Gẹnẹsis 35:3 - Edo Bible (E Baibol Ẹdo) Version 1996

³ Ma ra kpao vbe emwa gha rrie Bẹtẹl, ehe ne I gha na gba aka ne Osanobua ne ọ yọmwẹ obọ vbe ẹghẹ ọlọghọmwa mwẹ, kevbe ne ọ vbe yaba mwẹ vbe eheikehe ni I he la.”

Gẹnẹsis 35:3 ပူးပေါင်းရင်းမြစ်များ

Gẹnẹsis 28:15

Yẹrẹro, I gha rrọọ yaba ruẹ, I ghi gha degue ruẹ vbe ehe ne u rhirhi a gha rrie, I ghi vbe dọlegbe rhie ruẹ gha die otọ na. Mẹ ira suẹ rae I te do ru avbe emwi ne I tama ruẹn na.”

Gẹnẹsis 31:3

Ẹre Nọyaẹnmwa na tama rẹn wẹẹ, “Werriegbe gha rrie ẹvbo erhaa kevbe avbe etuẹn, I gha ya ba ruẹ.”

Gẹnẹsis 31:42

Akpawẹ ẹ i re ne Osanobua avbe erhamwẹ, Osanobua Ebraham, Osanobua ne Aizik gae, na ya ba mwẹ, u gha we mwẹ fiabọ gha rrie nẹ. Sokpan Osanobua bẹghe ọlọghọmwa ne I ye kevbe ẹsọn ne I he miẹn, ọ re a na miẹn wẹẹ vbe nasọn ọ keghi bu ohiẹn.”

Gẹnẹsis 32:24

Ọ keghi kẹ irẹn ọkpa vbe odieke. Orhiọnkpa keghi do guẹe vẹn ẹdẹ te do gbe.

Gẹnẹsis 32:7

Ohan keghi mu e Jekọb ẹsẹse, iro na han rẹn. Ọ keghi wa emwa ni guẹe, ohuan, kevbe ẹwe kevbe ekẹtẹkẹtẹ ye ihe eva.

Gẹnẹsis 35:4

Ẹre iran na do viọ ẹbọ ẹrrẹe ne iran mwẹ hia ne Jekọb, deba emwiehọ ne iran te lo, ọ keghi tọnnọ iran ye ototọ erhan okan ne ọ rre Siẹkẹm.

Gẹnẹsis 35:7

Ọ keghi gba aka ye evba, ọ na gha tie ẹre Bẹtẹl rhunmwuda Osanobua ye egbe naẹn miẹn vbe evba vbe ẹghẹ ne ọ na gha lẹ hin ehe ne ọtiọnrẹn ye rre.

Gẹnẹsis 48:15

Ọ keghi fiangbe iran. “Te Osanobua gha fiangbe emọ na! Osanobua ne Ebraham kevbe Aizik ne erhamwẹ gae! Te Osanobua ne ọ su mwẹ sẹ ẹdẹnẹrẹ na, gha fiangbe iran!

Psalm 107:6

Ẹghẹ nii, vbe uwu ọlọghọmwa iran, iran keghi da tie Nọyaẹnmwa, ọ keghi miẹn iran fan hin usẹ iran rre.

Psalm 107:8

Ọ kere ne iran rho e Nọyaẹnmwa ye aho ẹmwẹ ọmwa rẹn ne ẹ i beghe kevbe emwi ọyunnuan ne ọ ru ne iran.

Psalm 46:1

Osanobua ọrọre ugue kevbe ẹtin mwa, ọ mu egbe vbe ẹghẹ hia ne ọ ya ru iyobọ vbe ẹghẹ ukpokpo.

Psalm 50:15

Ibaro gha rre, kpe tie mwẹ, I gha miẹn ruẹn fan wẹ ghi do gha rho mwẹ.”

Psalm 91:15

Iran gha kpe tie mwẹ, I gha yaba iran vbe iran a gha rre uwu ibaro. I gha miẹn iran fan I gha vbe ye ọghọ ne iran.

Itan 3:6

Gha ye Nọyaẹnmwa rre vbe emwi ne u ru hia, ọ gha vbe gha ma ruẹn odẹ ne ọ kere.

Aizaia 30:19

Wa ne emwa ni rre Jerusalẹm i ghi ra dọlegbe viẹ ọvbehe. Ọmwa itohan ọ re Nọyaẹnmwa khin, wa gha tu bu ẹre ya nọ iyobọ, ọ gha zẹ ye uwa ẹre.

Aizaia 43:2

U gha la uwu ẹzẹ ne ọ dinmwi khian, I gha mudia kuẹ ọlọghọmwa ruẹn I ra gbuẹ uhunmwu, u gha la uwu erhẹn khian, u i ra giẹn, ibaro nọ khua ne u miẹn, ẹ i ra kuan ruẹn.

I Samuẹl 10:3

U gha ke evba kpao, u ghi do sẹ isi erhan iruemwi ne ọ rre Tabọ, U ghi miẹn ikpia eha ni rrie Bẹtẹl ne iran ya zọ ese ghe Osanobua vbe Bẹtẹl. Ọkpa vbọ gha viọ ivbi ẹwe eha mwẹ, ọkpa gha viọ ebrẹd eha mwẹ kevbe ne ogieha ghi mu ọgọ ohian ayọn mwẹ.