpia ne I mwẹ i bun; iran gha ku obọ gbe mu igbinna gunmwẹ, ke imẹ kevbe ẹgbẹe mwẹ hia, te iran ra miẹn ima uhunmwu.”

Gẹnẹsis 35:4

Ẹre iran na do viọ ẹbọ ẹrrẹe ne iran mwẹ hia ne Jekọb, deba emwiehọ ne iran te lo, ọ keghi tọnnọ iran ye ototọ erhan okan ne ọ rre Siẹkẹm.

II Krọnikol 14:13

Ẹre Asa kevbe ivbiyokuo ẹre na ya khulo iran ya sẹ e Gera. Obọ keghi da ivbi e Sudan sẹrriọ wẹ ivbiyokuo ma ghi sẹtin si egbe koko ne iran gbinna. E Nọyaẹnmwa kevbe ivbiyokuo ẹre keghi siẹnrhu iran obọ ivbiyokuo keghi vba emwi fu viọ ẹsẹse.

II Krọnikol 14:14

Iran keghi sẹtin dunmwu ẹvbo eso ua vbe odẹ ne ọ laghe Gera, rhunmwuda, ohan e Nọyaẹnmwa mu emwa ni rre evba. Ivbiyokuo keghi khọn la avbe ẹvbo ni hia, iran na fu emwi ni bun ẹsẹse viọ.

II Krọnikol 17:10

E Nọyaẹnmwa keghi ru ẹe wẹ a ma ghi miẹn ne ohan gie ẹe mu okuọ gie Jehosiafat ne ọba vbe uwu avbe arriọba ni lẹga ẹre.

Psalm 105:14

Sokpan, Osanobua ma gie ọmwaikọmwa wọ iran uhunmwu; ne ọ miẹn ehe na tan obọ gue iran, ọ keghi tama avbe ọba wẹẹ,

Psalm 14:5

Sokpan, iran gha runran, rhunmwuda, Osanobua rrọ yaba iran ni họn ẹmwẹ ne ẹẹn.

Ẹksọdọs 23:27

I gha gie afianma mwẹ gha fian iran ni mu aro igbinna da uwa, I ghi fian otighi fi emwa ne uwa gu gbinna egbe, I ghi vbe gie avbe eghian uwa fi iyeke werriẹ ne iran le hin odaro uwa rre.

Ẹksọdọs 34:24

I gha ghi khulo avbe okpẹvbo hin odaro rua rre nẹ, I na vbe rhie te ehe ne otọe rua la ẹe, a i miẹn ọmwa ne ọ gha ho ne ọ ya khọn ẹvbo uwa vbe uwu igba eha ne uwa do gha miẹn mwẹ aro nii, mẹ ne Nọyaẹnmwa ne Osanobua ruẹ.

Diuteronomi 11:25

Ọmwa ọkpa ne ọ gha sẹtin gbe uwa odẹ, ẹ i rrọ. Ehe ne uwa arhirhi lao vbe otọe nii, e Nọyaẹnmwa gha ya emwa nii gha mu ohan uwa zẹ vbene irẹn khare.

Diuteronomi 2:25

Ẹre na, I gha suẹn gha ya ohan uwa mu emwa vbe ehehia. A gha so eni uwa, emwa hia ghi gha guọ zẹzẹzẹ ba ẹmwẹ ohan.’

Jọsua 5:1

Avbe ọba Amọri hia ni rre ọlarrie owẹn Jọdan kevbe avbe ọba Kenan ni lele ọkpẹn Okun Meditẹrrenian hia keghi họn wẹ te Nọyaẹnmwa si amẹ Jọdan ka ne ivbi Izrẹl la gberra. Ohan keghi mu iran, egbe na wọ iran rhunmwuda ivbi Izrẹl.

I Samuẹl 11:7

Ọ na munọ ẹkhuia ẹmila eva, ọ keghi giagia iran ukhiọnmwẹ ukhiọnmwẹ, ọ na viọ ne emwa viọ la otọe Izrẹl hia khinkhian, ne iran vbe gha kha wẹẹ, “Ọmwaikọmwa ne ọ ma lele e Sọl kevbe Samuẹl ye okuo, vbenian ọ re a ra ru ẹmila ẹre!” Ohan emwi ne Nọyaẹnmwa gha ru kegha mu ivbi Izrẹl, ehia keghi wa vẹ ladian vbene ọkpa ma na vbe ke ẹe vbọ.

I Samuẹl 14:15

Ohan dan keghi mu ivbi e Filistin ni rre uwu oha nii hia, iran ni fu emwi viọ kevbe avbe ivbiyokuo ni rre agọ nii, kegha guọ zẹzẹzẹ, otọe keghi mu rueghe, ehe hia na tighi ua.